Titus 2:11 - Nau Brah Ndu Ngơi 2023

¹¹ Yorlah nau yô̆ tâm chuai tâm mpơl jêh tă bơh Brah Ndu prăp ma lĕ rngôch bunuyh.

Bunong Bible Latin Script Cambodian dialect

¹¹ Ăn gŭ rêh kơt nây, yorlah nau ueh Kôranh Brah lĕ mpơl jêh ma bunuyh say, Păng ŭch ăn nau rklaih ma dâng lĕ bunuyh.

Bunong

¹¹ អ៝ន់​គុ​រេស​កើត​នៃ យ៝រ​លាស​នាវ​អ្វែស​កោរាញ​ឞ្រាស​លែៈ​មពើល​ជេស​មា​ឞូនុយ្ស​ឆៃ ពាង់​អុច​អ៝ន់​នាវ​រាក្លាយ្ស​មា​ទឹង​លែៈ​ឞូនុយ្ស។

Titus 2:11 Iomraidhean Croise

Nau Mprơ Ơm 67:2

Gay trong May dơi gĭt tâm neh ntu Nau May tâm rklaih dơi gĭt ta nklang lĕ bri dak.

Nau Mprơ Ơm 84:11

Yorlah Yêhôva Brah Ndu jêng nar jêh ri khêl; Brah Yêhôva mra ăn nau yô̆ jêh ri nau chrêk rmah; Păng mâu dun du ntil nau ueh ôh Ăn ma phung gŭ rêh nŭm rĭng.

Nau Mprơ Ơm 96:10

Mbơh hom ta nklang lĕ bri dak pô aơ: “Brah Yêhôva chiă uănh! Neh ntu dơi ndâk nâp, mâu dơi mpât n'gơ ôh. Păng mra phat dôih lĕ mpôl băl bunuyh tĭng nâm nau di.”

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 52:10

Brah Yêhôva tâm mpơl jêh nting tur kloh ueh Păng Tanăp măt lĕ rngôch bri dak; Lĕ rngôch dŭt bri dŭt neh Saơ da dê nau Brah Ndu he tâm rklaih!

Sakari 12:10

“Gâp mra nkhŭt huêng brah nau yô̆ jêh ri nau vơh vơl ta klơ ngih Y-Đavit jêh ri ma phung gŭ tâm ƀon Yêrusalem. Khân păng mra uănh Gâp jêng Nơm khân păng hŏ ntâp jêh, jêh ri khân păng mra nhĭm vơl ma Gâp, nâm bu nhĭm vơl ma kon bu klâu geh knŏng du huê, jêh ri khân păng klâng ma Gâp nâm bu klâng vơl ma kon bu deh ntơm bôk rah.

Sakari 4:7

Hơi yôk toyh ri, mbu moh may jêng? Tanăp măt Y-Sôrôƀaƀel may mra jêng neh lâng. Păng mra djôt leo lŭ mbon ma bâr bu nter lah: ‘Ueh maak ngăn! Ueh maak ngăn!’”

Mathay 28:19

Pôri, hăn hom ƀư ăn lĕ rngôch ntil mpôl bunuyh dơi jêng phung oh mon Gâp, amoh Kôranh Brah Ndu Mbơ̆, Kôranh Brah Ndu Kon, jêh ri Kôranh Brah Huêng Ueh ƀư ƀaptem ma khân păng

Markôs 16:15

Păng lah ma khân păng: “Hăn hom lam neh ntu, mbơh nkoch Nau Mhe Mhan Ueh ma lĕ rngôch bunuyh.

Luka 24:47

bu sŏk amoh Păng gay mbơh nkoch ma lĕ rngôch bri dak ma nau rmal tih gay dơi nau yô̆ an ma nau tih, ntơm bơh ƀon Yêrusalem.

Luka 3:6

Jêh ri lĕ kon bunuyh mra saơ nau tâm rklaih tă bơh Brah Ndu.”

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 1:9

Aơ jêng nau ang ngăn tât jêh ta neh ntu gay sol ang ma lĕ rngôch bunuyh.

Kôranh Oh Mon 11:23

Tơlah păng tât jêh ta nây jêh ri saơ nau yô̆ Brah Ndu ăn. Păng răm maak jêh ri nsŭk nsôr lĕ rngôch bunuyh nâp nuih n'hâm tĭng Kôranh Brah;

Kôranh Oh Mon 13:43

Tơlah lôch nau tâm rƀŭn, geh âk phung Yuđa jêh ri phung bu năch tĭng nau phung Yuđa chroh hăn tĭng Y-Pôl jêh ri Y-Ƀarnaƀas. Bar hê khân păng nkoch bri jêh ri n'hao nuih n'hâm khân păng gŭ nâp tâm nau yô̆ Brah Ndu.

Kôranh Oh Mon 13:47

Yorlah Kôranh Brah ntĭnh ntăm jêh ma hên: ‘Gâp njêng jêh may jêng nau ang ma phung mpôl băl bunuyh, gay ma njŭn leo nau tâm rklaih tât ta nglĕ dŭt rplay neh.’ ”

Kôranh Oh Mon 17:30

Pôri, Brah Ndu hŏ sŏk lơi lĕ tâm rnôk rluk mâl nây, ƀiălah aƀaơ aơ, Păng ntrŭnh ma lĕ rngôch bunuyh gŭ ăp ntŭk tâm rmal nau tih khân păng.

