Sôphôni 3:13 - Nau Brah Ndu Ngơi 2023

¹³ Phung Israel hôm e klen mâu ôh mra ƀư mhĭk, Mâu ngơi mƀruh, jêh ri mbung mpiăt mâu hôm ngơi ndơm ôh; Yorlah khân păng mra sông sa nhêt jêh ri rlu lâng bê̆ch, Ƀiălah mâu geh ôh bunuyh ƀư nkrit khân păng.”

Sôphôni 3:13 Iomraidhean Croise

II Nau Rêh Jêng 20:30

Pôri, ƀon bri hađăch Jôsaphat gŭ đăp mpăn, yorlah Brah Ndu ăn ma păng tâm nau mpăn rlêk puăn njônh.

Ndrom Samƀŭt bơh Yôp 11:19

May mra lâng bê̆ch, mâu geh bunuyh ƀư ăn may klach Jêh ri âk bunuyh dăn nau ueh tă bơh may.

Nau Mprơ Ơm 119:3

Khân păng mâu ƀư nau mhĭk ôh, Ƀiălah hăn tâm trong Păng.

Nau Mprơ Ơm 120:2

Ơ Brah Yêhôva, rklaih an huêng gâp, Bơh mbung mƀruh Bơh mpiăt mplư ndơm.

Nau Mprơ Ơm 120:3

Ơ mpiăt mplư ndơm, moh bu mra ăn ma may? Jêh ri moh bu mra ntop ma may?

Nau Mprơ Ơm 23:2

Păng ƀư ăn gâp rlu tâm ndrêch gơ̆ nse, Njŭn gâp tâm tu dak rngân đăp mpăn.

Êsai 17:2

Lĕ ƀon Arôer mra jêng rngot njăp Jêh ri mra jêng ntŭk ma phung biăp bê̆ch rlu, Mâu geh nơm ƀư ma khân păng râm sâr ôh.

Êsai 35:8

Ta nây, mra geh du trong toyh, Bu rnha păng jêng Trong Kloh Ueh. Phung ƀơ̆ ƀơch mâu mra hăn ta nây ôh, Ƀiălah păng prăp ma phung geh nau chuai. Mbu nơm hăn ta trong nây Nđâp tơlah rluk mâl ăt mâu vĭ nhhơt ôh.

Êsai 54:14

Gâp mra ƀư nâp may ma nau sŏng srăng, May mra klaih bơh nau bu tŭn jot, mâu klach ôh; Jêh ri klaih bơh nau krit kir, yorlah nau nây mâu mra văch dăch may ôh.

Êsai 6:13

Nđâp tơlah du kô̆ tâm jât hôm e tâm khân păng Bu mra ƀư rai lơi; Ƀiălah, nâm bu kăl jêh tơm n'ho, tơm guyh hôm om knŏng yôk ngâl, Ndŭl mpôl kloh ueh jêng yôk ngâl păng.”

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 63:8

Yorlah Păng lah jêh: “Nanê̆, khân păng jêng ƀon lan Gâp, Jêng phung kon mâu mra ndơm mƀruh ôh.” Jêh ri Păng jêng Nơm Tâm Rklaih khân păng.

Êsai 65:10

Ma phung ƀon lan Gâp, phung tĭng joi jêh Gâp, Sarôn mra jêng ntŭk ndrêch gơ̆ ma phung biăp, Jêh ri rlŭng Akôr mra jêng ntŭk rlu ma phung ndrôk kuen.

Yêrêmi 23:4

Gâp mra dơm phung rmăk biăp gay chiăp leo khân păng jêh ri khân păng mâu hôm klach, mâu lĕ rdja klach krit đŏng ôh, jêh ri mâu mra nhhơt roh du mlâm biăp lĕ,” Brah Yêhôva lah pônây.

Yêrêmi 30:10

Brah Yêhôva lah: ‘Ơ Y-Yakôb, oh mon Gâp, lơi klach ôh. Ơ phung Israel, lơi klach krit ôh! Yorlah aơ, Gâp mra rklaih may luh bơh ntŭk ngai ngăn, Jêh ri phung kon sau may bơh bri bu nă. Y-Yakôb mra plơ̆ sĭt jêh ri rêh ueh lăng đăp rmên, Mâu hôm geh klach nuyh đŏng ôh.’

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Êsêkiêl 39:26

Khân păng mra chuêl lĕ nau bêk prêng jêh ri lĕ rngôch nau tih mâu răp jăp khân păng hŏ ƀư jêh đah Gâp tơlah khân păng mra gŭ rêh đăp mpăn tâm bri neh khân păng nơm, mâu hôm klach ma bu ôh.

Yôel 3:17

“Rnôk nây, khân may mra gĭt Gâp jêng Yêhôva Brah Ndu khân may, Nơm gŭ ta Siôn, jêng yôk kloh ueh Gâp. Yêrusalem mra jêng ƀon kloh ueh Jêh ri phung bu năch mâu mra hôm pit in păng đŏng ôh.”

Yôel 3:21

Gâp mra ƀư kloh nau rnon mham khân păng Gâp ê hŏ mâp ƀư kloh ôh, Yorlah Brah Yêhôva gŭ ta Siôn.

