Titus 2:12 - Nau Brah Ndu Ngơi 2023

¹² Nau yô̆ nây nti ma he mƀăr lơi nau mâu blau yơk jêh ri nau kơnh ŭch ta neh ntu gay gŭ rêh tâm di keh, nau sŏng srăng jêh ri klach yơk tâm rnôk aơ,

Bunong Bible Latin Script Cambodian dialect

¹² Păng ntŭm nti đă bân mƀăr lơi dâng lĕ nau i Păng mâu ŭch, ndrel ma mƀăr lơi dâng lĕ nau phung bunuyh i mâu yơk ma Păng, nau khân păng kơnh ta neh ntu dja. Jêh ri gŭ rêh ta neh ntu dja ăn blao mât njrăng săk ăn gŭ di keh, gŭ rêh sŏng, jan tâng ma nau Kôranh Brah nơm ŭch hŏ,

Bunong

¹² ពាង់​នតុម​នតី​ដាៈ​ឞ៝ន់​មអារ់​លើយ​ទឹង​លែៈ​នាវ​អី​ពាង់​មោ​អុច នទ្រែល​មា​មអារ់​លើយ​ទឹង​លែៈ​នាវ​ផូង​ឞូនុយ្ស​អី​មោ​យើក​មា​ពាង់ នាវ​ខាន់​ពាង់​កើញ​តា​នែស​នតូ​អ្យា។ ជេសរី​គុ​រេស​តា​នែស​នតូ​អ្យា​អ៝ន់​ឞ្លាវ​ម៝ត់​ញជ្រាង់​ឆាក់​អ៝ន់​គុ​ទី​កែស គុ​រេស​ឆ៝ង់ ជាន​តឹង​មា​នាវ​កោរាញ​ឞ្រាស​នើម​អុច​ហ៝ៈ‌

Titus 2:12 Iomraidhean Croise

Nau Mprơ Ơm 105:45

Gay ma khân păng djôt prăp nau vay Păng, Jêh ri tông nau vay Păng. Halêluya!

Nau Mprơ Ơm 4:3

Khân may mra gĭt Brah Yêhôva hŏ prăp êng jêh bunuyh blau yơk ma Păng. Tơlah gâp kuăl mbơh sơm, Brah Yêhôva mra iăt nau gâp.

Êsêkiêl 36:27

Gâp mra dơm Huêng Brah Gâp tâm khân may jêh ri ăn khân may chuat tĭng nau vay ntăm bơh Gâp, pôri khân may mra djôt prăp nau vay ƀư bơh Gâp jêh ri tĭng ƀư.

Mathay 12:32

Mbu nơm ngơi mhĭk ma Kon Bunuyh mra dơi yô̆ an; ƀiălah mbu nơm ngơi mhĭk ma Brah Huêng Ueh, nau tih păng bu mâu mra dơi yô̆ ôh tâm rnôk aơ mâu lah tâm rnôk pakơi taơ.”

Mathay 16:24

Jêh nây Brah Yêsu lah ma phung oh mon pô aơ: “Tơlah mbu nơm ŭch tĭng Gâp, ăn păng dun khân păng nơm, tuy si tâm rkăng khân păng nơm gay tĭng Gâp.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Luka 1:6

Lĕ bar hê jêng bunuyh sŏng srăng tanăp Brah Ndu, tông djôt prăp lĕ nau vay jêh ri tĭng nau ntĭm Kôranh Brah ntăm nŭm rĭng ngăn.

Luka 1:75

Tâm nau kloh ueh jêh ri nau sŏng srăng Tanăp Păng lôch du njăr rêh he.

Yôhan 14:30

Gâp mâu mra hôm ngơi âk ma khân may ôh, yorlah nơm chiă uănh neh ntu aơ văch. Păng mâu geh nau dơi đah Gâp ôh,

Yôhan 6:25

Dôl khân păng saơ Brah Yêsu kăl tê̆ dak mƀŭt, khân păng ngơi pô aơ: “Hơi Nơm Nti, ndah jŏ May tât ta aơ?”

