Sôphôni 2:5 - Nau Brah Ndu Ngơi 2023

⁵ Rêh ni ngăn ma phung ƀon lan gŭ ta kơh dak mƀŭt, Nây jêng phung mpôl Kêrêthit! Hơi Kanaan jêng bri phung Philistin, Nau Brah Yêhôva hôm e tâm rdâng đŏng đah khân may; “Gâp mra ƀư rai lơi may Kŏ tât mâu hôm geh bunuyh gŭ đŏng ôh.”

Sôphôni 2:5 Iomraidhean Croise

Êsai 14:29

“Ơ lĕ rngôch phung Philistin, lơi răm maak ndal ôh, Yorlah mâng rvĕ dong may lĕ nkê̆ch deh jêh, Yorlah tă bơh noi deh bêh mra luh du mlâm bêh vǐt, Jêh ri kon păng mra jêng du mlâm bêh ŭnh mpăr.

Êsai 14:30

Rnôk nây, phung o ach lơn mra joi saơ ndơ sông sa, Phung pưt ndơ mra lâng bê̆ch tâm nau đăp mpăn. Ƀiălah Gâp mra ƀư ma noi deh may khĭt ma nau sa sât ji ngot, Jêh ri đơ phung hôm klen bu mra nkhĭt.

Yêrêmi 47:7

Ƀiălah Brah Yêhôva hŏ ntrŭnh jêh Mâm may dơi gŭ rlu? Yorlah Kôranh Brah hŏ jao jêh ăn ma păng Tâm rmal ma ƀon Askalôn jêh ri bri kơh dak mƀŭt.”

Êsêkiêl 25:16

yor nây, Kôranh Brah Yêhôva lah: ‘Aơ, Gâp mra yơr ti tâm rdâng đah phung Philistin, ƀư rai lơi phung Kêrêthit jêh ri nkhĭt lĕ phung hôm e klen n'gŏ kơh dak mƀŭt.

Amôt 3:1

Hơi phung kon sau Israel, iăt hom nau aơ, jêng nau Brah Yêhôva ngơi tâm rdâng đah khân may, jêng tâm rdâng đah lĕ ndŭl mpôl Gâp hŏ ngluh jêh bơh n'gor bri Êjipt.

Amôt 5:1

Hơi ngih Israel, iăt hom nau aơ. Aơ jêng nau mprơ rngot gâp nhĭm vơl ma khân may:

Sôphôni 1:11

Hơi phung gŭ tâm Ƀon Tâm Dâng, nhĭm nter hom! Yorlah lĕ rngôch phung tăch rgâl mâu hôm đŏng ôh, Jêh ri phung njing prăk lĕ rai yot jêh.

Sôphôni 3:6

“Gâp hŏ ƀư rai jêh phung ntil mpôl bunuyh, Ƀư lĕ vâl tŭm gak ta njônh mpêr ƀon jêng rlâm rai. Gâp ƀư ma trong sâng păng jêng bri hŏng, Kŏ tât mâu geh ôh bunuyh hăn rgăn ta nây. Lĕ ƀon khân păng bu hŏ ƀư rai jêh, Mâu hôm geh du huê bunuyh, jêh ri kŏ mâu geh lĕ bunuyh gŭ ta nây.

Sakari 1:6

Ƀiălah, lĕ nau Gâp ngơi jêh ri nau vay Gâp ƀư hŏ ntĭm jêh ma phung oh mon Gâp jêng phung nơm mbơh lor, mâu di bơh lĕ nau nây ban jêh ma phung chô yau khân may? Yor rĭ dĭng khân păng rmal nau tih jêh ri lah: ‘Lĕ rngôch nau Brah Yêhôva ma phung tahan hŏ ton mĭn jêh ma hên tĭng trong jêh ri kan pah bơh hên ƀư, pôri Păng hŏ nkra jêh ma hên di kơt nây.’”

Markôs 12:12

Phung kôranh chiă uănh nau chroh phung Yuđa ŭch joi trong nhŭp Păng, yorlah gĭt jêh Păng sŏk nau hôr nây ŭch ntĭt ma khân păng. Ƀiălah khân păng klach ma phung ƀon lan, rĭ dĭng chalơi Păng gay hăn du.

Yôsuê 13:2

Aơ jêng bri hôm e: Lĕ rngôch bri phung Philistin jêh ri lĕ rngôch bri phung Gêsurit

Yôsuê 13:3

ntơm bơh dak krong Sihôr tâm tham đah Êjipt kŏ tât ta n'har neh Êkron mpeh pa lơ, bri nây bu kơp jêng bri phung Kanaan (prăm nuyh hađăch phung Philistin jêng hađăch ƀon Gaxa, ƀon Asdôt, ƀon Askalôn, ƀon Gat, jêh ri ƀon Êkron). N'gor neh phung Avim

Phung Kôranh Phat Dôih 3:3

Phung ntil mpôl bunuyh nây jêng phung Philistin jêh ri prăm nuyh hađăch khân păng, lĕ rngôch phung Kanaan, phung Sidôn, jêh ri phung Hivit gŭ ta yôk Liban, ntơm bơh yôk Baal-Hermôn tât ma sop Hamat.

I Samuel 30:14

Hên hŏ lơh jêh ta Nêgep phung Chêrêthit, n'gor bri phung Yuđa, Nêgep phung Kalep, jêh ri hên lĕ su jêh ƀon Siklak.”