Sôphôni 3:8 - Nau Brah Ndu Ngơi 2023

⁸ Yor nây, Brah Yêhôva lah: “Gŭ kâp hom Gâp, Kŏ tât nar Gâp mra dâk mbơh ăn jêng nanê̆; Yorlah Gâp hŏ mĭn jêh tâm rgum lĕ mpôl băl bunuyh Jêh ri plơ̆ rgum tay lĕ bri hađăch, Gay nkhŭt ta khân păng nau ji nuih, Nây jêng lĕ rngôch nau Gâp ji nuih hâu ngăn, Yorlah lĕ rngôch bri dak mra rai lôch. Ma ŭnh nau Gâp ntôn.

Sôphôni 3:8 Iomraidhean Croise

Nau Mprơ Ơm 12:5

Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Mprơ Ơm 123:2

Nâm bu măt phung oh mon Uănh ta ti kôranh bu klâu khân păng. Nâm bu măt phung oh mon bu ur Uănh ta ti kôranh bu ur păng, Tâm ban pônây lĕ măt hên kâp gân ma Yêhôva Brah Ndu hên, Kŏ tât Păng yô̆ nđach ma hên.

Nau Mprơ Ơm 27:14

Kâp gân hom ma Brah Yêhôva; Ktang hom jêh ri nâp! Di yơh, kâp gân hom Brah Yêhôva!

Nau Mprơ Ơm 37:34

Kâp gân hom ma Brah Yêhôva djôt prăp tĭng trong Păng Pôri Păng mra n'hao may gay dơn neh. Jêh ri may mra saơ phung mhĭk rai lôch.

Nau Mprơ Ơm 37:7

Gŭ rklăk hom tanăp Brah Yêhôva jêh ri gŭ kâp ma Păng. Lơi ăn rngot may nơm yor du huê bunuyh dơi jêng tâm trong păng Mâu lah bunuyh ƀư lĕ nau ŭch ƀư mhĭk.

Nau Mprơ Ơm 62:1

Huêng gâp gŭ rlu mpăn ntŭk du huê Brah Ndu; Nau tâm rklaih gâp văch tă bơh Păng.

Nau Mprơ Ơm 62:5

Ơ huêng gâp, gŭ rlu hom tâm Brah Ndu. Yorlah nau gâp kâp gân dơm tâm păng.

Nau Mprơ Ơm 79:5

Ơ Brah Yêhôva! Ndah jŏ? May mra ji nuih mro mrăng lĕ? Nau May ntôn mra hit nâm bu ŭnh sa boh?

Nau Mprơ Ơm 79:6

Nkhŭt nau May ji nuih ta phung ƀon lan Mâu gĭt May, Jêh ri ta lĕ bri hađăch Mâu kuăl mbơh sơm ma amoh May.

Nau Hôr 20:22

Lơi lah ôh: “Gâp mra har plơng!” Gŭ kâp hom Brah Yêhôva, Păng mra rklaih may.

Nau Mprơ Ueh 8:6

Dăn n'gân gâp nâm bu ndơ tâp pŏng tâm play nuih may, Nâm bu ndơ tâp pŏng ta klơ tur ti may; Yorlah nau rŏng ŭch ngăn ktang nâm bu nau khĭt, Nuih n'hâm ntôn ktang ngăn nâm bu ƀon phung khĭt. Ŭnh nau rŏng hit n'gă ang, Nâm bu mpiăt ŭnh Brah Yêhôva.

Êsai 14:26

Nây jêng nau dăp ƀư hŏ tâm nal jêh Ma lĕ rngôch neh ntu; Nĕ jêng nting tur hŏ yơr luh Ta klơ lĕ bri dak.

Êsai 30:18

Nđâp lah pônây, Brah Yêhôva ăt hôm kâp gân gay ăn nau ueh ma khân may; Păng mra dâk ŭch mpơl nau yô̆ nđach ma khân may. Yorlah Yêhôva jêng Brah Ndu sŏng. Ueh maak ngăn ma lĕ rngôch phung kâp gân Păng.

Êsai 34:2

Yorlah Brah Yêhôva ji nuih tâm rdâng đah lĕ bri dak, Păng nkhŭt nau ji nuih ma lĕ rngôch phung tahan khân păng; Păng ƀư rai khân păng, Jao khân păng ăn bu nkhĭt.

