Sôphôni 1:18 - Nau Brah Ndu Ngơi 2023

¹⁸ Nđâp ma prăk mâu lah mah khân păng Kŏ mâu dơi đŏng tâm rklaih khân păng Tâm nar Brah Yêhôva ji nuih. Ƀiălah tâm lam neh ntu mra geh ŭnh ntôn bơh Păng su ntrŭt, Yorlah Păng mra ƀư rai lĕ rngôch phung gŭ ta klơ neh ntu Ma nau krit toyh ngăn!”

Sôphôni 1:18 Iomraidhean Croise

Nau Ntơm 6:7

Brah Yêhôva lah: “Gâp mra ƀư rai ƀhiau mpôl bunuyh bơh klơ neh, jêng ndơ Gâp hŏ njêng jêh, ntơm bơh kon bunuyh tât ma ntil mpô mpa, ntil mpô mpa vơr, ntil sĭm klơ trôk, yorlah Gâp nduyh tôr hŏ njêng jêh khân păng.”

I Phung Hađăch 14:22

Phung Yuđa ƀư nau mhĭk tanăp măt Brah Yêhôva. Yor tă nau tih khân păng hŏ ƀư tih, khân păng nsônh Brah Yêhôva ji nuih, rmeh lơn ma phung chô yau khân păng hŏ ƀư jêh.

Ndrom Samƀŭt bơh Yôp 21:30

‘Tâm nar rêh ni phung ƀai dơi klaih bơh nau mhĭk tât, Jêh ri tâm nar geh nau ji nuih mâm păng dơi klaih săk jăn’?

Ndrom Samƀŭt bơh Yôp 3:15

Mâu lah ndrel phung kôranh chiă uănh N'hanh prăk mah bun bêng ngih khân păng.

Nau Mprơ Ơm 78:58

Khân păng nsônh nuih Kôranh Brah yor lĕ ntŭk prêh, Ƀư ma Păng ji nuih yor lĕ rup trah.

Nau Mprơ Ơm 79:5

Ơ Brah Yêhôva! Ndah jŏ? May mra ji nuih mro mrăng lĕ? Nau May ntôn mra hit nâm bu ŭnh sa boh?

Nau Hôr 11:4

Drăp ndơ mâu geh ôh nau khlay ta nar nau ji nuih, Ƀiălah nau sŏng srăng tâm rklaih bơh nau khĭt.

Nau Hôr 18:11

Drăp ndơ bunuyh ndrŏng jêng pôih nâp ngăn ma păng, Jêng pêr prêh tâm nau mĭn lor bơh nơm nây.

Êsai 1:24

Yor nây, Kôranh Brah jêng Brah Yêhôva ma phung tahan, Nơm Nau Brah Israel lah: “Ơ! Nuih n'hâm Gâp mra maak rmal ma phung tâm rdâng đah Gâp, Jêh ri plơng bôk phung rlăng đah Gâp.

Êsai 10:17

Nau ang phung Israel mra jêng ŭnh, Nơm Kloh Ueh khân păng mra jêng du mpiăt ŭnh, Mra su ma ŭnh jêh ri su lơi rtau lok jêh ri pih pŭm Knŏng tâm du nar.

Êsai 10:3

Moh nau khân may mra ƀư tơlah tât nar tâm rmal, Lah nau ƀư rai tât ma khân may bơh ngai? Ntŭk êp khân may mra du gay ma geh nau kơl? Ta ntŭk khân may mra prăp nau ndrŏng khân may?

Yêrêmi 7:20

Yor nây, Kôranh Yêhôva lah: “Aơ, nau ji nuih Gâp, nau ji nuih Gâp, mra nkhŭt jŭr ntŭk aơ, ta klơ bunuyh jêh ri mpô mpa, ta klơ tơm si tâm mir jêh ri kao play neh; nau ji nuih nây mra hit gring gring, mâu dơi buh nhhât ôh.”

Yêrêmi 7:34

Aƀaơ, Gâp mra ƀư lĕ ƀon Yuđa jêh ri rŏ trong Yêrusalem rlu bâr troh răm maak, bâr bu klâu ntơm nsông ur jêh ri bâr bu ur nđăp ma sai, yorlah neh aơ mra jêng ntŭk rngol.”