Kan Lêvi 26:6

Gâp mra ăn nau đăp mpăn tâm n'gor jêh ri khân may mra bê̆ch, mâu geh nơm nkrit nhhu khân may ôh. Gâp mra mprơh lơi mpa bri janh luh bơh n'gor jêh ri đao gưm mâu mra hăn rgăn ôh tâm n'gor khân may.

Mika 4:4

Ăp nơm mra gŭ tâm dâng tơm krăk ƀâu khân păng Jêh ri tâm dâng tơm rvi khân păng nơm; Mâu geh ôh nơm ƀư ăn ma khân păng klach Yorlah trôm mbung Brah Yêhôva ma phung tahan hŏ lah jêh.

Mika 4:7

Jêh nây Gâp mra sŏk bunuyh kuet ƀư jêng phung ƀon lan hôm e klen Jêh ri phung bu chalơi jêng du bri dak dŭt janh: Brah Yêhôva mra chiă uănh khân păng ta klơ yôk Siôn Ntơm bơh aƀaơ aơ kŏ tât lĕ rngôch rnôk n'ho ro.

Mika 7:14

Sŏk hom mâng jra chiă uănh phung ƀon lan may Nây jêng phung biăp drăp ndơn may Păng gŭ êng tâm krŏng, Ta nklang Karmel; Ăn păng sa gơ̆ ta bri Basan jêh ri tâm bri Gilêat Nâm bu tâm rnôk saơm.

Sôphôni 2:7

N'gor nây mra jêng ăn ma phung ngih Yuđa hôm e klen; Khân păng mra chiăp biăp ta nây. Lah ngo, khân păng mra bê̆ch măng Tâm lĕ ngih ƀon Askalôn; Yorlah Yêhôva Brah Ndu khân păng mra chop khâl khân păng, Jêh ri leo phung tă ƀư bu nă ăn khân păng plơ̆ sĭt.

Sôphôni 3:5

Brah Yêhôva gŭ ta nklang ƀon, jêng Nơm sŏng srăng, Păng mâu prot ƀư nau mhĭk ôh. Ăp ôi, Păng ƀư nau di tâm dâng nau ang, Mâu mâp roh hêng ôh; Ƀiălah bunuyh kue mâu gĭt prêng ôh.

Sakari 8:12

“Yorlah gŭ ta nây mra geh găr ntil đăp mpăn; tơm krăk ƀâu mra geh play jêh ri neh mra geh play âk tât yan păng, lĕ ndâr trôk mra ăn truh dak tŭk. Gâp mra ăn phung ƀon lan hôm klen dơi dơn lĕ ndơ aơ.

Sakari 8:16

Aơ jêng nau ăn khân may ƀư: Ăp nơm sŏk nau ngơi ngăn ma phung chiau meng păng; ta mpông ƀon khân may, phat dôih hom ăn nanê̆ ngăn, nau di jêh ri nau đăp mpăn;

Sakari 8:3

Brah Yêhôva lah: “Gâp mra plơ̆ sĭt đŏng ma Siôn jêh ri gŭ ta nklang ƀon Yêrusalem. Rnôk nây bu ntơ ƀon Yêrusalem jêng ƀon Nanê̆ Ngăn, yôk Brah Yêhôva ma phung tahan bu mra ntơ Yôk Kloh Ueh.”

Mathay 13:41

Kon Bunuyh mra njuăl phung tông mpăr Păng nhŭp lĕ rngôch phung ƀư mhĭk jêh ri lĕ rngôch phung ƀư djơh ngluh lơi bơh ƀon bri hađăch Păng,

Yôhan 1:47

Brah Yêsu saơ Y-Nathanel văch ta Păng, Păng lah ma Y-Nathanel pô aơ: “Aơ jêng du huê bunuyh Israel ngăn, tâm păng mâu geh nau mƀruh nchơt ôh.”

Kôlôh 3:9

Lơi ngơi mƀruh ndrăng khân may nơm yorlah mƀăr lơi jêh bunuyh ơm ndrel ma lĕ nau kan păng

I Pêtrôs 3:14

Ƀiălah tơlah khân may dơn nau rêh ni yor nau sŏng srăng, khân may geh ueh lăng ngăn. Lơi klach ma nau khân păng klach, mâu đŏng rdja nuih n'hâm;

I Yôhan 5:18

He gĭt mbu nơm deh jêh tă bơh Brah Ndu mâu ƀư tih ôh, yorlah Nơm deh jêh bơh Brah Ndu mât mray bunuyh nây, jêh ri brah mhĭk mâu pah bi bunuyh nây ôh.

Nau Tâm Mpơl 14:5

Tâm trôm mbung khân păng mâu mâp geh nau mƀruh ôh; khân păng jêng phung bunuyh mâu geh têl khap.

Nau Tâm Mpơl 21:27

Lĕ rngôch phung ƀơ̆ ƀơch, nơm ƀư nau mưch rmot, nơm ngơi mƀruh mâu dơi lăp ƀon ôh, knŏng phung geh amoh nchih jêh tâm ndrom samƀŭt nau rêh Kon Biăp.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”