Titus 1:3 - Nau Brah Ndu Ngơi 2023

³ jêh ri tât di nôk nal, Păng tâm mpơl jêh nau Păng ngơi tâm nau mbơh nkoch Păng jao jêh ma gâp tĭng nau ntrŭnh bơh Brah Ndu, Nơm Tâm Rklaih he.

Bunong Bible Latin Script Cambodian dialect

³ Jêh ri tât di nar Kôranh Brah de ăn bu gĭt say nau Păng nơm, Păng ăn gĭt say nau i nây ma nau mbơh nkoch, jêh ri Păng i nơm rklaih bân đă gâp mbơh nkoch nau i nây ma bu đŏng.

Bunong

³ ជេសរី​ត៝ត់​ទី​នារ​កោរាញ​ឞ្រាស​ទែ​អ៝ន់​ឞូ​គឹត​ឆៃ​នាវ​ពាង់​នើម ពាង់​អ៝ន់​គឹត​ឆៃ​នាវ​អី​នៃ​មា​នាវ​មឞើស​ងក៝ច ជេសរី​ពាង់​អី​នើម​រាក្លាយ្ស​ឞ៝ន់​ដាៈ​គ៝ប់​មឞើស​ងក៝ច​នាវ​អី​នៃ​មា​ឞូ​ដ៝ង់។

Titus 1:3 Iomraidhean Croise

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 45:15

Ơ Brah Ndu, Nơm tâm rklaih phung Israel. Nanê̆ May jêng Brah Ndu pôn may nơm!

Êsai 45:21

Pôri mbơh hom, jêh ri đă khân păng văch dăch; Ăn khân păng tâm nchră ndrel n'grŭp! Mbu nơm hŏ nkoch nau aơ ntơm bơh kăl e? Mbu nơm mbơh jêh nau aơ bơh saơm? Mâu di hĕ Gâp nơm yơh jêng Brah Yêhôva? Rlau ma Gâp, mâu hôm geh brah êng ôh, Jêng Brah Ndu sŏng srăng jêh ri jêng Nơm Tâm Rklaih; Rlau ma Gâp, mâu hôm geh Nơm êng ôh.

Daniel 11:27

Bi ma bar hê hađăch nây, tâm nuih n'hâm ŭch mĭn ƀư mhĭk ndrăng khân păng nơm; khân păng gŭ ndrel du mlâm sưng sông sa ƀiălah khân păng tâm ngơi ma nau ndơm. Ƀiălah nau ngơi nây mâu jêng yorlah nau nglĕ dŭt mra tât tâm rnôk tâm nal jêh.

Daniel 8:23

Ta nglĕ dŭt rnôk khân păng chiă uănh, Tơlah nau ƀai hŏ rlau jêh, Du huê hađăch geh muh măt janh ƀai, âk nau ndơm mƀruh plĕch rlăm ngăn, Mra luh mpơl.

Daniel 9:24

Geh pơh jât năng pơh tâm nal jêh ma phung ƀon lan may jêh ri ma ƀon kloh ueh may gay ma ăn lôch lơi nau ƀư tih, ngroh lơi nau tih, ntrok chuai nau ƀai jêh ri djôt ăn nau sŏng srăng n'ho ro, gay ma nau tâm saơ jêh ri nau mbơh lor geh tât ngăn, jêh ri tŏ dak ƀâu kah ăn ma Ntŭk Dŭt Kloh Ueh.

Habakuk 2:3

Yorlah nau tâm saơ hôm e kâp rnôk tât geh nau tâm di; Păng văch gơnh hăn tât ntŭk nglĕ dŭt, mâu mƀruh ôh. Tơlah păng băt tât, ăn gŭ kâp ƀât; N'hêl nanê̆ păng mra tât, mâu mbrĕ mbrơi ôh.

Markôs 1:15

Păng lah: “Mông hŏ rĭng jêh, ƀon bri hađăch Brah Ndu văch dăch jêh, khân may rmal hom nau tih jêh ri chroh ma Nau Mhe Mhan Ueh.”

Markôs 13:10

Ƀiălah lor lơn, Nau Mhe Mhan Ueh dơi mbơh nkoch ma lĕ rngôch mpôl băl bunuyh.

Markôs 16:15

Păng lah ma khân păng: “Hăn hom lam neh ntu, mbơh nkoch Nau Mhe Mhan Ueh ma lĕ rngôch bunuyh.

Luka 1:47

Huêng nuih n'hâm gâp răm rhơn tâm Brah Ndu jêng Nơm Tâm Rklaih gâp,

Kôranh Oh Mon 10:36

Brah Ndu hŏ njuăl nau ngơi tât ma phung kon Israel, mbơh nkoch ma Nau Mhe Mhan Ueh đăp mpăn tă bơh Brah Yêsu Krist, jêng Kôranh Brah ma lĕ rngôch bunuyh.

Kôranh Oh Mon 17:26

Ntơm bơh du huê, Păng njêng lĕ rngôch mpôl băl bunuyh jêh ri ƀư ăn khân păng gŭ lam bri neh. Păng tâm nal jêh rnôk jêh ri n'har ma khân păng gŭ,

Samƀŭt Pôl Njuăl Ăn Ma Phung Nsing Ta Ƀon Rôm 15:19

ma nau brah khlay ngăn jêh ri nau mbên khlay, ma nau dơi Brah Huêng Ueh Brah Ndu, gâp hŏ mbơh âk bunuyh gĭt Nau Mhe Mhan Ueh Brah Yêsu Krist lam ntŭk, tă bơh ƀon Yêrusalem jêh ri n'gor văr jŭm ma tât ta n'gor Iliri.

