Titus 3:2 - Nau Brah Ndu Ngơi 2023

² mâu ngơi djơh ma bu ôh, der nau tâm lah tâm djrel, ƀiălah rdơ̆ rbăn hom jêh ri gŭ ngao ueh ma lĕ rngôch bunuyh.

Bunong Bible Latin Script Cambodian dialect

² Nkah khân păng đŏng, lơi ôh ăn khân păng ngơi nau djơh bu ma bunuyh êng, ăn khân păng der bơh nau tâm lŏk tâm janh ma bu, ăn khân păng geh nuih n'hâm mleh, n'ho ma yơk ma dâng lĕ bunuyh.

Bunong

² ងកាស​ខាន់​ពាង់​ដ៝ង់ លើយ​អោស​អ៝ន់​ខាន់​ពាង់​ងើយ​នាវ​អ្យើស​ឞូ​មា​ឞូនុយ្ស​អេង អ៝ន់​ខាន់​ពាង់​ទែរ​ឞើស​នាវ​តឹម​ល៝ក់​តឹម​ជាញ​មា​ឞូ អ៝ន់​ខាន់​ពាង់​គែស​នូយ្ស​នហ៝ម់​មលែស នហ៝​មា​យើក​មា​ទឹង​លែៈ​ឞូនុយ្ស។

Titus 3:2 Iomraidhean Croise

II Samuel 22:36

Kôranh Brah ăn ma gâp khêl nau tâm rklaih, Păng, Jêh ri dêh rhêt May hŏ ƀư jêh ma gâp jêng toyh.

Nau Mprơ Ơm 140:11

Lơi ăn bunuyh geh mpiăt ndơm dơi gŭ nâp tâm n'gor; Ăn nau djơh mra hăn tĭng joi bunuyh janh ƀai!

Nau Hôr 19:19

Bunuyh gơnh ji nuih mra dơn nau tâm rmal; Yorlah tơlah may rklaih păng, ăt may mra rklaih păng du tơ̆ tay đŏng.

Nau Hôr 25:24

Ueh lơn gŭ du njônh ta klơ chor ngih Rlau lơn jêng gŭ nsum du ngih ndrel ma bu ur mơng tâm djrel.

Nau Hôr 6:19

Nơm nkoch mƀruh jêh ri ngơi nau nchơt, Nơm joi nau tâm djrel ndrăng oh nâu.

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Mathay 11:29

Gâp geh nuih n'hâm rdơ̆ rbăn, dêh rhêt; ăn khân may anh ndơ mbăk Gâp jêh ri nti tă bơh Gâp ri mơ huêng khân may mra rlu.

Kôranh Oh Mon 23:5

Y-Pôl plơ̆ lah: “Hơi phung oh nâu, gâp mâu gĭt ôh păng jêng kôranh ƀư brah toyh lơn; yorlah geh nau nchih jêh pô aơ: ‘Lơi bêk prêng ma kôranh chiă uănh phung ƀon lan khân may.’ ”

I Kôrintô 6:10

Lơi ta ndơm mƀruh khân may nơm. Phung văng tĭr, phung mbah rup brah, phung tâm lâm, bu klâu ndrăng bu klâu jêh ri bu ur ndrăng bu ur, phung ntŭng, phung kơnh rlau ir, phung nhŭl ndrănh, phung dăng suai rak, phung ntŭng, mâu mra dơi dơn ƀon bri hađăch Brah Ndu ôh.

I Kôrintô 9:19

Nđâp tơlah đah lĕ rngôch bunuyh, gâp jêng bunuyh kon me, ƀiălah gâp plơ̆ jêng dĭk ma lĕ rngôch gay ma dơi njŭn leo âk bunuyh tay.

II Kôrintô 10:1

Gâp yơh, Y-Pôl, vơh dăn ma khân may ma nau rdơ̆ rbăn jêh ri nau ueh bơh Brah Krist — gâp jêng bunuyh rdơ̆ rbăn tơlah tâm mâp đah khân may, ƀiălah bêng ma nau janh đah khân may tơlah gâp gŭ ngai! —

II Kôrintô 12:20

Yorlah gâp klach tơlah gâp tât gâp mâu mra saơ khân may nâm bu gâp kâp gân, bi khân may saơ đŏng gâp mâu di nâm bu khân may ŭch. Gâp klach ta nklang khân may geh nau tâm jin, nau mâu nach, nau duh nuih, nau mbeh, nau ngơi kek, nau nchơt, nau sưr, nau uh ah.