Êsai 63:6

Tâm nau ji nuih, Gâp jot plên phung ndŭl mpôl bunuyh; Gâp ăn khân păng nhŭl yorlah nau Gâp ji nuih, Jêh ri Gâp ƀư pling jêh mham khân păng ta neh.”

Yêrêmi 10:25

Dăn May nkhŭt nau ji nuih ta klơ lĕ bri dak mâu gĭt năl May, Jêh ri ta klơ lĕ ndŭl mpôl mâu kuăl amoh May. Yorlah khân păng hŏ rvăn Y-Yakôb, Jêh ri hôm rvăn đŏng; Khân păng ƀư rai lĕ Y-Yakôb, Ƀư ăn ntŭk gŭ păng jêng rngot njăp.

Ndrom Samƀŭt bơh Ôsê 12:6

“Păng jêng Yêhôva Brah Ndu ma phung tahan; Amoh Păng jêng Brah Yêhôva.

Yôel 3:2

pôri Gâp mra rgum tay lĕ rngôch bri dak jêh ri njŭn khân păng jŭr tâm rlŭng Jôsaphat. Ta nây, Gâp mra phat dôih khân păng yor phung ƀon lan Gâp jêh ri drăp ndơn Gâp jêng phung Israel, yorlah khân păng hŏ ƀư du pru pra ta nklang phung mpôl băl bunuyh. Khân păng hŏ tâm pă bri neh Gâp,

Mika 7:7

Bi ma gâp, gâp mra kâp uănh ma Brah Yêhôva, Kâp gân Brah Ndu nơm tâm rklaih gâp; Brah Ndu gâp mra tăng bâr gâp.

Habakuk 2:3

Yorlah nau tâm saơ hôm e kâp rnôk tât geh nau tâm di; Păng văch gơnh hăn tât ntŭk nglĕ dŭt, mâu mƀruh ôh. Tơlah păng băt tât, ăn gŭ kâp ƀât; N'hêl nanê̆ păng mra tât, mâu mbrĕ mbrơi ôh.

Sôphôni 1:18

Nđâp ma prăk mâu lah mah khân păng Kŏ mâu dơi đŏng tâm rklaih khân păng Tâm nar Brah Yêhôva ji nuih. Ƀiălah tâm lam neh ntu mra geh ŭnh ntôn bơh Păng su ntrŭt, Yorlah Păng mra ƀư rai lĕ rngôch phung gŭ ta klơ neh ntu Ma nau krit toyh ngăn!”

Ndrom Samƀŭt bơh Agê 2:22

Gâp mra nklơ̆ lơi sưng hađăch phung kôranh hađăch, ƀư roh lơi nau dơi lĕ rngôch ƀon bri hađăch neh ntu. Gâp mra nklơ̆ lơi ndeh seh nđâp phung ƀĭt gai; phung seh tâm lơh jêh ri phung tahan ncho seh mra cha lôt khĭt yor đao bơh oh nâu khân păng nơm.’”

Mathay 25:32

Lĕ rngôch ntil mpôl bunuyh mra rgum tanăp Păng; jêh ri Păng mra tâm nkhah khân păng nâm bu bunuyh rmăk biăp tâm nkhah biăp đah be:

II Pêtrôs 3:10

Nđâp lah kơt nĕ, nar Kôranh Brah mra tât nâm bu nơm ntŭng, nôk nĕ lĕ ndâr trôk mra roh tâm nau nteh ktang, lĕ ndơ mra lêk hoch tâm ŭnh, neh ntu jêh ri lĕ rngôch kan ndâk klơ nây ŭnh mra sa lĕ.

Nau Tâm Mpơl 16:1

Nôk nây, gâp tăng bâr ngơi ktang luh bơh ngih brah đă pơh nuyh tông mpăr pô aơ: “Hăn hom, nkhŭt pơh ngan nau Brah Ndu ji nuih tâm neh ntu.”

Nau Tâm Mpơl 16:14

Khân păng jêng phung huêng brah mhĭk, ƀư lĕ nau mbên khlay, jêh ri hăn ma phung hađăch lam neh ntu gay ma rgum phung nây ma nau tâm lơh ta nar toyh Brah Ndu Geh Lĕ Nau Brah.