Sôphôni 2:10 - Nau Brah Ndu Ngơi 2023

¹⁰ Nây jêng nau khân păng har plơng ma nau sưr khân păng, Yor khân păng hŏ mưch rmot jêh ri ngơi sưr rlau Tâm rdâng đah phung ƀon lan Brah Yêhôva ma phung tahan.

Sôphôni 2:10 Iomraidhean Croise

I Nau Rêh Jêng 16:21

Păng mâu ăn bu tŭn jot khân păng; Yor khân păng, Păng nduyh phung hađăch:

Nau Ngluh Êjipt 10:3

Y-Môis jêh ri Y-Arôn hăn tât ta Pharaôn jêh ri lah: “Brah Yêhôva jêng Brah Ndu phung Hêbrơ lah: ‘Ndah nâm jŏ may mâu ŭch ntrŭnh may nơm tanăp măt Gâp? Ăn phung ƀon lan Gâp hăn, gay ma khân păng dơi pah kan ma Gâp.

Nau Ngluh Êjipt 9:17

Tơlah may hôm brơl nkrŭl, mâu ăn ôh phung ƀon lan Gâp hăn,

Êsai 16:6

Hên tăng jêh nau sưr rlau phung Môap, Păng sưr ngăn! Păng hưn, sưr rlau jêh ri mưch bu; Nau păng ngơi hưn jêng dơm dam!

Yêrêmi 12:14

Brah Yêhôva lah: “Bi phung chiau meng mhĭk ngăn ma Gâp, lĕ phung sŏk rvan drăp ndơn Gâp ăn jêh ma phung ƀon lan Israel Gâp sŏk dơn, Gâp mra rôk khân păng bơh neh khân păng, jêh ri rôk ngih Yuđa du luh bơh khân păng.

Yêrêmi 48:14

Mâm khân may dơi lah: ‘Hên jêng phung janh nănh, Jêng phung tahan ktang ntŭk tâm lơh’?

Yêrêmi 48:29

He tăng jêh nau sưr ma bri Môap — Păng sưr rlau hâu ngăn — Ma nau mĭn klơ ir, nau sưr, dăng mưch, Jêh ri nuih n'hâm sưr n'hao êng păng nơm.”

Nau Nhĭm Vơl 1:9

Nau ƀơ̆ ƀơch păng krêp tâm nah bŭt păng; Păng mâu mĭn ôh ma nar kăndơ̆; Păng lĕ tŭp jêng mha ngăn Mâu geh nơm bonh leng păng ôh! “Ơ Brah Yêhôva, uănh hom ma nau rêh ni gâp, Yorlah phung rlăng hŏ yơk n'hao êng păng nơm!”

Êsêkiêl 25:6

Yorlah Brah Yêhôva lah: ‘Yorlah may hŏ tap ti, ntrâm jâng, nuih n'hâm bêng ma nau gơm mưch jêh ri răm maak tâm rdâng đah bri neh Israel,

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Apdia 1:11

Ta nar may dâk uănh phung rlăng sŏk pit drăp ndơ păng Phung bu năch lăp tŭn jot tâm mpông ƀon păng Jêh ri ƀư nau tâm nchroh tâm pă ƀon Yêrusalem May jêng nâm bu du huê tâm phung khân păng.

Apdia 1:3

Nau sưr tă bơh nuih n'hâm may hŏ ndơm may nơm. May jêng nơm gŭ tâm trôm lŭ, Gŭ rêh tâm ntŭk prêh; May lah êng tâm nuih n'hâm may pô aơ: ‘Mbu dơi nklơ̆ gâp tŭp ta neh?’

Sôphôni 2:8

“Gâp hŏ tăng jêh nau Môap mưch rmot, Nau phung ƀon lan Ammôn suai rak; Khân păng mưch rmot phung ƀon lan Gâp, Ngơi sưr ma nau khân păng pit in bri dak phung ƀon lan Gâp.”

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.