Titus 1:4 - Nau Brah Ndu Ngơi 2023

⁴ Samƀŭt njuăl ma Y-Tit, kon gâp ngăn ndrel tâm nau chroh: Mbơh sơm dăn Brah Ndu jêng Mbơ̆ jêh ri Brah Yêsu Krist, Nơm Tâm Rklaih he, ăn nau yô̆ jêh ri nau đăp mpăn ma may!

Bunong Bible Latin Script Cambodian dialect

⁴ Gâp njuăl samƀŭt dja ăn ma may Titus jêng kon gâp n'hêl nanê̆ ngăn ta nau nsing ma Brah Krist Yêsu i bân lĕ geh ndrel. Dăn Kôranh Brah i Bơ̆ bân, ndrel ma Brah Krist Yêsu i nơm rklaih bân ăn nau ueh, nau đăp mpăn ma may.

Bunong

⁴ គ៝ប់​ញជ្វាល់​ឆ៝ម់បុត​អ្យា​អ៝ន់​មា​មៃ​តីតុស  ​ជេង​ក៝ន​គ៝ប់​នហេល​នានេៈ​ងាន់​តា​នាវ​ញឆីង​មា​ឞ្រាស​ក្រីស​យេឆូ  ​អី​ឞ៝ន់​លែៈ​គែស​នទ្រែល។ ទាន់​កោរាញ​ឞ្រាស​អី​ឞឹ​ឞ៝ន់ នទ្រែល​មា​ឞ្រាស​ក្រីស​យេឆូ  ​អី​នើម​រាក្លាយ្ស​ឞ៝ន់​អ៝ន់​នាវ​អ្វែស នាវ​ដាប់​មពាន់​មា​មៃ។

Titus 1:4 Iomraidhean Croise

Luka 2:11

Yorlah nar aơ ta ƀon Đavit, bu deh jêh ma khân may du huê Nơm Tâm Rklaih jêng Brah Krist, jêng Kôranh Brah.

Yôhan 4:42

Khân păng lah ma bu ur nây pô aơ: “Aƀaơ aơ mâu hôm tă bơh nau ay mbơh dĭng hên chroh, ƀiălah hên tăng nau Păng nơm nkoch, jêh ri gĭt nanê̆ Păng jêng Nơm Tâm Rklaih neh ntu.”

Samƀŭt Pôl Njuăl Ăn Ma Phung Nsing Ta Ƀon Rôm 1:12

nâm bu ntĭt gay ma he mra tâm n'hao nuih n'hâm ndrăng nơm ma nau he chroh, jêng nau chroh khân may jêh ri nau chroh gâp.

Samƀŭt Pôl Njuăl Ăn Ma Phung Nsing Ta Ƀon Rôm 1:7

Gâp dăn njuăl ma lĕ rngôch phung Brah Ndu rŏng tâm ƀon Rôm, phung Brah Ndu kuăl jêh ăn jêng phung kloh ueh. Dăn Brah Ndu, Mbơ̆ he, jêh ri Kôranh Brah jêng Kôranh Yêsu Krist ăn ma nau yô̆ jêh ri nau đăp mpăn ma khân ay may.

II Kôrintô 12:18

Lah ndrĭ gâp ntrôl Y-Tit hăn, jêh ri njuăl du huê oh nâu hăn ndrel ma păng. Y-Tit geh nau mƀruh khân ay mâu? Mâu di hĕ hên hăn ndrel tâm du nuih n'hâm jêh ri ndrel tĭng du trong ƀơh?

II Kôrintô 2:13

ƀiălah gâp mâu đăp rmên yorlah gâp mâu mâp Y-Tit, oh nâu gâp. Yor nây, gâp tâm nkhah phung bunuyh ta nây gay hăn ma n'gor Masêđôn.

II Kôrintô 4:13

Yor hên geh du nuih n'hâm chroh nâm bu nau hŏ nchih: “Gâp chroh jêh, pônây gâp ngơi,” tâm ban lĕ, hên chroh, pônây yơh hên ngơi.

II Kôrintô 7:6

Ƀiălah Brah Ndu, Nơm bonh leng mbu nơm rdja nuih n'hâm, bonh leng jêh gâp yor nôk njuăl Y-Tit tât jêh;

II Kôrintô 8:16

Lah ueh ma Brah Ndu, Păng dơm jêh tâm nuih n'hâm Y-Tit nau duh nđơr tâm ban gâp geh ma khân may;

II Kôrintô 8:23

Bi Y-Tit, păng jêng mĭt jiăng gâp jêh ri jêng nơm tâm rnglăp đah gâp gay sâm kơl ma khân may; bi bar hê nâu ri jêng phung mbơh tâm lĕ Phung Ngih Brah Ndu, jêh ri nau chrêk rmah ma Brah Krist.

II Kôrintô 8:6

Yor ri, hên ntrôl jêh Y-Tit ƀư lôch hom nau kan ăn ndơ yô̆ aơ ta nklang khân may nâm bu păng ntơm ƀư jêh.