Kôranh Oh Mon 24:16

Yor nây, gâp srôih ƀaƀơ gay geh nuih n'hâm sŏng, mâu geh nau nduyh ôh tanăp Brah Ndu jêh ri tanăp kon bunuyh.

Kôranh Oh Mon 24:25

Ƀiălah dôl Y-Pôl ngơi ma nau sŏng srăng, ma nau di keh jêh ri ma nau phat dôih tâm nar kăndơ̆, Phêlik klach râm sâr jêh ri lah: “Sĭt hom may aƀaơ ro; tơlah gâp ru, gâp mra kuăl may.”

Samƀŭt Pôl Njuăl Ăn Ma Phung Nsing Ta Ƀon Rôm 12:2

Lơi ƀư tâm ban ma phung rnôk aơ, ƀiălah tâm rgâl hom ma nau mĭn mhe khân may, gay tâm rnglah moh nau mĭn ŭch ueh, di nuih n'hâm jêh ri nŭm rĭng ma Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 6:12

Pôri, lơi ăn nau tih chiă uănh tâm săk jăn blau khĭt khân may ôh, ƀư ma khân ay may tông tĭng ma nau nglay săk ŭch.

Samƀŭt Pôl Njuăl Ăn Ma Phung Nsing Ta Ƀon Rôm 6:19

Yorlah nglay săk khân may rdja, rĭ dĭng gâp ngơi tĭng nau kon bunuyh. Khân may hŏ tă nhhơr lĕ kô̆ săk jăn khân may jêng dĭk nau ƀơ̆ ƀơch jêh ri nau djơh mhĭk bun tâm ban lĕ, aƀaơ aơ, nhhơr hom lĕ kô̆ săk jăn khân may jêng dĭk ma nau sŏng srăng gay ma geh nau kloh ueh tâm ban lĕ.

Samƀŭt Pôl Njuăl Ăn Ma Phung Nsing Ta Ƀon Rôm 8:13

Yorlah tơlah khân may gŭ rêh tĭng nâm nglay săk, khân may mra khĭt; ƀiălah tơlah ma Brah Huêng Ueh ƀư ăn khĭt kan tĭng nâm săk jăn, khân may mra rêh.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

Galati 1:4

Brah Yêsu Krist hŏ sân săk Păng nơm yor nau tih he gay ma tâm rklaih he bơh rnôk rô̆ djơh mhĭk aơ, tĭng di nâm nau mĭn Brah Ndu ŭch, Mbơ̆ he.

Galati 5:24

Pônây phung jêng bunuyh Brah Yêsu Krist bu pâng kđĭn jêh nglay săk ndrel ma lĕ nau kơnh hâu ir jêh ri nau kơnh ŭch khân păng nơm ta si tâm rkăng jêh.

Êphêsô 1:4

Nđâp ma êlor nau rhăk njêng neh ntu, Păng săch jêh he tâm Brah Krist gay ma he jêng kloh ueh jêh ri mâu geh nau nduyh tanăp Păng.

Êphêsô 2:2

jêng lĕ nau khân may hŏ tă tĭng dôl hôm rêh tĭng nâm nau mơng ta neh ntu aơ, tông tĭng nơm chiă uănh tâm ndâr tŭk, jêng brah dôl pah kan tâm lĕ phung kon mâu tông bâr.

Kôlôh 1:22

Ƀiălah aƀaơ Brah Ndu hŏ tâm rnglăp jêh tâm nau khĭt Kon Păng tâm nglay săk, gay ma mpơl khân may tâm nau kloh ueh, mâu geh têl khap, mâu geh nau nduyh tanăp Păng;

I Têsalônik 4:7

Yorlah Brah Ndu mâu kuăl ôh he ma nau ƀơ̆ ƀơch, ƀiălah ma nau kloh ueh.

I Têsalônik 4:9

Ma nau rŏng ndrăng oh nâu khân may, pô ri mâu ăn ôh bu nchih ma khân may, yorlah khân may nơm lĕ nti jêh bơh Brah Ndu ăn tâm rŏng ndrăng khân may;

I Timôthê 4:12

Lơi ăn bu rmot may yor may hôm druh ndăm, ƀiălah ăn may sŏk nau ngơi, nau gŭ ngao, nuih n'hâm rŏng, nau chroh jêh ri nau kloh rsang gay ma ƀư leo trong ma phung chroh.

