Sôphôni 2:3 - Nau Brah Ndu Ngơi 2023

³ Hơi lĕ rngôch jêng phung dêh rhêt tâm bri neh, Jêng bunuyh mra ƀư tĭng nau Kôranh Brah ntăm, Joi hom Brah Yêhôva, Joi hom nau sŏng srăng, joi nau rdơ̆ rbăn; Klăp lah khân may mra dơi king n'gang Tâm nar Brah Yêhôva ji nuih.

Sôphôni 2:3 Iomraidhean Croise

II Samuel 12:22

Hađăch plơ̆ lah: “Nôk kon se jê̆ hôm rêh, gâp ver ât sông sa jêh ri nhĭm yorlah gŭ mĭn pô aơ: ‘Klăp lah Brah Yêhôva mra yô̆ nđach gâp, jêh ri ăn ma păng hôm e rêh!’

Nau Mprơ Ơm 105:4

Joi hom Brah Yêhôva jêh ri nau brah Păng, Joi hom muh măt Păng ƀaƀơ!

Nau Mprơ Ơm 149:4

Yorlah Brah Yêhôva geh nau maak tâm phung ƀon lan Păng; Păng sŏk nau tâm rklaih nkrơ̆ ma phung dêh rhêt.

Nau Mprơ Ơm 22:26

Phung blau tông bâr mra sông sa jêh ri dơi hơm; Phung tĭng joi Brah Yêhôva mra tâm rnê ma Păng; Ăn bunuyh geh nuih n'hâm dêh rhêt dơi rêh lĕ rngôch rnôk n'ho ro.

Nau Mprơ Ơm 31:20

May pôn khân păng tâm ntŭk ndâp tanăp măt May Gŭ ngai đah nau kon bunuyh ŭch ƀư; May king n'gang khân păng tâm ngih bok Gŭ ngai đah mbung mpiăt tâm djrel.

Nau Mprơ Ơm 45:4

Yorlah nau ngăn, nau rdơ̆ rbăn jêh ri nau sŏng srăng, Ăn nsoh hom nau hit rnam may, ncho ndeh hăn tât ma nau dơi; Ti ma may ƀư lĕ kan khư nau bu yơk.

Nau Mprơ Ơm 57:1

Ơ Brah Ndu! Yô̆ nđach ma gâp, yô̆ nđach ma gâp, Yorlah huêng gâp nde krap tâm May! Di yơh, gâp nde krap tâm dâng gui năr May Kŏ tât nau mhĭk rlau lôch.

Nau Mprơ Ơm 76:9

Brah Ndu dâk phat dôih Gay tâm rklaih lĕ rngôch phung dêh rhêt ta neh ntu. (Sêla)

Nau Mprơ Ơm 91:1

Mbu nơm gŭ tâm ntŭk ndâp Nơm Dŭt Prêh. Mra dơi gŭ tâm dâng gui Nơm Geh Lĕ Nau Brah.

Nau Ngluh Êjipt 12:27

Ăn khân may ơh: ‘Kan aơ jêng nhhơr mpa ƀư brah ma Nau Găn tanăp Brah Yêhôva. Yorlah nôk ƀư nau nđêh nji phung Êjipt, Păng hŏ găn lĕ ngih phung Israel jêh ri rklaih ngih phung he.’”

Nau Hôr 18:10

Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.

Êsai 1:17

Nti hom ƀư nau ueh, Tĭng joi nau di, Kơl an bunuyh bu tŭn jot, Phat dôih nau di ma kon đơi, Ngơi n'gang nau rlăch nchră ma bu ur ndrô.”

Êsai 11:4

Ƀiălah Păng mra phat dôih tâm nau sŏng srăng ma phung mâu geh nau ktang, Jêh ri phat dôih nau sŏng ma phung rdơ̆ rbăn ta neh ntu. Păng mra dong neh ntu ma mâng jra bơh trôm mbung Păng, Jêh ri sŏk n'hâm bơh trôm mbung gay nkhĭt phung ƀai.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Yêrêmi 39:18

Yorlah nanê̆ ngăn Gâp mra rklaih may, may mâu mra khĭt tâm dâng mpiăt đao ôh. May mra mât mray nau rêh may nơm nâm bu dơi geh ndơ pit sŏk, yorlah may rnơm nsing jêh ma Gâp,’ Brah Yêhôva lah pônây.”

Yêrêmi 45:5

Bi may, may joi ăn nau toyh ma may nơm lĕ? Lơi ta joi đŏng ôh, yor nau aơ, Gâp dăch ăn tât nau mhĭk ma lĕ rngôch bunuyh: Ƀiălah bi ma may, nđâp lah moh ntŭk tât may hăn, Gâp mra ăn nau rêh may dơi geh đăp mpăn.’” Brah Yêhôva lah pônây.

Êsêkiêl 13:5

Phung khân may ê hŏ hăn hao ôh lĕ ntŭk pêch đang jêh ri nkra tay mpêr ƀon ma ngih Israel gay dơi nâp dâk tâm lơh tâm nar Brah Yêhôva.

Ndrom Samƀŭt bơh Ôsê 10:12

Srih hom ma khân may nơm nau sŏng srăng, Jêh ri rek nau ueh; Chuar hom neh mhe! Yorlah aơ jêng mông tĭng joi Brah Yêhôva Kŏ tât nar Păng văch Nkhŭt dak mih nau sŏng srăng ta klơ khân may.

Ndrom Samƀŭt bơh Ôsê 7:10

Nau sưr Israel plơ̆ mbơh ma păng; Nđâp tơlah pônây, khân păng ăt mâu plơ̆ sĭt ôh ndrel ma Yêhôva Brah Ndu khân păng, Jêh ri mâu tĭng joi Păng tâm ban lĕ!

Yônais 3:9

Gĭt lah Brah Ndu mra tâm rgâl nau mĭn jêh ri lơi lĕ nau Păng ji nuih gay ăn ma he klaih bơh nau khĭt?”

Sakari 8:19

Brah Yêhôva ma phung tahan lah: “Lĕ nau ât sông sa ta khay puăn, ta khay prăm ta khay pơh, jêh ri khay jât mra jêng nau maak răm, jêh ri lĕ nar rƀŭn bêng ma nau maak ma Yuđa. Yor nây rŏng hom ma nau nanê̆ ngăn jêh ri đăp mpăn.”

Mathay 5:5

Ueh maak ngăn ma phung dêh rhêt, Yorlah mra sŏk dơn lĕ neh ntu!

I Têsalônik 4:1

Dăch dŭt, hơi phung oh nâu, tâm Kôranh Brah jêng Brah Yêsu, hên vơh vơl jêh ri ntrôl khân may pô aơ nâm bu khân may hŏ nti jêh bơh hên ăn gŭ rêh ƀư maak nuih n'hâm Brah Ndu, jêh ri khân may dôl gŭ rêh tâm ban kơt nĕ, pô ri gŭ rêh hom lơ nar lơ ueh lơn.

I Têsalônik 4:10

nanê̆ ngăn khân may dôl ƀư kơt nây đŏng ma lĕ rngôch phung oh nâu lam tâm n'gor Masêđôn. Ƀiălah hơi oh nâu, hên nti nkah ma khân may lơ hô tâm rŏng lơn đŏng.

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Pêtrôs 3:4

ƀiălah nkrơ̆ hom bunuyh ndâp tâm trôm ma nau ueh mâu blau ôm rai tâm nuih n'hâm rdơ̆ rbăn jêh ri gŭ rklăk; nây jêng nau khlay dŭt hâu tanăp Brah Ndu.

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.