Sôphôni 3:5 - Nau Brah Ndu Ngơi 2023

⁵ Brah Yêhôva gŭ ta nklang ƀon, jêng Nơm sŏng srăng, Păng mâu prot ƀư nau mhĭk ôh. Ăp ôi, Păng ƀư nau di tâm dâng nau ang, Mâu mâp roh hêng ôh; Ƀiălah bunuyh kue mâu gĭt prêng ôh.

Sôphôni 3:5 Iomraidhean Croise

Nau Ntơm 18:25

May mâu ôh ƀư kơt nây! Mâu lah May ƀư rai phung sŏng ndrel ma phung djơh mhĭk, uănh phung sŏng srăng tâm ban ma phung djơh mhĭk ƀơh? Mâu ôh Kôranh Brah mâu ƀư kơt nây! Nơm phat dôih lĕ rngôch neh ntu mâm mâu ƀư ma nau di?”

Ndrom Samƀŭt bơh Yôp 34:10

Yor nây, hơi phung gĭt rbăng, iăt hom nau gâp; Brah Ndu mâu mâp ôh ƀư nau djơh, Nơm Geh Lĕ Nau Brah mâu lĕ mâp ƀư tih.

Ndrom Samƀŭt bơh Yôp 7:18

Kŏ tât may chop khâl ăp ôi, Jêh ri rlong uănh ăp mông ăp tơ̆?

Ndrom Samƀŭt bơh Yôp 8:3

Mâm ƀư dĭng Brah Ndu juet ăn kue lơi nau di? Mâu lah Nơm Geh Lĕ Nau Brah nsak lơi nau di?

Nau Mprơ Ơm 145:17

Brah Yêhôva jêng sŏng srăng tâm lĕ trong Păng, Jêh ri bêng nau ueh tâm lĕ kan Păng.

Nau Mprơ Ơm 37:6

Păng mra njêng nau sŏng srăng may mpơl nâm bu nau ang. Jêh ri nau di may tâm mpơl nâm bu nôk nar.

Nau Mprơ Ơm 92:15

Gay tâm mpơl ma Brah Yêhôva jêng sŏng; Păng jêng lŭ toyh ma gâp, jêh ri tâm Păng mâu geh du ntil nau kue ôh.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 28:19

Ăp tơ̆ nau mhĭk lip tât, păng mra nhŭp rdu khân may Yorlah păng mra rgăn ăp ôi, Nar tâm ban ma măng, nau tât mra hăn rgăn; Knŏng geh nau klach krit Ƀư ăn khân may gĭt rbăng nau ti nây.

Êsai 33:2

Ơ Brah Yêhôva, dăn yô̆ nđach an ma hên! Hên kâp gân May. Dăn ăn nau ktang ma hên ăp kêng ôi, Tâm rklaih hên nôk tâm nau rêh ni.

Êsai 45:21

Pôri mbơh hom, jêh ri đă khân păng văch dăch; Ăn khân păng tâm nchră ndrel n'grŭp! Mbu nơm hŏ nkoch nau aơ ntơm bơh kăl e? Mbu nơm mbơh jêh nau aơ bơh saơm? Mâu di hĕ Gâp nơm yơh jêng Brah Yêhôva? Rlau ma Gâp, mâu hôm geh brah êng ôh, Jêng Brah Ndu sŏng srăng jêh ri jêng Nơm Tâm Rklaih; Rlau ma Gâp, mâu hôm geh Nơm êng ôh.

Êsai 50:4

Kôranh Brah Yêhôva ăn jêh ma Gâp Mpiăt phung nti jêh, Gay ma Gâp blau ngơi N'hao nuih phung rgănh. Ăp ôi Păng rlay Gâp, Păng pơk tôr Gâp Gay ma Gâp gŭ iăt tâm ban ma nơm nti.

Yêrêmi 21:12

Hơi ngih Y-Đavit! Brah Yêhôva lah: Ăp ôi ƀư hom nau sŏng srăng, Rklaih hom bunuyh bu tŭn jot tă bơh ti nơm tŭn jot, Klach lah yor khân may ƀư nau mhĭk, Ma nau Gâp ji nuih hit nâm bu ŭnh.’ Mâu geh nơm dơi nhhât ôh.

Yêrêmi 3:3

Yor ri dak mih bu hŏ nchăng lơi jêh, Dak mih dŭt yan ăt mâu tât; Nđâp pônây may ăt mâu blau prêng, Măt kranh kơt lŭ tâm ban ma bu ur văng tĭr.

Yêrêmi 6:15

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,” Brah Yêhôva lah pônây.

Yêrêmi 8:12

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ nau bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,’” Brah Yêhôva lah pônây.

Nau Nhĭm Vơl 3:23

Tâm ăp ôi, Nau yô̆ nđach Kôranh Brah mhe mro, Nau răp jăp May jêng toyh hâu ngăn.

