Titus 1:7 - Nau Brah Ndu Ngơi 2023

⁷ Yorlah jêng nơm mât uănh ngih Brah Ndu, kôranh chiă uănh jêng bunuyh mâu geh ôh nau nduyh; bunuyh nây mâu sưr rlau, mâu gơnh nuih, mâu vay nhêt ndrănh, mâu janh ƀai jêh ri mâu lah hưp ndơ mâu di;

Bunong Bible Latin Script Cambodian dialect

⁷ Bunuyh jêng nơm kôranh mât uănh phung nsing ma Brah Yêsu Krist, păng jan kar ma Kôranh Brah. Ndri ăn păng jêng bunuyh mâu geh ôh nau ma nduih, bunuyh mâu mưch bu, mâu gơnh nuih, mâu nhêt ndrănh tât nhŭl, mâu tâm lŏk tâm janh, mâu ôh kơnh ir prăk.

Bunong

⁷ ឞូនុយ្ស​ជេង​នើម​កោរាញ​ម៝ត់​អ្វាញ់​ផូង​ញឆីង​មា​ឞ្រាស​យេឆូ​ក្រីស  ពាង់​ជាន​ការ​មា​កោរាញ​ឞ្រាស។ នទ្រី​អ៝ន់​ពាង់​ជេង​ឞូនុយ្ស​មោ​គែស​អោស​នាវ​មា​នទុយ្ស ឞូនុយ្ស​មោ​មឺច​ឞូ មោ​គើញ​នូយ្ស មោ​ញេត​នទ្រាញ់​ត៝ត់​ញុល មោ​តឹម​ល៝ក់​តឹម​ជាញ មោ​អោស​កើញ​អីរ​ព្រាក់។

Titus 1:7 Iomraidhean Croise

Nau Ntơm 49:6

Mbơh sơm ma huêng gâp mâu ôh ndrel du trong ma khân păng, Huêng gâp mâu tâm rnglăp ôh đah phung khân păng; Yorlah tâm nau khân păng ji nuih hŏ nkhĭt jêh bunuyh, Nôk geh nau tâm ji nuih khân păng koh jêh jâng jon ndrôk nkuăng.

Nau Hôr 14:17

Mbu nơm gơnh ji nuih ƀư nau rluk, Bi bunuyh nchră ƀư nau mhĭk bu mra tâm rmot.

Nau Hôr 15:18

Bunuyh gơnh nuih vay nsônh nau tâm djrel, Ƀiălah bunuyh băt nuih ƀư bah nau tâm djrel.

Nau Hôr 16:32

Bunuyh băt ji nuih dơi lơn ma tahan janh, Jêh ri mbu nơm chiă uănh nuih n'hâm păng dơi lơn ma nơm pit sŏk ƀon.

Nơm Nti 7:9

Lơi ir ngăch ăn nuih n'hâm he ji nuih, Yorlah nau ji nuih ơm gŭ tâm ndŭl phung rluk.

Êsai 28:7

Rlau ma nĕ phung aơ vĕt ta vĕng đŏng yor ndrănh, Jêh ri hăn ndĭt ndĭu yor nhŭl ndrănh. Phung kôranh ƀư brah jêh ri phung nơm mbơh lor hăn ndĭt ndĭu da dê yor ndrănh ktang, Ndrănh hŏ rvăn khân păng, Jêh ri hăn ndĭt ndĭu yor ndrănh ktang; Khân păng but bi tâm saơ, Jêh ri ƀư vĭ dôl gŭ phat dôih.

Êsêkiêl 44:21

Mâu geh ôh du huê kôranh ƀư brah dơi nhêt ndrănh tơlah păng lăp tâm nkual ta trôm.

Kan Lêvi 10:9

“May jêh ri ăp kon bu klâu may mâu dơi nhêt ndrănh krăk ƀâu mâu lah ndơ nhêt geh ndrui, nôk lăp tâm Ngih Bok Nau Tâm Rƀŭn, klach lah phung kon mra khĭt. Nĕ jêng du nau vay dăp n'ho ro ma lĕ rngôch rnôk ăp rô̆.

Mathay 24:45

Mbu moh jêng oh mon răp jăp jêh ri blau mĭn, kôranh jao ăn păng mât uănh ngih kôranh gay păng ăn ndơ sông sa di mông?

Luka 12:42

Brah Yêsu lah: “Mbu nơm jêng bunuyh chiă uănh blau mĭn jêh ri răp jăp, kôranh jao ăn păng mât uănh ngih kôranh gay păng ăn ndơ sông sa di mông?

Êphêsô 5:18

Lơi nhŭl ndrănh ôh, yorlah ndrănh njŭn leo nau blă blơ, ƀiălah ăn khân may bêng ma Brah Huêng Ueh.

Philip 1:1

Y-Pôl jêh ri Y-Timôthê, oh mon Brah Yêsu Krist, nchih njuăl ma lĕ rngôch phung kloh ueh tâm Brah Yêsu Krist ta ƀon Philip ndrel ma phung kôranh chiă uănh jêh ri ma phung bunuyh kơl kan.

Titus 1:5

Gâp chalơi jêh may tâm n'gor Kret gay ma may dăp nkra lĕ nau kan ê hŏ lôch ôh, jêh ri sâm jao kan phung kôranh bu ranh tâm ăp ƀon tâm ban gâp ntĭm jêh ma may.

Titus 2:3

Bu ur ranh kơt nây đŏng, ăn gŭ ngao ma nau kloh ueh, mâu ngơi mhĭk, mâu vay nhêt ndrănh. Ăn khân păng gĭt ntĭm nti ntil nau ueh jêh ri nau di

I Pêtrôs 4:10

Ăp nơm dŏng hom nau dơi he hŏ dơn jêh gay pah kan ndrăng khân may, nâm bu bunuyh mât uănh răp jăp blau dŏng nau yô̆ bơh Brah Ndu tâm âk trong êng êng.

I Pêtrôs 5:2

Chiăp hom phung biăp Brah Ndu jao jêh ma khân may, mâu di yor ma nau nchâp ôh, ƀiălah ŭch nđơr êng, mâu di yor ma drăp ndơ nkhôm mâu khlay ôh ƀiălah ma lĕ nuih n'hâm nđơr,

II Pêtrôs 2:10

lor lơn jêng phung bunuyh ƀư tĭng nau kơnh ŭch djơh mhĭk, mưch rmot ma nau chiă uănh. Phung nĕ dăng bôk hâu ngăn jêh ri sưr rlau, mâu klach ôh ngơi djơh tât ma phung geh nau chrêk rmah;