Samƀŭt Pôl Njuăl Ăn Ma Phung Nsing Ta Ƀon Rôm 16:25

Mprơ tâm rnê Nơm geh nau dơi ƀư nâp ktang ma khân may tĭng nâm Nau Mhe Mhan Ueh gâp jêh ri ma nau nti lah ma Brah Yêsu Krist, tĭng nâm nau tâm mpơl ma nau khlay ndâp hŏ pôn ndâp jêh ntơm bơh rbăn kăl e,

Samƀŭt Pôl Njuăl Ăn Ma Phung Nsing Ta Ƀon Rôm 16:26

ƀiălah aƀaơ, tĭng nau Brah Ndu ntăm gŭ rêh mro mrăng jêh ri bơh tâm lĕ ndrom samƀŭt nau mbơh lor, nau khlay ndâp dơi mpơl ma lĕ rngôch mpôl băl bunuyh gĭt, gay djôt leo khân păng tât ta nau chroh tâm nau tông bâr,

Samƀŭt Pôl Njuăl Ăn Ma Phung Nsing Ta Ƀon Rôm 5:6

Dôl he hôm jêng rdja Brah Krist khĭt jêh ma phung geh nau tih tĭng nâm rnôk tâm nal jêh.

I Kôrintô 9:17

Tơlah gâp nđơr êng pah kan nau aơ gâp geh nau nkhôm; tơlah mâu nđơr, nau pah kan nây ăt jao đŏng ma gâp.

Galati 4:4

Ƀiălah tơlah tât nar tâm nal, Brah Ndu njuăl Kon Păng tât, tă bơh ma du huê bu ur deh, deh luh tâm dâng nau vay,

Êphêsô 1:10

gay tât nôk bêng rĭng, rgum lĕ rngôch ndơ tâm Brah Krist, nđâp ndơ klơ trôk jêh ri ndơ tâm neh ntu.

Êphêsô 2:17

Lah ndrĭ, Păng văch jêh mbơh nkoch nau đăp mpăn ma khân may jêng phung gŭ ngai, jêh ri nau đăp mpăn ma phung gŭ dăch.

Philip 1:13

kŏ tât lĕ rngôch phung tahan gak tâm ngih kôranh n'gor jêh ri lĕ rngôch bunuyh êng gĭt gâp da dê yor Brah Krist gâp dơn rse rvăk;

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.

Kôlôh 1:6

Nau Mhe Mhan Ueh nây dôl play kao jêh ri văch ma toyh tâm lam neh ntu nâm bu ta nklang khân may, bơh nar khân may tăng jêh ri gĭt rbăng ngăn nau yô̆ Brah Ndu.

I Têsalônik 2:4

Ƀiălah, Brah Ndu hŏ rlong uănh hên jêh ri jao ma hên Nau Mhe Mhan Ueh, pô ri hên mbơh nkoch, mâu di ôh ŭch ƀư maak ma kon bunuyh, ƀiălah ŭch ƀư maak ma Brah Ndu jêng Nơm sek uănh nuih n'hâm hên.

I Timôthê 1:1

Y-Pôl, kôranh oh mon Brah Yêsu Krist tĭng nâm nau ntăm bơh Brah Ndu, Nơm tâm rklaih he, jêh ri bơh Brah Yêsu Krist, nau he kâp gân,

I Timôthê 1:11

Nây jêng nau ntĭm nti bơh Nau Mhe Mhan Ueh chrêk rmah Brah Ndu ueh maak, bu jao jêh ma gâp.

I Timôthê 2:3

Nây jêng nau ueh jêh ri maak nuih n'hâm Brah Ndu, Nơm Tâm Rklaih he,

I Timôthê 4:10

He jâk jêr jêh ri tâm lơh ma nau aơ, yorlah he hŏ dơm nau kâp gân tâm Brah Ndu rêh, jêng Nơm Tâm Rklaih ma lĕ rngôch bunuyh, khlay ngăn ngên ma phung chroh.

II Timôthê 4:17

Ƀiălah Kôranh Brah dâk êp meng gâp jêh ri ăn nau dơi ma gâp, gay gâp dơi mbơh nkoch Nau Mhe Mhan Ueh tâm nau ƀư rĭng ma lĕ rngôch phung bu năch tăng, jêh ri gâp geh nau rklaih bơh trôm mbung yau mŭr.

Titus 2:10

mâu ntŭng ôh, ƀiălah tâm mpơl ƀaƀơ nuih n'hâm răp jăp n'hêl nanê̆, gay ma tâm lĕ rngôch nau, khân păng dơi yơk ma nau ntĭm nti bơh Brah Ndu, Nơm Tâm Rklaih he, geh nau chrat ang.

Titus 2:13

dôl gŭ kâp nau kâp gân ueh maak jêh ri nau tâm mpơl ma nau chrêk rmah Brah Ndu dŭt toyh, jêng Nơm Tâm Rklaih he đŏng jêng Brah Yêsu Krist,

Nau Tâm Mpơl 14:16

Nơm gŭ ta ndâr tŭk klŭp mƀăr nhuĕ păng nơm ta neh ntu jêh ri rek lĕ neh ntu.