Titus 2:2 - Nau Brah Ndu Ngơi 2023

² Ntĭm nti hom ma phung bu ranh gĭt di keh, ăn gŭ ngao ueh, blau mĭn, dơi nâp tâm nau chroh, tâm nau rŏng jêh ri nau srôih.

Bunong Bible Latin Script Cambodian dialect

² Ntŭm nti mpôl bu ranh ăn gŭ rêh gĭt njing nau ueh nau djơh, gŭ ngao ueh, dŭp nuih lơi ăn jan tâng nau kơnh, geh nau nsing nâp, geh nau rŏng ma bu nâng, ndrel ma blao ăt nuih nâng ta nau jêr.

Bunong

² នតុម​នតី​មពោល​ឞូ​រាញ​អ៝ន់​គុ​រេស​គឹត​ញជីង​នាវ​អ្វែស​នាវ​អ្យើស គុ​ងាវ​អ្វែស ទុប​នូយ្ស​លើយ​អ៝ន់​ជាន​តឹង​នាវ​កើញ គែស​នាវ​ញឆីង​ន៝ប់ គែស​នាវ​រ៝ង់​មា​ឞូ​នឹង នទ្រែល​មា​ឞ្លាវ​អ៝ត់​នូយ្ស​នឹង​តា​នាវ​ជេរ។

Titus 2:2 Iomraidhean Croise

Ndrom Samƀŭt bơh Yôp 12:12

Phung bu ranh geh nau blau mĭn, Bunuyh rêh jŏ ntop nau gĭt rbăng.

Nau Mprơ Ơm 92:14

Nđâp tơlah tât ranh, khân păng mra hôm e luh kao play, Chăt jêng jêh ri ndrêh ueh.

Nau Hôr 16:31

Sŏk ndra mra jêng đon hađăch nau chrêk rmah, Prăp ăn ma bunuyh hăn tâm trong sŏng srăng.

Êsai 65:20

Ta nây mâu mra geh ôh phung kon se khĭt gơnh, Mâu lĕ geh phung bu ranh mâu rĭng năm; Yorlah khĭt nôk du rhiăng năm, kơp jêng khĭt mom, Jêh ri nơm knŏng rêh tât du rhiăng năm bu mra kơp jêng nơm geh nau rak rtăp.

Kan Lêvi 19:32

Ăn khân may dâk tanăp măt phung sŏk ndra, yơk ma phung bu ranh, jêh ri ăn khân may klach yơk ma Brah Ndu khân may. Gâp jêng Brah Yêhôva.

Markôs 5:15

Nôk tât ta ntŭk Brah Yêsu, khân păng saơ du huê bunuyh hŏ tă brah mhĭk “Phung mpôl tahan” lơh dôl gŭ ta nây, nsoh kho ao jêh ri nau mĭn kah rngăl, khân păng klach ngăn.

Luka 8:35

Lĕ rngôch bunuyh hăn uănh nau mhe tât geh. Nôk khân păng văch ta nây saơ Brah Yêsu, saơ bunuyh klaih jêh tă bơh phung brah mhĭk lăp, gŭ ta jâng Brah Yêsu, nsoh kho ao, nau mĭn kah gĭt rah vah pôri khân păng klach hâu ngăn.

Kôranh Oh Mon 24:25

Ƀiălah dôl Y-Pôl ngơi ma nau sŏng srăng, ma nau di keh jêh ri ma nau phat dôih tâm nar kăndơ̆, Phêlik klach râm sâr jêh ri lah: “Sĭt hom may aƀaơ ro; tơlah gâp ru, gâp mra kuăl may.”

Samƀŭt Pôl Njuăl Ăn Ma Phung Nsing Ta Ƀon Rôm 12:3

Yorlah bơh nau hŏ yô̆ jêh ma gâp, gâp lah ma ăp nơm tâm khân may, lơi mĭn rlau ir ma khân may nơm, ƀiălah mĭn rvê hom di rnâng, tĭng nâm ma nau chroh Brah Ndu ăn jêh ma ăp bunuyh.

I Kôrintô 15:34

Ăn rgâl nuih n'hâm jêh ri lơi ƀư tih ôh, yorlah ƀaƀă tâm phung khân may mâu gĭt năl Brah Ndu ôh. Gâp lah kơt nây gay ƀư bêk khân may.

I Kôrintô 9:25

Lĕ rngôch đơ phung pâl tâm rlong ver ăp ntil ndơ, jêh ri khân păng ƀư nau nây gay geh đon hađăch hôm blau ôm rai ôh. Ƀiălah he ƀư nau nây ŭch geh đon hađăch mâu blau rai lôch ôh.

II Kôrintô 5:13

Yorlah tơlah hên nsrôih ngăn, nây jêng yor Brah Ndu; tơlah hên geh nau mĭn ueh, nây jêng yor khân may.

Galati 5:23

Mâu mâp geh nau vay dơi buay lĕ nau nây.