Êsêkiêl 18:25

Khân may lah tay pô aơ: ‘Trong Kôranh Brah mâu sŏng ôh.’ Pônây hơi ngih Israel, iăt hom: Trong Gâp mâu sŏng ôh hĕ? Mâu di trong khân may hĕ mâu sŏng ôh?

Êsêkiêl 48:35

Ndăch jŭm ƀon toyh mra geh sĭn rbăn met, jêh ri ntơm bơh aƀaơ tât ô klak, amoh ƀon mra jêng: “Brah Yêhôva gŭ ta nây!”

Ndrom Samƀŭt bơh Ôsê 14:9

Mbu nơm jêng bunuyh blau mĭn, gĭt rbăng hom nau aơ? Mbu nơm jêng bunuyh gĭt rbăng, gĭt hom lĕ nau nây? Yorlah lĕ trong Brah Yêhôva jêng sŏng; Phung sŏng srăng mra chuat hăn ta nây, Bi ma phung ƀư tih mra chêh prah ta nây.

Ndrom Samƀŭt bơh Ôsê 6:5

Yor ri, Gâp dŏng jêh phung nơm mbơh lor koh lơi khân păng; Gâp hŏ nkhĭt khân păng ma nau ngơi tă bơh trôm mbung Gâp, Nau Gâp phat dôih luh hăn nâm bu nau ang.

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Mika 7:9

Gâp mra dơn nau Brah Yêhôva ji nuih Yorlah gâp ƀư tih jêh đah Păng, Kŏ tât Păng koh dŏng an ma yor dôih gâp Jêh ri phat an dôih ma gâp, Pôri Păng mra njŭn leo gâp tât ma nau ang, Gâp mra saơ nau sŏng srăng Păng.

Habakuk 1:3

Mâm ƀư may ăn gâp saơ nau mâu tâm di? Mâm May gŭ uănh mro ma nau bu ƀư mhĭk? Panăp gâp jêng nau ƀư rai jêh ri nau djơh mhĭk; Nau tâm djrel jêh ri nau tâm rlăch geh tât lam ntŭk.

Sôphôni 2:1

Hơi mpôl băl bunuyh mâu gĭt ôh nau bêk prêng! Tâm rgum hom, tâm rgum hom,

Sôphôni 3:13

Phung Israel hôm e klen mâu ôh mra ƀư mhĭk, Mâu ngơi mƀruh, jêh ri mbung mpiăt mâu hôm ngơi ndơm ôh; Yorlah khân păng mra sông sa nhêt jêh ri rlu lâng bê̆ch, Ƀiălah mâu geh ôh bunuyh ƀư nkrit khân păng.”

Sôphôni 3:15

Brah Yêhôva hŏ sŏk lơi jêh nau phat dôih bơh ay, Păng nsot lĕ nơm rlăng ay. Hađăch Israel jêng Brah Yêhôva gŭ ta nklang ay, Ay mâu mra hôm klach nau mhĭk đŏng ôh.

Sôphôni 3:17

Yêhôva Brah Ndu may gŭ ta nklang may, Păng jêng Nơm geh nau brah mra tâm rklaih may; Păng mra rhơn răm ngăn yor ma may, Yor nuih n'hâm rŏng, Păng mra gŭ rklăk, Jêh ri yor ma may, Păng mra mprơ ma nau rhơn răm.”

Sakari 2:5

Brah Yêhôva lah: ‘Gâp nơm yơh mra jêng du mpêr ŭnh gŭ jŭm păng, jêh ri nau chrêk ma lơp Gâp mra gŭ ta nklang păng.’”

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Luka 12:2

Mâu geh moh ndơ pôn mo bu mâu mpơl jêh ri mâu geh moh ndơ ndâp bu mâu ăn bu gĭt.

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

Samƀŭt Pôl Njuăl Ăn Ma Phung Nsing Ta Ƀon Rôm 3:26

Tâm rnôk nây, Păng tâm mpơl ma Păng yơh jêng nau sŏng srăng păng jêh ri kơp sŏng srăng ma mbu nơm geh nuih n'hâm chroh ma Brah Yêsu.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

Nau Vay Nkah Tay 23:14

Yorlah Yêhôva Brah Ndu hăn nsong tâm nklang rmlak tahan khân may, gay ma tâm rklaih jêh ri jao phung rlăng ma khân may, yor ri ăn rmlak tahan khân may jêng kloh ueh, gay ma Păng mâu saơ ôh du ntil ndơ ƀơ̆ ta nklang khân may kŏ tât du tă bơh khân may.”

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

I Pêtrôs 1:17

Tơlah khân may mbơh Păng jêng Mbơ̆, Nơm mâu chrê du huê jêh ri phat dôih ăp nơm tĭng nâm nau khân păng ƀư, pôri djôt leo hom nuih n'hâm klach yơk gay gŭ rêh tâm rnôk gŭ njưh aơ.