Sôphôni 1:5 - Nau Brah Ndu Ngơi 2023

⁵ Gâp mra nkhĭt lĕ phung chon mbah ta klơ chor ngih Jêh ri yơk mbah ma tahan tâm trôk, Phung yơk mbah jêh ri sơm ton đah Brah Yêhôva, Jêh nây sơm ton đŏng yor tă hađăch khân păng,

Sôphôni 1:5 Iomraidhean Croise

I Phung Hađăch 11:33

Yorlah khân păng hŏ chalơi jêh Gâp gay yơk mbah ma brah bu ur Astarôt phung Sidôn, brah Chêmôs phung Môap, jêh ri brah Milkôm phung Ammôn. Khân păng mâu chuat hăn ôh tĭng nâm lĕ trong Gâp gay ƀư nau di tanăp măt Gâp, jêh ri mâu đŏng djôt prăp lĕ nau vay dăp jêh ri lĕ nau vay ƀư bơh Gâp nâm bu Y-Đavit, chô yau khân păng.

I Phung Hađăch 11:5

yorlah Y-Salômôn hăn tĭng ndô̆ brah bu ur Astarôt phung Sidôn jêh ri tĭng brah Milkôm, jêng brah dŭt mhĭk tâm phung Ammôn.

I Phung Hađăch 18:21

Y-Êli văch tât lor panăp phung ƀon lan jêh ri lah: “Khân may tâm nchrĭng hăn bar mbor kŏ tât ndah jŏ? Tơlah Brah Yêhôva jêng Brah Ndu, tĭng ndô̆ hom Păng; bi tơlah Baal jêng Brah Ndu, tĭng ndô̆ hom păng rĭ.” Ƀiălah phung ƀon lan mâu ngơi.

II Phung Hađăch 17:32

Khân păng klach yơk ma Brah Yêhôva, ƀiălah săch phung bơh khân păng jêng kôranh ƀư brah ta lĕ ntŭk prêh klơ; yor khân păng phung kôranh ƀư brah nây nhhơr ndơ ƀư brah tâm lĕ ntŭk yơk mbah ta ntŭk prêh klơ.

II Phung Hađăch 17:33

Phung mpôl băl bunuyh nây klach yơk ma Brah Yêhôva, ƀiălah pah kan ma brah êng khân păng nơm tâm ban lĕ, tĭng nâm nau vay ơm phung mpôl băl bunuyh êlor khân păng ƀư dĭk bu.

II Phung Hađăch 17:41

Pônây, phung ntil mpôl bunuyh aơ klach yơk ma Brah Yêhôva, jêh ri tâm ban lĕ khân păng yơk mbah ma lĕ rup brah khân păng trah jêh. Mâm nau phung chô yau khân păng ƀư, pôri phung kon sau khân păng ăt ƀư tâm ban pônây lĕ tât ma nar aơ.

II Phung Hađăch 23:12

Hađăch Jôsia ƀư rai lơi lĕ nơng ƀư brah phung hađăch Yuđa hŏ ƀư jêh ta klơ chor bôk phok jrô prêh klơ ma Y-Ahas. Bi lĕ nơng ƀư brah Y-Manasê ƀư jêh tâm bar nkual ngih Brah Yêhôva, păng ƀư rai lơi, mbang nchah lơi hăch rhên jêh ri mƀăr ndơ chah hăch môi nây tâm n'hor dak Kidrôn.

Êsai 22:1

Nau mbơh lor ma rlŭng nau tâm saơ: Moh nau tât ma khân may, Kŏ lĕ rngôch khân may hao ta klơ chor ngih da dê?

Êsai 44:5

Nơm aơ mra lah pô aơ: ‘Gâp jêng ndơ Brah Yêhôva;’ Nơm êng tâm amoh păng nơm ma amoh Yakôb, Nơm êng đŏng nchih ta ti păng nơm pô aơ: ‘Gâp jêng ndơ Yêhôva’ Jêh ri mbơh tâm amoh păng nơm ma amoh Y-Israel.”