Philip 4:8

Nau nglĕ dŭt, hơi oh nâu, moh ntil jêng nau nanê̆ ngăn, moh ntil jêng nau khư yơk, moh ntil jêng nau sŏng srăng, moh ntil jêng nau kloh rsang, moh ntil jêng nau khư rŏng, moh ntil jêng nau khư tâm rnê, lah nsum jêng moh ntil jêng nau mĭn ueh, nau khư tâm rnê, ăn khân may mĭn ma lĕ nau nây.

I Têsalônik 5:6

Pô nây, he mâu bê̆ch nâm bu phung êng ôh, ƀiălah ăn he rngeh njrăng jêh ri di keh.

I Têsalônik 5:8

Ƀiălah he jêng kon nôk nar, pôri ăn di keh hom, nsoh ao loih ma nau chroh jêh ri nau rŏng, sŏk nau kâp gân ma nau tâm rklaih ƀư môk tâm lơh.

I Timôthê 1:10

ma phung văng tĭr jêh ri bu klâu ndrăng bu klâu, bu ur ndrăng bu ur, ma phung tăch rgâl bunuyh, ma phung ngơi mƀruh, ma phung ngơi nchơt jêh ri lĕ nau êng tâm rdâng đah nau di nau sŏng ngăn.

I Timôthê 1:14

Nanê̆ ngăn nau yô̆ Kôranh Brah he jêng bêng ler jêh ma gâp nđâp ma nau chroh jêh ri nau rŏng tâm Brah Yêsu Krist.

I Timôthê 1:2

nchih njuăl ma Y-Timôthê, kon gâp ngăn tâm nau chroh: Dăn Brah Ndu, Mbơ̆ he, jêh ri Brah Yêsu Krist, Kôranh Brah he, ăn nau yô̆, nau yô̆ nđach jêh ri nau đăp mpăn ma may!

I Timôthê 1:5

Nau ŭch bơh nau ntĭnh nây jêng nau rŏng luh bơh nuih n'hâm kloh, bơh nuih n'hâm sŏng ueh jêh ri ma nau chroh nanê̆ ngăn.

I Timôthê 3:11

Phung bu ur tâm ban lĕ, ăn gŭ ngao ueh, mâu ngơi mhĭk, ƀiălah di keh jêh ri gŭ răp jăp tâm lĕ rngôch ndơ.

I Timôthê 3:2

Pôri, kôranh chiă uănh mâu geh nau nduyh, knŏng du huê ur du huê sai, di keh, gĭt njrăng, gŭ ngao ueh, gĭt rom bu năch, blau ntĭm nti bu,

I Timôthê 3:4

Ăn păng blau mât uănh rnăk vâl păng nơm, ntĭm nti ma phung kon păng gĭt tông bâr jêh ri yơk ma păng ƀaƀơ;

I Timôthê 3:8

Ăn phung bunuyh kơl kan gŭ ngao ueh, mâu ngơi ôh bar bâr, mâu vay nhêt ndrănh, mâu hưp ndơ tâm nau ƀư djơh,

I Timôthê 5:1

Lơi ngơi dăng ôh nau nduyh ma bu klâu ranh, ƀiălah bonh leng păng tâm ban ma du huê mbơ̆, gŭ ngao đah phung ndăm tâm ban ma phung oh nâu,

Titus 1:13

Nau mbơh aơ jêng ngăn. Yor ri, ăn may ƀư ngăn nau nduyh nkra khân păng, gay ma khân păng geh nau ktang tâm nau chroh,

Titus 1:8

ƀiălah, ăn gĭt rom bu năch, rŏng nau kan ueh, gŭ di keh, sŏng, kloh ueh, blau mât njrăng săk,

Titus 2:7

Tâm lĕ rngôch nau, may jêng nơm leo trong tâm lĕ nau kan ueh jêh ri tâm mpơl nau di, ăn gŭ ngao ueh lah may ntĭm nti;

ផីលេមោន 1:9

ƀiălah yor nau rŏng, gâp vơh vơl pô aơ. Gâp nơm, Y-Pôl, lĕ ranh jêh ri aƀaơ jêng bu nă yor Brah Yêsu Krist,

I Pêtrôs 1:13

Pôri, khân may ndrăp lor hom nau mĭn, di keh hom, dơm nau kâp gân tâm nau yô̆ mra ăn ma khân may nôk Brah Yêsu Krist tâm mpơl.

I Pêtrôs 4:7

Nau nglĕ dŭt lĕ rngôch ntil ndơ dăch tât jêh; pôri ăn khân may gĭt mĭn jêh ri di keh gay ma mbơh sơm.

I Pêtrôs 5:8

Ăn gŭ di keh jêh ri gŭ rngeh njrăng; phung rlăng đah khân may jêng phung brah mhĭk, nâm bu yau mŭr ngrông, ndăch nsong jŭm khân may joi mbu nơm păng dơi sa hêk,

II Pêtrôs 1:6

ntop nau di keh ma nau gĭt rbăng, ntop nau srôih ma di keh, ntop nuih n'hâm blau yơk ma nau srôih,