Sôphôni 1:17 - Nau Brah Ndu Ngơi 2023

¹⁷ Gâp mra leo nau rêh ni tât ma phung bunuyh; Khân păng mra chuat hăn nâm bu bunuyh chieh măt, Yorlah hŏ ƀư tih jêh đah Brah Yêhôva; Mham khân păng mra nkhŭt nâm bu neh muy, Jêh ri proch ôm hăch nâm bu ek.

Sôphôni 1:17 Iomraidhean Croise

Nau Mprơ Ơm 83:10

Jêng phung bu ƀư nkhĭt ta Ên-Dôr Jêh ri jêng ek ma neh.

Êsai 29:10

Yorlah Brah Yêhôva hŏ nkhŭt brah bê̆ch hăk ma khân may; Păng hŏ nsêt jêh măt khân may jêng phung nơm mbơh lor, Păng nkŭm jêh bôk khân may, jêng phung geh nau tâm saơ.

Êsai 50:1

Brah Yêhôva lah: “Ta ntŭk pŏk samƀŭt tâm chalơi ur sai mê̆ may Ma samƀŭt nây Gâp chalơi jêh păng? Mâu lah tâm phung tơm rnon ma Gâp Mbu moh Gâp tăch khân may? Aơ, yor nau kue may yơh dĭng bu tăch khân may; Yor nau khân may ƀư tih rĭ dĭng bu chalơi jêh mê̆ khân may.

Yêrêmi 10:18

Yorlah Brah Yêhôva lah pô aơ: “Ri, tơ̆ aơ Gâp mra mƀăr lơi bunuyh ƀon lan tâm neh aơ hăn ngai, Gâp mra ăn khân păng rêh ni, Gay khân păng kah gĭt.”

Yêrêmi 15:3

Brah Yêhôva lah: “Gâp mra nkhŭt ta klơ khân păng puăn ntil nau mhĭk tât: đao gay ƀư nkhĭt, so gay sa hêk săk jăn, sĭm klơ trôk jêh ri mpô mpa bri ta klơ neh gay sa rvăn jêh ri ƀư rai.

Yêrêmi 18:21

Yor nây, dăn May jao kon sau khân păng ăn ma nau sât ji ngot, Jêh ri jao khân păng ma pêh đao. Phung bu ur mra roh kon jêh ri jêng ndrô, Phung bu klâu khĭt yor ji tưp, Phung mom ndăm cha lôt khĭt ma pêh đao ta nklang ntŭk tâm lơh.

Yêrêmi 2:17

Mâu di hĕ may nơm hŏ ƀư êng nau nây ăn ma may nơm Yorlah hŏ chalơi Yêhôva Brah Ndu, Dôl Păng njŭn may ta rŏ trong nây?

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Yêrêmi 3:25

Hên di ma lâng bê̆ch tâm nau bêk prêng, Ntâk klơ hên nau bêk prêng. Yorlah lĕ rngôch hên nđâp ma chô yau hên Hŏ ƀư tih đah Yêhôva Brah Ndu da dê; Ntơm bơh hôm mom ndăm tât aƀaơ, Phung hên mâu ŭch iăt nau Yêhôva Brah Ndu hên.”

Yêrêmi 4:18

“Trong jêh ri nau kan may Hŏ ƀư ăn may lĕ nau nây. Nây jêng nau nglĕ dŭt rêh ni may, rngot ngăn ngên! Rngot ngăn ngên kŏ tât tâm trôm nuih n'hâm.”

Yêrêmi 8:2

Bu mra ih lĕ nting nây tâm dâng nar, khay, jêh ri lĕ rngôch mănh klơ trôk khân păng hŏ rŏng kơnh, pah kan, hăn tĭng ndô̆, dăn lup, jêh ri yơk mbah. Lĕ nting nây mâu mra dơi rgum tay, ăt mâu dơi tâp ƀiălah mra jêng nâm bu ŭnh buh ta klơ măt neh.

Nau Nhĭm Vơl 1:14

Nau tih gâp kât ta mâng mbăk Ti Păng nơm kât ndrel khân păng. Păng tŭn jâk ta trô ko gâp, Ƀư djoh nau dăng ktang gâp. Kôranh Brah hŏ jao gâp tâm ti khân păng, Jêng phung gâp mâu dơi tâm rdâng ôh!

Nau Nhĭm Vơl 1:18

“Brah Yêhôva jêng Nơm sŏng srăng, Yorlah gâp hŏ tâm rdâng jêh đah nau păng ntĭnh. Iăt hom, hơi lĕ rngôch phung ƀon lan, Uănh hom ma nau rêh ni gâp! Phung bu klâu ndăm, bu ur druh gâp Lĕ hăn ƀư bu nă jêh.

