Sôphôni 3:14 - Nau Brah Ndu Ngơi 2023

¹⁴ Hơi kon bu ur Siôn, mprơ huy hom! Hơi Israel, nter bâr ngơi huy! Hơi kon bu ur ƀon Yêrusalem, Răm rhơn hom ma lĕ nuih n'hâm!

Sôphôni 3:14 Iomraidhean Croise

Nêhêmi 12:43

Tâm nar nây, khân păng nhhơr lĕ ndơ ƀư brah nau khư yơk jêh ri bêng nau răm maak, yorlah Brah Ndu ƀư ăn khân păng răm rhơn. Phung bu ur jêh ri kon se răm maak tâm ban lĕ. Nau răm maak tă bơh Yêrusalem bu tăng lư tât ntŭk ngai.

Nau Mprơ Ơm 14:7

Ơ, dăn Kôranh Brah văch tă bơh Siôn tâm rklaih phung Israel! Tơlah Brah Yêhôva djôt leo phung ƀon lan Păng plơ̆ sĭt tă bơh n'gor ƀư bu nă, Pôri Yakôb mra hâk maak jêh ri phung Israel răm rhơn!

Nau Mprơ Ơm 149:2

Ăn phung Israel răm maak tâm Nơm rhăk njêng jêh khân păng; Ăn phung kon ƀon Siôn răm maak tâm Hađăch khân păng.

Nau Mprơ Ơm 97:8

Ơ Brah Yêhôva, Siôn tăng jêh ri hâk maak, Phung kon bu ur Yuđa geh nuih n'hâm hâk răm da dê, Yor nau May phat dôih.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 29:19

Phung dêh rhêt mra răm maak ntop âk tâm Brah Yêhôva, Phung o ach mra răm maak yor Nơm Kloh Ueh Israel.

Êsai 35:2

Păng mra geh kao âk jêh ri hâk maak, Răm maak ma nau mprơ. Bu mra ăn ma păng nau chrêk rmah bri Liban, Nđâp ma nau ueh yôk Karmel jêh ri bri Sarôn. Khân păng mra saơ nau chrêk rmah Brah Yêhôva Jêh ri nau chrêk rmah Brah Ndu he.

Êsai 37:22

aơ, jêng nau Brah Yêhôva hŏ lah ma păng: ‘Bu ur druh ƀon Siôn Tâm rmot ma may, gơm mưch ma may; Kon bu ur ƀon Yêrusalem Rteh bôk pakơi may!

Êsai 40:1

Brah Ndu khân may lah: “Bonh leng hom, bonh leng hom phung ƀon lan Gâp.

Êsai 40:9

Mbu nơm mbơh nau mhe mhan ueh ma ƀon Siôn, Hao hom ta klơ yôk prêh! Mbu nơm mbơh nau mhe mhan ueh ma Yêrusalem Nter troh hom ma nau ktang! Nter troh hom may, lơi klach ôh! Lah hom ma lĕ rngôch ƀon bri Yuđa pô aơ: “Aơ jêng Brah Ndu khân may!”

Êsai 51:11

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter. Nau maak n'ho ro mra gŭ ta klơ bôk khân păng, Khân păng mra geh nau răm maak; Nau rngot jêh ri nau vơl nđor mra roh lĕ.

Êsai 52:9

Ơ ntŭk rlâm tâm ƀon Yêrusalem, Troh hom ma nau mprơ ndrel n'grŭp. Yorlah Brah Yêhôva hŏ bonh leng jêh phung ƀon lan Păng, Tâm chuai jêh ƀon Yêrusalem.

Êsai 54:1

“Ơ bu ur ndrô gâng, nơm mâu mâp deh, mprơ hom; Ơ nơm mâu mâp ji yorlah deh kon, Mprơ hom nau mprơ răm rhơn. Yorlah phung kon bu ur bu chalơi Mra jêng âk lơn ma phung kon bu ur geh sai.” Brah Yêhôva lah kơt nĕ.

Yêrêmi 30:19

Tă bơh ntŭk khân păng tăng nau mprơ tâm rnê Jêh ri bâr troh maak phung răm rhơn. Gâp mra ăn khân păng âk lơn, mâu di hŭch ôh Gâp mra ƀư đŏng khân păng dơi geh nau bu yơk, mâu hôm jêng jê̆ ôh.

Yêrêmi 31:13

Nôk nây, bu ur druh mra răm maak pâl ntalơ̆, Phung mom ndăm nđâp ma lĕ phung bu ranh nsum nau răm maak. Gâp mra tâm rgâl nau klâng rvê khân păng jêng nau răm maak, Mra bonh leng khân păng, ăn ma khân păng nau hâk răm ntrok nau rngot.

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Yôel 2:23

Hơi phung kon ƀon Siôn, maak răm rhơn hom Tâm Yêhôva Brah Ndu khân may! Yorlah Păng ăn dak mih tŭp yan bôk rah tâm di ăn ma khân may; Nkhŭt dak mih yan bôk rah jêh dak mih kêng dŭt yan Jŭr ăn ma khân may nâm bu saơm.

Mika 4:8

Bi may jêng tŭm ma phung biăp, Yôk ma kon bu ur Siôn, Mra văch ma may, Nau dơi may chiă uănh kăl e mra plơ̆ tay, Nây jêng ƀon bri hađăch ma kon bu ur ƀon Yêrusalem.”

Mathay 21:9

Phung bunuyh, nơm hăn panăp, bunuyh hăn tĭng pakơi troh huy ktang da dê: “Hôsana ma Kon Y-Đavit! Tâm rnê ma Nơm văch tâm amoh Kôranh Brah! Hôsana ta ntŭk dŭt prêh!”