Sôphôni 1:8 - Nau Brah Ndu Ngơi 2023

⁸ Tâm nar Brah Yêhôva nhhơr mpa ƀư brah, Gâp mra tâm rmal phung kôranh chiă uănh, phung kon bu klâu hađăch Jêh ri lĕ rngôch phung nsoh kho ao bu năch.

Sôphôni 1:8 Iomraidhean Croise

II Phung Hađăch 10:22

Y-Jêhu lah ma nơm mât mray ao nau rƀŭn: “Ƀơk hom ao rƀŭn ma lĕ rngôch phung yơk mbah ma brah Baal.” Păng ƀơk ao rƀŭn ma khân păng.

Êsai 10:12

Ƀiălah dôl Kôranh Brah hŏ ƀư jêh lĕ kan Păng ta klơ yôk Siôn jêh ri ta ƀon Yêrusalem, Păng lah: “Gâp mra tâm rmal lĕ nau kan nuih n'hâm n'hao êng jêh ri măt nau hưn n'hao êng nơm hađăch Asiri.

Êsai 2:6

Nanê̆, May hŏ dun jêh phung ƀon lan May jêng ngih Yakôb. Yorlah khân păng bêng ma nau rƀên bơh mpeh Luh Nar, Jêh ri ƀư n'hŭm nâm bu phung Philistin, Khân păng lŏ tâm rnglăp đah phung bu năch mâu chroh.

Êsai 24:21

Tâm nar nây, Brah Yêhôva mra tâm rmal Phung tahan gŭ ta klơ lĕ ndâr trôk prêh, Jêh ri phung hađăch neh ntu gŭ tâm dâng neh nây.

Êsai 39:7

‘Tâm phung kon may, phung bu deh jêh ăn ma may, ƀaƀă bu mra nhŭp djôt leo khân păng mra jêng phung kôranh bu char tâm ngih hađăch Babilôn.’”

Habakuk 1:10

Khân păng mưch ma phung hađăch Jêh ri ntêh rmot ma phung kôranh chiă uănh. Khân păng gơm mưch ma lĕ rngôch pôih nâp, Jêh ri n'hao bun neh nchueng jŭm jêh nây sŏk pit in ƀon toyh.

Nau Vay Nkah Tay 22:5

Du huê bu ur mâu dơi nsoh kho ao bu klâu ôh, bu klâu mâu lĕ dơi nsoh kho ao bu ur, yorlah mbu nơm ƀư nau nây jêng nơm dŭt ƀơ̆ ƀơch đah Yêhôva Brah Ndu.