Sôphôni 3:18 - Nau Brah Ndu Ngơi 2023

¹⁸ “Gâp mra tâm rgum phung dôl geh nau rngot, Yorlah mâu geh văch râng nau sông sa tâm nar rƀŭn toyh; Khân păng luh bơh may, ƀư anh jâk ma nau bêk prêng.

Sôphôni 3:18 Iomraidhean Croise

Nau Mprơ Ơm 43:3

Dăn nau ang jêh ri nau ngăn May sol ang Gay njŭn leo gâp ƀă, Njŭn gâp hao ta yôk kloh ueh, Jêng ntŭk May gŭ.

Nau Mprơ Ơm 79:4

Hên jêng ndơ bu tâm rmot jêh ma phung chiau meng hên, Ndơ suai rak jêh ri ndơ gơm mưch ma phung gŭ jŭm hên.

Yêrêmi 23:3

Gâp nơm mra rgum biăp hôm klen luh bơh lĕ rngôch bri dak Gâp hŏ mprơh jêh khân păng tât. Gâp mra njŭn khân păng plơ̆ sĭt ma ndrêch gơ̆ khân păng nơm; khân păng mra bĭk rơ̆ dŭt âk ngăn.

Nau Nhĭm Vơl 1:4

Trong hăn ma ƀon Siôn rngot klâng ngăn Yorlah mâu hôm geh nơm tât tâm nar rƀŭn. Lĕ rngôch mpông pêr păng jêng rngol, Phung kôranh ƀư brah nter vơl; Phung bu ur druh tang tat păng rngot klâng. Nau rêh păng gŭ tâm nau rngot ngăn.

Nau Nhĭm Vơl 1:7

Tâm nar nau rêh ni păng nsong mblêng, Ƀon Yêrusalem kah gĭt ma lĕ rngôch ndơ khlay păng Ndơ păng dơn ntơm bơh rô̆ saơm. Lah phung ƀon lan păng tŭp tâm ti phung rlăng, Mâu geh nơm kơl păng ôh, Phung rlăng uănh păng ma nau mưch rmot Tâm nau păng jêng rngol!

Êsêkiêl 34:13

Gâp mra djôt leo khân păng luh du tă bơh ta nklang mpôl ƀon lan bri êng; Gâp mra rgum khân păng tă bơh tâm lĕ bri dak êng jêh ri njŭn leo khân păng sĭt tâm bri neh prăp êng ma khân păng nơm. Gâp mra chiăp khân păng ta klơ lĕ yôk Israel, êp tu dak jêh ri lĕ rngôch ntŭk geh bunuyh gŭ tâm n'gor bri.

Êsêkiêl 36:24

Gâp mra sŏk sĭt lơi phung khân may tă bơh ta nklang lĕ phung ƀon lan, rgum tay khân may tă bơh lĕ rngôch bri dak jêh ri leo sĭt tâm bri êng khân may nơm.

Êsêkiêl 9:4

jêh ri lah: “Hăn hom rgăn lam ƀon, jêng ƀon Yêrusalem, jêh ri nchih nau mbên ta ndăr kleng phung bunuyh vơl nter, nhĭm nhhiăng ma lĕ rngôch nau mhĭk hŏ ƀư tih jêh nklang ƀon aơ.”

Ndrom Samƀŭt bơh Ôsê 1:11

Phung ƀon lan Yuđa jêh ri phung ƀon lan Israel mra tâm rgum tay jêh ri săch ăn ma khân păng du huê kôranh chiă uănh ndrel; khân păng mra du luh tă bơh n'gor bri aơ, yorlah nar toyh ngăn ma Jesrêel.”

Ndrom Samƀŭt bơh Ôsê 9:5

Mâm khân may mra ƀư tâm lĕ yan nau rƀŭn, Tâm nar rƀŭn ma Brah Yêhôva?

Sôphôni 3:20

Tâm nôk nây, Gâp mra djôt leo khân may plơ̆ sĭt, Nây jêng nôk Gâp tâm rgum tay khân may; Yorlah Gâp mra ƀư ma khân may lư n'găr Jêh ri geh nau tâm rnê ta nklang lĕ rngôch phung ƀon lan tâm neh ntu, Lah Gâp leo phung tă ƀư bu nă bơh phung khân may plơ̆ sĭt Tanăp măt khân may ro,” Brah Yêhôva lah pônây.