Sôphôni 1:9 - Nau Brah Ndu Ngơi 2023

⁹ Ta nar nây tâm ban lĕ, Gâp mra tâm rmal Lĕ rngôch phung nsăt rlau mbong vâl, Jêh ri phung ƀư ma ngih kôranh khân păng Bêng ma nau djơh mhĭk jêh ri nau ndơm.”

Sôphôni 1:9 Iomraidhean Croise

Nêhêmi 5:15

Ƀiălah phung kôranh chiă uănh hŏ tât lor ma gâp, phung nây hŏ bun kan jâk jêr klơ phung ƀon lan, kêh ăn ndơ sông sa jêh ri ndrănh êng pa meng n'gul kilô prăk. Phung oh mon khân păng tŭn jot ma phung ƀon lan đŏng. Ƀiălah gâp mâu ƀư pônây ôh, yorlah klach yơk ma Brah Ndu.

Nau Hôr 29:12

Tơlah kôranh chiă uănh iăt nau ngơi mƀruh, Pôri lĕ rngôch phung oh mon păng jêng djơh.

Yêrêmi 5:27

Ngih vâl khân păng bêng ma nau mƀruh nchơt, Nâm bu ndrung bêng sĭm; Yor ri khân păng jêng ndrŏng geh jêh ri geh nau dơi,

Amôt 3:10

Brah Yêhôva lah: “Khân păng mâu gĭt ƀư nau sŏng ôh; Khân păng bun bêng drăp ndơ mhĭk ƀai jêh ri ƀư nau ntŭng tâm lĕ pôih toyh khân păng.”

Mika 6:12

Yorlah phung ndrŏng ƀon aơ bêng ma nau ƀai, Phung ƀon lan păng jêng phung ngơi mƀruh Jêh ri mpiăt vay ndơm gŭ tâm trôm mbung khân păng.

Sakari 5:6

Gâp ôp: “Moh ndơ nây?” Păng plơ̆ lah: “Nây jêng du mlâm bĭ dôl du luh.” Păng lah đŏng: “Nây jêng nau tih bơh ƀon lan lam bri neh.”

Kôranh Oh Mon 16:19

Ƀiălah dôl phung kôranh bu ur nây saơ mâu hôm geh nau joi âk prăk đŏng ôh, nhŭp Y-Pôl ndrel ma Y-Silas, têk khân păng tât ta nkual toyh jao ma phung kôranh chiă uănh.

Phung Kôranh Phat Dôih 19:27

Sai păng dâk bê̆ch dôl ơm ôi jêh ri pơk mpông ngih gay hăn trong jêh ri saơ ur yông păng gŭ lâng bê̆ch ta mpông ngih, bar ti păng ta klơ kađar lăp mpông sâng.

I Samuel 5:5

Yor nây, tât nar aơ, phung kôranh ƀư brah Dagôn, jêh ri lĕ rngôch mbu lăp tâm ngih brah Dagôn der da dê mâu dơi jot ôh jâng klơ kađar lăp mpông sâng ngih brah Dagôn tâm Asdôt.