Êsai 45:23

Gâp hŏ tâm amoh Gâp nơm ton Nau ngơi sŏng srăng luh jêh bơh bâr mbung Gâp Mâu mra plơ̆ sĭt ôh; Lĕ rngôch kômâk mra chon mon tanăp Gâp, Jêh ri lĕ rngôch mpiăt mra ton săk tâm amoh Gâp.

Êsai 48:1

Iăt hom nau aơ, Ơ ngih Yakôb, Jêng phung bu rnha ma amoh Israel, Luh tơm bơh Y-Yuđa, Jêng phung ton săk tâm amoh Brah Yêhôva, Jêh ri vơh vơl ma Brah Ndu phung Israel, Ƀiălah mâu geh nuih n'hâm nanê̆ ngăn jêh ri sŏng srăng ôh.

Yêrêmi 12:16

Tơlah khân păng gơih nti trong ƀon lan Gâp, ton tâm amoh Gâp pô aơ: ‘Ngăn yơh Brah Yêhôva gŭ rêh mro mrăng!’ — nâm bu phung khân păng hŏ nti ăn ma ƀon lan Gâp ton tanăp brah Baal — pôri nôk nây khân păng mra dơi nâp ta nklang phung ƀon lan Gâp.

Yêrêmi 19:13

Ngih vâl ƀon Yêrusalem jêh ri lĕ rngôch ngih phung hađăch Yuđa, nây jêng lĕ rngôch ngih bu hŏ su jêh ndơ ƀâu kah yơk mbah ma lĕ mănh tâm trôk jêh ri hŏ ƀư ndơ nhhơr nhêt ăn ma lĕ brah êng ta klơ chor ngih, bu mra ƀư ƀơ̆ da dê tâm ban Tôphet.’”

Yêrêmi 32:29

Phung Kaldê dôl rduh tâm lơh đah ƀon aơ mra văch tât su ƀon aơ, su rai lơi lĕ ngih bu nhhơr ndơ ƀâu kah ma brah Baal ta klơ chor jêh ri ƀư ndơ nhhơr nhêt ăn ma brah êng, gay nsônh nuih Gâp.

Yêrêmi 4:2

Tơlah may tâm amoh ‘Brah Yêhôva gŭ rêh mro mrăng’ Sŏk nau ton n'hêl nanê̆, nau di jêh ri nau sŏng srăng, Pôri lĕ rngôch bri dak Păng mra dơi ăn nau ueh uĭn Jêh ri dơi geh nau chrêk rmah tâm Păng.”

Yêrêmi 49:1

Brah Yêhôva lah ma phung kon Ammôn kơt aơ: “Di lĕ phung Israel mâu geh kon bu klâu, Mâu hôm geh bunuyh ndơn drăp hĕ? Pônây, mâm ƀư brah Malkôm pit in phung Gat ƀư drăp ndơn, Phung ƀon lan păng gŭ tâm ƀon toyh Gat?”

Yêrêmi 5:2

Nđâp lah khân păng ngơi: ‘Nanê̆ nâm bu Brah Yêhôva gŭ rêh mro mrăng!’ Khân păng ăt ton mbruh!”

Yêrêmi 5:7

“Mâm ƀư Gâp dơi yô̆ an ma may? Lĕ phung kon bu klâu may hŏ chalơi Gâp, Tâm amoh lĕ brah mâu di jêng brah ton ôh. Gâp hŏ mât khân păng hơm mpay, Khân păng ăt ƀư tih văng tĭr, Rgum mbŭch tâm ngih bu ur văng tir.

Yêrêmi 7:10

Mâm khân may hăn lăp ngih aơ, jêng ntŭk bu ntơ ma amoh Gâp, dâk tanăp Gâp jêh ri lah: “Hên hŏ dơi rklaih jêh!” Khân may ƀư pônây gay ƀư tih tay đŏng lĕ ntil nau tâm rmot nây.

