Sôphôni 1:15 - Nau Brah Ndu Ngơi 2023

¹⁵ Nar nây jêng nar nau ji nuih, Nar nau mhĭk tât jêh ri nar rêh ni, Nar ƀư rai jêh ri jêng rngol, Nar ngo klĕng jêh ri rngot ngăn, Nar geh ndâr tŭk jêh ri gui nkâm,

Sôphôni 1:15 Iomraidhean Croise

Êsai 13:9

Aơ, nar Brah Yêhôva tât jêh, Jêng nar dŭt mhĭk, ma nau ji nuih jêh ri ji nuih hâu ngăn, Gay ăn bri neh jêng rngot njăp, Jêh ri ƀư rai phung tih bơh nây.

Êsai 22:5

Nanê̆ ngăn jêng du nar klach krit, nau tŭn jot jêh ri nau rlŭk rlăk, Dơi mpơl ta rlŭng nau tâm saơ Yorlah Kôranh Brah jêng Brah Yêhôva ma phung tahan; Mpêr ƀon ƀư rai jêh, Nau kuăl rklaih huy tât ta yôk.

Êsai 8:22

jêh nây khân păng kŭnh uănh ta neh ntu, ƀiălah knŏng saơ nau rêh ni jêh ri nau ngo, nau rngot klâng; bu mra nklơ̆ khân păng tâm nau ngo mbâl.

Yêrêmi 30:7

Rêh ni ngăn! Nar nây klach krit ngăn Mâu mâp geh nar tâm ban ma nar nây; Nây jêng rơh nau rêh ni tât ma phung Yakôb, Ƀiălah păng mra dơi rklaih bơh nar nây.’

Yôel 2:11

Brah Yêhôva ƀư nau Păng ngơi nteh huy tanăp phung tahan Păng, Yorlah pôih tahan Păng âk ngăn jêh ri âk ngăn ngên phung ƀư tĭng nau Păng ntăm ktang ngăn. Nar Brah Yêhôva toyh ngăn ngên jêh ri di ma klach ngăn, Mbu nơm dơi dơn?

Yôel 2:2

Nây jêng du nar ngo kleng chuê chuăng, Du nar tŭk krăk mbâl ngăn! Yorlah geh du phung mpôl bunuyh âk ngăn jêh ri ktang văch tât Luh nchrat lam jŭm yôk nâm bu ang ơm ôi; Ntơm bơh kăl e nau kơt nây mâu hŏ mâp geh, Jêh ri lĕ rngôch rnôk kăndơ̆ ăt mâu mra geh tâm ban pônây đŏng ôh.

Yôel 2:31

Nar mra plơ̆ jêng ngo klĕng, Khay chăng nâm bu mham Lor tât nar dŭt toyh jêh ri klach krit văch bơh Brah Yêhôva.”

Sôphôni 1:18

Nđâp ma prăk mâu lah mah khân păng Kŏ mâu dơi đŏng tâm rklaih khân păng Tâm nar Brah Yêhôva ji nuih. Ƀiălah tâm lam neh ntu mra geh ŭnh ntôn bơh Păng su ntrŭt, Yorlah Păng mra ƀư rai lĕ rngôch phung gŭ ta klơ neh ntu Ma nau krit toyh ngăn!”

Sôphôni 2:2

Êlor ăn tât ma nau ntĭnh, Nar mông rlau tât nâm bu lâk sial đô̆; Êlor nau Brah Yêhôva ji nuih Tât ma khân may; Êlor nar Brah Yêhôva ji nuih Tât ma khân may.

Mathay 24:29

Ƀât lât jêh lôch lĕ nar rêh ni nây, nar mra jêng ngo, khay mâu mra nchrat ang ôh, phung mănh mbing mra tŭp tă bơh trôk, jêh ri nau dơi ktang klơ trôk mra mpât n'gơ.

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

Nau Vay Nkah Tay 28:52

Khân păng mra nchueng jŭm khân may tâm lĕ rngôch ƀon kŏ tât mpêr ƀon prêh jêh ri dŭt nâp khân may rnơm mra rlâm. Khân păng mra nchueng jŭm lam n'gor Yêhôva Brah Ndu khân may ăn jêh ma khân may.

II Pêtrôs 3:7

Ƀiălah tă bơh nau ngơi nây đŏng trôk neh aƀaơ aơ prăp ma ŭnh, jêh ri prăp tay ma tât nar phat dôih jêh ri ƀư rai lôch phung mâu ƀư tĭng nau vay.

Nau Tâm Mpơl 6:17

yorlah nar phung Păng ji nuih toyh hŏ tât jêh, mbu nơm dơi gŭ tanăp nau nây?”