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.

I Timôthê 6:9

Ƀiălah phung kơnh ma nau ndrŏng, mra tŭp tâm nau ndơm, văk tâm dăk, tŭp tâm lĕ nau kơnh nau rluk mâl jêh ri nau mhĭk, jêng lĕ nau nây ƀư ngâm kon bunuyh tâm nau ƀư rai jêh ri nau rai roh.

II Timôthê 3:12

Nanê̆ ngăn, mbu nơm ŭch gŭ rêh nau rêh klach yơk tâm Brah Yêsu Krist mra dơn nau bu ƀư mhĭk.

II Timôthê 4:10

Yorlah Y-Đêmas, yor păng rŏng ma rnôk aơ, chalơi jêh gâp jêh ri hăn ta ƀon Têsalônik; Y-Kresen hăn ta ƀon Galati, bi Y-Tit hăn ta n'gor Đalmati jêh.

Titus 3:3

Yorlah saơm ri he rluk mâl đŏng, mâu blau tông bâr, geh nau ndơm mƀruh, jêng dĭk ma ăp ntil nau kơnh ŭch jêh ri rŏng ma nau nglay săk ŭch, gŭ rêh tâm nau djơh mhĭk, mâu nach, bu tâm rmot ma he jêh ri mưch rmot ndrăng nơm.

ហេឞ្រើ 8:11

Khân păng mâu mra sâm nti ôh ma bunuyh chiau meng Jêh ri phung oh nâu khân păng nơm pô aơ: ‘Gĭt năl hom Kôranh Brah.’ Yorlah lĕ rngôch mra gĭt năl Gâp da dê, Ntơm bơh nơm jê̆ lơn tât ma nơm toyh lơn.

Yakơ 1:27

Nau chroh kloh ngăn, mâu ƀơ̆ ôh tanăp Brah Ndu, Mbơ̆ he, jêng jô̆ khâl phung kon đơi, phung bu ur ndrô dôl khân păng geh nau rêh ni, jêh ri mât mray khân may nơm bơh nau ƀơ̆ tă bơh neh ntu.

II Pêtrôs 2:9

pôri Kôranh Brah gĭt năl mâm ƀư gay tâm rklaih phung bunuyh blau yơk bơh nau rlong uănh, jêh ri prăp phung kue tâm nau rmal ma tât nar phat dôih,

II Pêtrôs 3:11

Yorlah lĕ rngôch ndơ nĕ mra rai lôch kơt nĕ, pôri ăn khân may gŭ rêh nau rêh kloh ueh jêh ri blau yơk

I Yôhan 2:27

Mpeh khân may, nau tŏ dak ƀâu kah khân may sŏk dơn jêh bơh Păng gŭ tâm khân may, jêh ri khân may mâu hôm ŭch ôh bu nti ma khân may. Yorlah nau Păng tŏ dak ƀâu kah nti ma khân may lĕ rngôch nau, jêh ri nau tŏ dak ƀâu kah nây jêng nau nanê̆ ngăn, mâu di mƀruh ndơm ôh; ăn gŭ hom tâm Păng, nâm bu nau tŏ dak ƀâu kah nây nti jêh ma khân may.

I Yôhan 2:6

Mbu nơm lah păng nơm gŭ tâm Brah Ndu, mra chuat hăn tâm ban ma Păng hŏ chuat hăn jêh.

I Yôhan 5:19

He gĭt he nơm jêng phung Brah Ndu, bi lĕ neh ntu gŭ tâm dâng nau dơi brah mhĭk da dê.

Yuđas 1:18

Khân păng lah jêh ma oh nâu: “Tâm rnôk nglĕ dŭt mra geh phung mưch rmot, nchuăt tĭng nâm lĕ nau kơnh ŭch mâu blau yơk khân păng nơm.”

Nau Tâm Mpơl 14:12

Aơ yơh jêng nuih n'hâm srôih phung kloh ueh, jêng phung djôt prăp lĕ nau vay Brah Ndu ntăm jêh ri nau chroh ma Brah Yêsu.