Yêrêmi 7:9

Mâu di hĕ khân may ntŭng, nkhĭt bunuyh, ƀư tih văng tĭr, ton mƀruh, nhhơr ndơ ƀâu kah ăn ma brah Baal, tĭng ndô̆ brah êng, jêng brah khân may mâu gĭt lĕ?

Yêrêmi 8:2

Bu mra ih lĕ nting nây tâm dâng nar, khay, jêh ri lĕ rngôch mănh klơ trôk khân păng hŏ rŏng kơnh, pah kan, hăn tĭng ndô̆, dăn lup, jêh ri yơk mbah. Lĕ nting nây mâu mra dơi rgum tay, ăt mâu dơi tâp ƀiălah mra jêng nâm bu ŭnh buh ta klơ măt neh.

Ndrom Samƀŭt bơh Ôsê 10:2

Nuih n'hâm khân păng pă bar; Aƀaơ khân păng mra geh nau tih jêh. Kôranh Brah mra ƀư rai lơi nơng ƀư brah, Jêh ri ƀư rai n'gâng ƀư brah khân păng.

Ndrom Samƀŭt bơh Ôsê 4:15

Hơi phung Israel, nđâp lah khân may ƀư nau ka n'hong, Mâu lĕ ăn phung Yuđa ƀư tih ôh! Pôri lơi ta lăp ôh ta ƀon Gilgal! Lơi ta hao ma ƀon Bet-Aven! Lơi ta sơm ton tâm amoh ‘Brah Yêhôva gŭ rêh mro mrăng’.

Amôt 5:26

Pôri khân may lŏ tung Sikut, brah hađăch khân may, Jêh ri Kaiwan, brah mănh khân may Pôri yơh khân may hŏ ƀư ma khân may nơm.

Mathay 6:24

“Mâu geh mbu nơm dơi pah kan ma bar hê kôranh; yorlah mra tâm rmot ma kôranh aơ jêh ri rŏng ma kôranh ri, mâu lah yơk ma kôranh aơ jêh ri mưch ma kôranh êng. Khân may mâu dơi ôh pah kan ƀă ma Brah Ndu jêh ri pah kan ƀă ma prăk ndô ndơ ôh.

Kôranh Oh Mon 10:9

Ôi taơ, tâm nôk pe bunuyh nây hăn trong, dăch tât ta ƀon, ri mơ Y-Pêtrôs hao ta klơ chor ngih gay mbơh sơm, nôk nây, di tâm nar nklang bôk.

Samƀŭt Pôl Njuăl Ăn Ma Phung Nsing Ta Ƀon Rôm 14:11

Yorlah nau nchih: “Kôranh Brah lah: Nanê̆ ngăn Gâp gŭ rêh mro mrăng, lĕ rngôch kômâk mra chon mon tanăp Gâp, Jêh ri lĕ rngôch mpiăt mra tâm rnê ma Brah Ndu.”

Nau Vay Nkah Tay 10:20

Ăn khân may klach yơk ma Yêhôva Brah Ndu khân may, pah kan ma Păng, gŭ êp Păng jêh ri khân may mra ton ma amoh Păng.

Nau Vay Nkah Tay 4:19

Lah khân may n'gơr măt klơ trôk, jêh ri khân may saơ nar, khay, lĕ mănh mbing, lĕ rngôch phung tahan tâm trôk, lơi ăn bu đŏt rdu khân may chon mbah mâu lah yơk mbah ma khân păng, yorlah ndơ nây knŏng jêng ndơ Yêhôva Brah Ndu khân may hŏ ăn jêh ma lĕ rngôch phung ƀon lan gŭ tâm dâng neh.

Yôsuê 23:7

Lơi tâm rlŭk ôh đah phung ndŭl mpôl hôm e ta nklang khân may, lơi ta kuăl amoh phung brah khân păng mâu lah sŏk amoh phung brah gay ton săk, jêh ri lơi pah kan mâu lah chon mon mbah panăp phung brah khân păng.