Sôphôni 2:11 - Nau Brah Ndu Ngơi 2023

¹¹ Ma đah khân păng, Brah Yêhôva ma nau krit klach dŭt n'hâm, Yorlah Păng mra ƀư rai lĕ rngôch phung brah ta neh ntu, Jêh ri ăp nơm mra yơk mbah ma Păng tâm ntŭk păng nơm, Lĕ rngôch gôl dak mƀŭt ma lĕ bri dak tâm ban pônây lĕ.

Sôphôni 2:11 Iomraidhean Croise

Nau Ntơm 10:5

Tă bơh khân păng dĭng geh phung ƀon lan hăn gŭ lĕ gôl dak; ăp phung ƀon lan tĭng nau khân păng nơm ngơi, tĭng ndŭl mpôl êng êng, rêh tâm n'gor khân păng nơm.

Nau Mprơ Ơm 138:4

Ơ Brah Yêhôva, lĕ rngôch phung hađăch ta neh ntu mra tâm rnê ma May, Yorlah khân păng tăng jêh nau ngơi bơh bâr mbung May.

Nau Mprơ Ơm 72:17

Ăn amoh Păng mra hôm ƀaƀơ, Ndah hôm jŏ nar pôri amoh hađăch mra hôm gŭ kơt nây lĕ; Bu mra tâm amoh păng jêh ri ăn nau ueh uĭn ndrăng khân păng nơm! Lĕ rngôch mpôl băl bunuyh mra uănh ma hađăch jêng nau ueh maak.

Nau Mprơ Ơm 86:9

Lĕ rngôch phung mpôl băl May hŏ rhăk njêng jêh Mra văch yơk mbah tanăp măt May Jêh ri tâm rnê amoh May.

Êsai 2:18

Rnôk nây, phung rup brah mra roh rai lôch.

Êsai 2:20

Tâm nar nây, bu mra klŭp lơi Ma đe, ma rêt Lĕ rup brah ƀư ma prăk, ma mah, Jêng ndơ khân păng hŏ ƀư gay ma yơk mbah.

Êsai 42:10

Mprơ hom ma Brah Yêhôva du nau mprơ mhe, Nau mprơ tâm rnê ma Păng bơh ntŭk dŭt rplay neh! Ơ phung hăn ta dak mƀŭt, nđâp ma lĕ rngôch mpa tâm păng, Lĕ gôl dak mƀŭt ndrel phung gŭ tâm păng, Rđuh ngrông hom.

Êsai 42:4

Păng mâu mra hŏt rgănh, mâu rdja nuih ôh Kŏ tât nôk Păng ndâk jêh nau di ta klơ neh ntu; Lĕ rngôch gôl dak mƀŭt mra kâp gân nau vay Păng.

Êsai 49:1

Ơ lĕ gôl dak mƀŭt, iăt hom gâp! Ơ phung ƀon lan gŭ ngai, rkêng hom tôr: Brah Yêhôva kuăl jêh gâp bơh ndŭl me, Păng nkah amoh gâp dôl gâp hôm tâm ndŭl me.

Yêrêmi 10:11

Lah hom ma khân păng pô aơ phung brah aơ mâu njêng ôh trôk jêh ri neh ntu. Khân păng mra ƀư rai tă bơh măt neh jêh ri bơh trôk.

Yêrêmi 46:25

Brah Yêhôva ma phung tahan, Brah Ndu Israel, lah: “Aơ, Gâp mra tâm rmal ma phung Amôn, jêng brah ta ƀon Thêbes, Pharaôn jêh ri bri Êjipt, ndrel phung brah jêh ri phung hađăch păng: nây jêng hađăch Pharaôn nđâp ma phung rnơm nsing ma păng.

Daniel 11:18

Pakơi nau nây, hađăch plơ̆ hăn rlet ma n'gor kơh dak mƀŭt jêh ri dơi pit âk ntŭk. Ƀiălah du huê kôranh tahan mra ƀư ăn lôch nuih n'hâm nau hađăch sưr, ƀư ăn nau sưr păng nơm tâm rdâng đah păng.

Ndrom Samƀŭt bơh Ôsê 2:17

Yorlah Gâp mra ăn păng hă trôm mbung kuăl phung brah Baal, Jêh ri bu mâu mra hôm nkah tât đŏng ôh amoh khân păng.

Yôel 2:11

Brah Yêhôva ƀư nau Păng ngơi nteh huy tanăp phung tahan Păng, Yorlah pôih tahan Păng âk ngăn jêh ri âk ngăn ngên phung ƀư tĭng nau Păng ntăm ktang ngăn. Nar Brah Yêhôva toyh ngăn ngên jêh ri di ma klach ngăn, Mbu nơm dơi dơn?

Sôphôni 1:4

“Gâp mra yơr ti tâm rdâng đah phung Yuđa Jêh ri lĕ rngôch phung gŭ ta ƀon Yêrusalem; Gâp mra ƀư rai lĕ tă bơh ntŭk aơ phung hôm e yơk mbah ma brah Baal, Jêh ri amoh phung kan ndơ ƀư brah ma rup brah nđâp phung kôranh ƀư brah.

Sôphôni 3:9

Rnôk nây, Gâp mra rgâl phung ƀon lan, Ƀư kloh trôm mbung, Gay lĕ rngôch kuăl amoh Brah Yêhôva da dê, Du ai pah kan ma Păng ndrel n'grŭp.

Sakari 13:2

Brah Yêhôva ma phung tahan lah: “Tâm nar nây, Gâp mra ƀư kloh lĕ amoh lĕ rngôch rup brah tâm bri dak aơ, bu mâu mra hôm kah gĭt ôh ma khân păng. Gâp mra mprơh nsot lơi phung nơm mbơh lor jêh ri brah ƀơ̆ ƀơch du bơh bri aơ.

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Sakari 8:20

Brah Yêhôva ma phung tahan lah: “Âk ntil mpôl bunuyh jêh ri phung gŭ tâm âk rplay ƀon toyh mra văch;

Sakari 8:23

Brah Yêhôva ma phung tahan lah: “Tâm âk nar nây, mra geh jât nuyh tă tâm ntil mpôl bunuyh nau ngơi êng êng, kuăn rdâng ta ntôr ao du huê Yuđa, jêh ri lah pô aơ: ‘Ăn hên hăn ndrel ma khân may, yorlah hên geh tăng pô aơ Brah Yêhôva gŭ ndrel ma khân may.’”

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Malachi 1:14

“Di ma nau rtăp rak ma nơm mƀruh nchơt! Tâm phung mpô mpa păng geh mpa nkuăng ueh nau păng ton jêh, ƀiălah păng nkhơng djôt leo mpô mpa kuet rvĕn jêng mpa ƀư brah nhhơr ăn ma Kôranh Brah!” Brah Yêhôva ma phung tahan lah: “Yorlah Gâp jêng nơm Hađăch Dŭt Toyh, amoh Gâp jêng khư ma nau klach ta nklang lĕ bri dak.”

Nau Vay Nkah Tay 32:38

Phung brah sa ngi mpa ƀư brah Jêh ri nhêt ndrănh ndơ nhhơr nhêt ntŭk êp? Kuăl phung brah nây dâk gay kơl khân may Jêh ri king n'gang khân may!

I Timôthê 2:8

Pôri, gâp ŭch ma phung bu klâu tâm lam ntŭk yơr ti kloh ueh klơ trôk gay mbơh sơm da dê, mâu ji nuih jêh ri tâm djrel.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”