Nau Nhĭm Vơl 1:8

Ƀon Yêrusalem ƀư tih jâk jêr, Yor nây, lĕ jêng ƀơ̆ ƀơch jêh; Lĕ rngôch phung tă yơk ma păng aƀaơ ri gơm mưch ma păng, Yorlah khân păng saơ nau rhôk păng. Păng nơm vah vơl êng Jêh ri plơ̆ pôn muh măt.

Nau Nhĭm Vơl 2:21

Rŏ trong sâng, phung mom ndăm jêh ri phung bu ranh Lâng bê̆ch mbrach; Phung bu klâu ndăm bu ur druh gâp Cha lôt khĭt da dê yor ma chiông đao. May hŏ nkhĭt lơi jêh khân păng tâm nar ji nuih, Ƀư nkhĭt khân păng mâu geh nau yô̆ ôh.

Êsêkiêl 16:38

Gâp mra tâm rmal ay nâm bu tâm rmal ma phung bu ur ƀư tih đah sai jêh ri ƀư pling mham. Gâp mra sŏk mham nau Gâp ji nuih jêh ri ntôn grang ƀư pling mham ta klơ bôk ay.

Êsêkiêl 24:7

Yorlah mham păng pling jêh hôm e ta nklang păng; Păng pling mham nây ta klơ lŭ chrêk Mâu pling ôh ta neh Gay ăn ma ndruyh neh brôi lơi.

Êsêkiêl 24:8

Yor nau nây yơh gay ăn hao ji nuih jêh ri har plơng bôk Gâp lĕ pling jêh mham păng ta klơ lŭ chrêk, Kŏ tât păng mâu hôm dơi nkŭm đŏng ôh.’

Amôt 4:10

“Gâp njêng nau ji tưp tât ma khân may nâm bu tâm n'gor bri Êjipt. Gâp nkhĭt jêh phung bu klâu ndăm khân may ma đao Jêh ri seh khân may lĕ Gâp nhŭp jêh. Gâp hŏ ƀư nau ƀâu ôm tă bơh ntŭk khân may njơh, n'hôl tât ma trôm muh khân may. Ƀiălah khân may mâu lĕ ŭch plơ̆ sĭt ma Gâp.” Brah Yêhôva lah pônây.

Mika 7:13

Ƀiălah neh ntu phung rlăng mra jêng rngol Yor nau play tă bơh phung gŭ tâm păng ŭch ƀư.

Mathay 15:14

Ăn kđôi khân păng; khân păng jêng phung chieh măt njŭn trong. Tơlah du huê chieh măt njŭn du huê chieh măt, lĕ bar hê khân păng mra tŭp tâm ntu.”

Samƀŭt Pôl Njuăl Ăn Ma Phung Nsing Ta Ƀon Rôm 11:25

Hơi oh nâu, gâp ŭch ma khân may gĭt rbăng ma nau khlay ndâp aơ, gay ma khân may mâu kơp êng săk khân may nơm jêng blau mĭn, nây jêng: Du kô̆ tâm phung Israel dăng nuih n'hâm gay tât ta rnoh phung bu năch dơi lăp rĭng jêh.

Samƀŭt Pôl Njuăl Ăn Ma Phung Nsing Ta Ƀon Rôm 11:7

Mâm ƀư pônây? Phung Israel mâu dơi geh nau khân păng joi. Phung bunuyh dơi săch geh jêh nau nây, ƀiălah phung hôm plơ̆ jêng dăng nuih n'hâm,

II Kôrintô 4:4

Brah tâm rnôk aơ ƀư chieh măt nau mĭn ma phung bunuyh mâu chroh, gay khân păng mâu saơ nau ang Nau Mhe Mhan Ueh chrêk rmah tâm Brah Krist, jêng rup Brah Ndu.

II Pêtrôs 1:9

Yorlah mbu nơm pưt lĕ nau nĕ jêng bunuyh uănh ngai mâu saơ, bunuyh chieh măt, chuêl ma păng nơm geh jêh nau ƀư kloh bơh lĕ nau tih ơm.

I Yôhan 2:11

Ƀiălah mbu nơm tâm rmot ma oh nâu păng nơm jêng gŭ tâm nau ngo, chuat hăn tâm nau ngo jêh ri mâu gĭt ôh mbah ntŭk păng nơm hăn, yorlah nau ngo ƀư chieh jêh măt păng.

Nau Tâm Mpơl 3:17

May lah: ‘Gâp ndrŏng, gâp geh âk drăp ndơ, gâp mâu pưt ndơ ôh.’ Ƀiălah may mâu gĭt ma may nơm geh nau rêh ni, yô̆ nđach ngăn, o ach, chieh măt jêh ri rhôk.