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Galati 6:1

Hơi oh nâu, tơlah geh du huê rhuh tâm nau tih, khân may jêng phung hăn tĭng nâm Brah Huêng Ueh, sŏk hom nuih n'hâm rdơ̆ rbăn gay nkra khân păng. Ăn khân may nơm blau njrăng, klach lah geh nau ndơm tât ma khân may tâm ban lĕ.

Galati 6:10

Pôri, dôl geh mông găl, he ƀư hom nau ueh ma lĕ rngôch bunuyh, lor lơn jêng ma phung oh nâu tâm nau chroh.

Êphêsô 4:2

Ăn dŭt dêh rhêt, rdơ̆ rbăn jêh ri nau srôih, ăn khân may ŭn nuih ndrăng khân may tâm nau rŏng.

Êphêsô 4:31

Ngroh lơi hom bơh khân may lĕ nau khek, nuih n'hâm hăt janh, nau ji nuih, nau nter, nau suai rak, ndrel ma lĕ nau djơh mhĭk.

Philip 4:5

Ăn hom lĕ rngôch bunuyh gĭt nau rdơ̆ rbăn khân may. Kôranh Brah văch dăch jêh!

I Têsalônik 2:7

Ƀiălah ta nklang khân may, hên hŏ gŭ ngao rdơ̆ rbăn nâm bu bunuyh sâm mpu mât rong phung kon păng nơm.

I Timôthê 3:11

Phung bu ur tâm ban lĕ, ăn gŭ ngao ueh, mâu ngơi mhĭk, ƀiălah di keh jêh ri gŭ răp jăp tâm lĕ rngôch ndơ.

I Timôthê 3:3

mâu vay mơng nhêt ndrănh, mâu hăt janh, ƀiălah đăp mpăn, mâu tâm lah tâm djrel, jêh ri mâu kơnh ir ma prăk.

Yakơ 3:17

Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.

Yakơ 4:11

Hơi oh nâu, lơi ta khân may ngơi mhĭk ndrăng khân may nơm ôh. Mbu nơm ngơi mhĭk ma oh nâu păng nơm mâu lah phat dôih ma oh nâu păng nơm, nâm bu ntĭt ngơi mhĭk ma nau vay jêh ri phat dôih ma nau vay. Ƀiălah tơlah may phat dôih ma nau vay, may mâu di jêng bunuyh jan tĭng ma nau vay ôh, ƀiălah may jêng kôranh phat dôih ma nau vay.

I Pêtrôs 2:1

Pôri, khân may chalơi hom lĕ nau janh ƀai, ƀlêp ƀlêr, nuih n'hâm nklă, mâu nach jêh ri lĕ nau ngơi nchơt.

I Pêtrôs 3:10

Yorlah: “Mbu nơm ŭch rŏng ma nau rêh Jêh ri saơ lĕ nar ueh, Nkân hom mpiăt păng nơm bơh nau mhĭk, Jêh ri trôm mbung păng lơi ngơi nau ndơm;

I Pêtrôs 3:8

Nglĕ dŭt, ăn lĕ rngôch khân may geh nuih n'hâm jêng nguay, blau yô̆, rŏng oh nâu tâm Kôranh Brah, geh nuih n'hâm ueh jêh ri nuih n'hâm dêh rhêt.

I Pêtrôs 4:4

Dôl saơ khân may mâu hôm râng lăp tâm nau blă blơ nây đŏng, ri mơ khân păng hih rhâl jêh ri ngơi mhĭk ma khân may.

II Pêtrôs 2:10

lor lơn jêng phung bunuyh ƀư tĭng nau kơnh ŭch djơh mhĭk, mưch rmot ma nau chiă uănh. Phung nĕ dăng bôk hâu ngăn jêh ri sưr rlau, mâu klach ôh ngơi djơh tât ma phung geh nau chrêk rmah;

Yuđas 1:10

Ƀiălah phung aơ ngơi djơh tât ma lĕ nau khân păng mâu gĭt rbăng, bi lĕ nau khân păng gĭt ma nau nglay săk ŭch nâm bu mpô mpa bri mâu geh nau gĭt rbăng, pôri khân păng dŏng gay ƀư rai roh khân păng nơm.

Yuđas 1:8

Nđâp lah kơt nĕ, tâm ban kơt nây đŏng, tâm nau mbơi, phung aơ ƀư ƀơ̆ ƀơch nglay săk khân păng nơm, dun nau dơi, jêh ri ngơi sưr rlau ma lĕ nơm chrêk rmah.