Kôranh Oh Mon 20:24

Ƀiălah gâp mâu kơp nau rêh gâp khlay ôh, knŏng tơlah lôch jêh nau rlong jêh ri nau pah kan gâp sŏk dơn tă bơh Kôranh Brah jêng Brah Yêsu, ăn gâp mbơh Nau Mhe Mhan Ueh ma nau yô̆ Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 10:18

Ƀiălah gâp ôp: Bu mâu hŏ mâp tăng hĕ? Ngăn khân păng lĕ tăng jêh, yorlah: “Bâr phung mbơh hŏ huy lam neh ntu, Jêh ri nau khân păng hŏ mbơh jêh tât ta dŭt bri dŭt neh.”

Samƀŭt Pôl Njuăl Ăn Ma Phung Nsing Ta Ƀon Rôm 5:15

Ƀiălah nau tih mâu tâm ban ma nau ăn ma tă bơh Kôranh Brah ôh. Yorlah tơlah bơh nau tih du huê bunuyh âk bunuyh khĭt jêh, ri mơ nau yô̆ lơ hô toyh lơn, jêh ri ndơ ăn tâm nau yô̆ luh tă bơh du huê Bunuyh jêng Brah Yêsu Krist lơ hô âk rmeh ma âk bunuyh êng êng đŏng.

Samƀŭt Pôl Njuăl Ăn Ma Phung Nsing Ta Ƀon Rôm 5:2

Tâm Păng, yor ma chroh he dơi lăp tâm nau yô̆ aơ jêng nau yô̆ tă bơh nĕ he dâk nâp jêh ri răm maak đah nau kâp gân dơi dơn nau chrêk rmah Brah Ndu.

II Kôrintô 6:1

Yorlah hên pah kan ndrel ma Brah Ndu, hên vơh vơl ma khân may lơi dĭng sŏk dơn nau Brah Ndu yô̆ dơm dam ôh.

Galati 2:21

Gâp mâu ŭch ôh ƀư nau Brah Ndu yô̆ jêng dơm dam; yorlah tơlah bu dơi geh nau kơp sŏng srăng tă bơh nau vay, nau Brah Krist khĭt jêng dơm dam yơh.

Êphêsô 2:5

pôri nôk he lĕ khĭt jêh yor lĕ nau tih he, Păng ƀư ăn he dâk rêh tay ndrel ma Brah Krist — nây jêng tă bơh nau yô̆ yơh khân may dơi geh nau tâm rklaih —

Êphêsô 2:8

Yor nau yô̆, jêh ri nau chroh yơh khân may geh nau rklaih, nau aơ mâu luh tă bơh khân may ôh, ƀiălah jêng ndơ bơh Brah Ndu ăn;

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.

Kôlôh 1:6

Nau Mhe Mhan Ueh nây dôl play kao jêh ri văch ma toyh tâm lam neh ntu nâm bu ta nklang khân may, bơh nar khân may tăng jêh ri gĭt rbăng ngăn nau yô̆ Brah Ndu.

II Têsalônik 2:16

Dăn Kôranh Brah he, jêng Brah Yêsu Krist nơm jêh ri Brah Ndu, Mbơ̆ he, Nơm rŏng jêh ma he, jêh ri bơh nau yô̆ ăn ma he nau bonh leng n'ho ro jêh ri nau kâp gân ueh,

I Timôthê 1:14

Nanê̆ ngăn nau yô̆ Kôranh Brah he jêng bêng ler jêh ma gâp nđâp ma nau chroh jêh ri nau rŏng tâm Brah Yêsu Krist.

I Timôthê 2:4

jêng Nơm ŭch ma lĕ rngôch bunuyh dơi klaih jêh ri gĭt năl nau ngăn.

II Timôthê 1:10

Nau yô̆ nây aƀaơ aơ tâm mpơl ma nau Brah Yêsu Krist văch jêh, Nơm Tâm Rklaih he, Nơm ƀư rai jêh nau khĭt, sŏk Nau Mhe Mhan Ueh tâm mpơl jêh nau rêh jêh ri nau mâu blau khĭt.

II Timôthê 4:17

Ƀiălah Kôranh Brah dâk êp meng gâp jêh ri ăn nau dơi ma gâp, gay gâp dơi mbơh nkoch Nau Mhe Mhan Ueh tâm nau ƀư rĭng ma lĕ rngôch phung bu năch tăng, jêh ri gâp geh nau rklaih bơh trôm mbung yau mŭr.

ហេឞ្រើ 12:15

Njrăng hom klach lah khân may roh nau Brah Ndu yô̆, klach lah geh reh tăng hon, ƀư nau uh ah jêh ri ƀư ƀơ̆ ƀơch ma âk bunuyh tâm khân may.

ហេឞ្រើ 2:9

Ƀiălah he saơ Brah Yêsu, Brah Ndu dơm Păng dêh lơn phung tông mpăr tâm ƀât lât, aƀaơ aơ ndô jêh đon hađăch nau chrêk rmah jêh ri nau yơk yor nau khĭt, Păng dơn jêh, yor ma nau yô̆ bơh Brah Ndu, Păng dơi dơn nau khĭt yor ma lĕ rngôch bunuyh.