Yêrêmi 9:11

“Gâp mra ƀư ƀon Yêrusalem jêng mbŭch bun ndơ rai jêh, Jêng trôm so bri; Jêh ri ƀư ăn lĕ ƀon Yuđa jêng rngot njăp, Mâu geh bunuyh gŭ ôh.”

Êsêkiêl 16:38

Gâp mra tâm rmal ay nâm bu tâm rmal ma phung bu ur ƀư tih đah sai jêh ri ƀư pling mham. Gâp mra sŏk mham nau Gâp ji nuih jêh ri ntôn grang ƀư pling mham ta klơ bôk ay.

Êsêkiêl 23:25

Gâp mra hao ntôn tâm rdâng đah ay jêh ri khân păng mra phat dôih ay tâm nau ji nuih ngăn. Khân păng mra koh trôm muh jêh ri ti ay; bi phung hôm e klen tâm ay mra cha lôt yor ma đao. Khân păng mra nhŭp kon bu ur kon bu klâu ay; phung ay hôm e klen tâm ay ŭnh mra sa rvăn.

Êsêkiêl 7:11

Nau janh ƀai hŏ văch jêh nâm bu mâng nau mhĭk; mâu geh du huê bunuyh tâm phung khân păng hôm e klen, mâu hôm geh âk bunuyh, mâu hôm geh nau ndrŏng kuăng, mâu hôm geh nau khlay ta nklang khân păng.

Êsêkiêl 7:19

Khân păng mƀăr lơi prăk khân păng tâm trong toyh, mah khân păng jêng ndơ ƀơ̆ ƀơch. Prăk mâu lah mah ăt mâu dơi tâm rklaih ôh khân păng tâm nar Brah Yêhôva ji nuih. Khân păng mâu dơi ƀư ma khân păng bah ji ngot mâu hơm ndŭl yorlah nây jêng ndơ ƀư ăn ma khân păng tŭp tâm nau tih!

Êsêkiêl 7:5

Yêhôva Brah Ndu lah: ‘Nau mhĭk tât, dôl du nau mhĭk krit toyh tât!

Sôphôni 1:11

Hơi phung gŭ tâm Ƀon Tâm Dâng, nhĭm nter hom! Yorlah lĕ rngôch phung tăch rgâl mâu hôm đŏng ôh, Jêh ri phung njing prăk lĕ rai yot jêh.

Sôphôni 1:15

Nar nây jêng nar nau ji nuih, Nar nau mhĭk tât jêh ri nar rêh ni, Nar ƀư rai jêh ri jêng rngol, Nar ngo klĕng jêh ri rngot ngăn, Nar geh ndâr tŭk jêh ri gui nkâm,

Sôphôni 2:2

Êlor ăn tât ma nau ntĭnh, Nar mông rlau tât nâm bu lâk sial đô̆; Êlor nau Brah Yêhôva ji nuih Tât ma khân may; Êlor nar Brah Yêhôva ji nuih Tât ma khân may.

Sôphôni 3:8

Yor nây, Brah Yêhôva lah: “Gŭ kâp hom Gâp, Kŏ tât nar Gâp mra dâk mbơh ăn jêng nanê̆; Yorlah Gâp hŏ mĭn jêh tâm rgum lĕ mpôl băl bunuyh Jêh ri plơ̆ rgum tay lĕ bri hađăch, Gay nkhŭt ta khân păng nau ji nuih, Nây jêng lĕ rngôch nau Gâp ji nuih hâu ngăn, Yorlah lĕ rngôch bri dak mra rai lôch. Ma ŭnh nau Gâp ntôn.

Mathay 16:26

Moh nau khlay tơlah du huê bunuyh geh lĕ neh ntu ƀiălah roh huêng păng nơm? Moh ndơ bunuyh nây mra sŏk gay rgâl huêng păng nơm?

I Kôrintô 10:22

Mâu lah he ŭch ƀư ma Kôranh Brah ntôn lĕ? He ktang lơn ma Păng lĕ?

Nau Vay Nkah Tay 31:17

Tâm nar nây, Gâp mra ji nuih ma khân păng. Gâp mra chalơi khân păng jêh ri pôn muh măt Gâp ma khân păng, bu mra kăp rvăn khân păng kđôi jêh ri âk ntil nau mhĭk, nau uh ah tât ma khân păng. Tâm nar nây, khân păng mra lah: ‘Mâu di hĕ nau mhĭk aơ tât ma gâp yorlah Brah Ndu mâu ŭch gŭ ta nklang gâp mâu?’