Galati 2:3

Nđâp ma Y-Tit, nơm hăn ndrel ma gâp, nđâp tơlah phung Grek, bu mâu nchâp păng koh ntâu ôh.

Galati 3:26

Yorlah tă bơh nau chroh tâm Brah Yêsu Krist, lĕ rngôch khân may jêng kon Brah Ndu.

Galati 3:28

Ta aơ mâu geh kơp rnglah êng phung Yuđa mâu lah phung Grek ôh, phung dĭk mâu lah phung kon me, phung bu klâu mâu lah phung bu ur ôh, yorlah lĕ rngôch khân may jêng nguay tâm Brah Yêsu Krist.

Êphêsô 1:2

Dăn nau yô̆ jêh ri nau đăp mpăn tă bơh Brah Ndu, Mbơ̆ he, jêh ri tă bơh Kôranh Brah jêng Brah Yêsu Krist ăn ma khân may.

Kôlôh 1:2

njuăl ma phung kloh ueh jêh ri ma phung oh nâu răp jăp tâm Brah Krist tâm ƀon Kôlôs: Dăn Brah Ndu, Mbơ̆ he, ăn nau yô̆ jêh ri nau đăp mpăn ma khân may.

I Timôthê 1:12

Gâp lah ueh ma Nơm ăn jêh nau dơi ma gâp jêng Brah Yêsu Krist, Kôranh Brah he, yorlah Păng kơp gâp jêng răp jăp jêh ri dơm ăn gâp pah kan ma Păng;

II Timôthê 1:1

Y-Pôl, kôranh oh mon Brah Yêsu Krist, tĭng nâm nau mĭn Brah Ndu ŭch, tĭng nau ton ăn ma nau rêh tâm Brah Yêsu Krist,

II Timôthê 1:2

nchih njuăl samƀŭt ma Y-Timôthê, kon gâp rŏng hâu ngăn ngên: Mbơh sơm dăn Brah Ndu, jêng Mbơ̆, jêh ri Brah Yêsu Krist, Kôranh Brah he, ăn nau yô̆, nau yô̆ nđach jêh ri nau đăp mpăn ma may!

II Timôthê 4:10

Yorlah Y-Đêmas, yor păng rŏng ma rnôk aơ, chalơi jêh gâp jêh ri hăn ta ƀon Têsalônik; Y-Kresen hăn ta ƀon Galati, bi Y-Tit hăn ta n'gor Đalmati jêh.

Titus 1:3

jêh ri tât di nôk nal, Păng tâm mpơl jêh nau Păng ngơi tâm nau mbơh nkoch Păng jao jêh ma gâp tĭng nau ntrŭnh bơh Brah Ndu, Nơm Tâm Rklaih he.

Titus 2:13

dôl gŭ kâp nau kâp gân ueh maak jêh ri nau tâm mpơl ma nau chrêk rmah Brah Ndu dŭt toyh, jêng Nơm Tâm Rklaih he đŏng jêng Brah Yêsu Krist,

II Pêtrôs 1:1

Y-Simôn Pêtrôs, oh mon jêh ri kôranh oh mon Brah Yêsu Krist, nchih njuăl ma phung tă bơh nau sŏng srăng Brah Ndu he jêh ri tă bơh Nơm Tâm Rklaih jêng Brah Yêsu Krist, sŏk dơn jêh ndrel du nau chroh khlay nâm bu hên.

II Pêtrôs 1:11

jêh ri tă bơh nĕ, trong lăp tâm ƀon bri hađăch n'ho ro Kôranh Brah jêh ri Nơm Tâm Rklaih he jêng Brah Yêsu Krist mra pơk huy ma khân may.

II Pêtrôs 2:20

Yorlah tơlah ma nau gĭt năl Kôranh Brah jêh ri Nơm Tâm Rklaih he jêng Brah Yêsu Krist, khân păng klaih bơh nau ƀơ̆ ƀơch tâm neh ntu, ƀiălah aƀaơ ri lŏ geh nau têk leo jêh ri plơ̆ lăp tâm dâng lĕ nau nây du tơ̆ đŏng, pôri tâm nau nglĕ dŭt khân păng mra mhĭk lơn rnôk dak bôk.

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.

II Pêtrôs 3:2

gay nchih lĕ nau mbơh lor tă bơh phung nơm mbơh lor kloh ueh tâm ban đŏng lĕ nau vay Kôranh Brah jêh ri Nơm Tâm Rklaih he tă bơh phung kôranh oh mon nkoch tay.

I Yôhan 5:14

Aơ jêng nau nuih n'hâm nâp phung he geh tanăp Brah Ndu: Nây jêng tơlah he mbơh sơm dăn moh ndơ tĭng nâm Păng ŭch, Păng iăt nau he.

Yuđas 1:3

Hơi phung gâp rŏng ơi, gâp ŭch ngăn nchih ma khân may ma nau tâm rklaih he geh ndrel; gâp mĭn ŭch nchih gay n'hao nuih n'hâm khân may tâm lơh yor nau chroh, jêng nau chroh ntăm jêh ma phung kloh ueh du tơ̆ rĭng jêh.