Sôphôni 1:14 - Nau Brah Ndu Ngơi 2023

¹⁴ “Nar toyh bơh Brah Yêhôva lĕ dăch tât jêh, Dăch ngăn jêh, păng tât gơnh ngăn ro. Geh bâr nter lah rêh ni ngăn tâm nar Brah Yêhôva, Nôk nây phung janh mra nter nhĭm tâm ban lĕ.

Sôphôni 1:14 Iomraidhean Croise

Êsai 15:4

Hêsbôn jêh ri Êlêaleh lŭng nter, Bu tăng bâr khân păng tât ta Jahas. Yor nây, phung tahan bri Môap lung nter; Huêng khân păng râm nsâr.

Êsai 33:7

Aơ, phung tahan janh ktang khân păng lŭng nter nhĭm padih trong, Phung mbơh ma nau đăp mpăn nhĭm rngot ngăn.

Êsai 66:6

Iăt hom, geh bâr drơu drơu bơh ƀon toyh, Geh nau nter bơh ngih brah, Păng jêng bâr Brah Yêhôva, Nơm plơng bôk ma phung rlăng đah Păng.

Êsai 8:22

jêh nây khân păng kŭnh uănh ta neh ntu, ƀiălah knŏng saơ nau rêh ni jêh ri nau ngo, nau rngot klâng; bu mra nklơ̆ khân păng tâm nau ngo mbâl.

Yêrêmi 25:36

Ri, nau lŭng nter phung chiăp biăp, Nau nhĭm vơl phung kôranh leo phung biăp! Yorlah Brah Yêhôva ƀư rai ndrêch gơ̆ khân păng,

Yêrêmi 30:7

Rêh ni ngăn! Nar nây klach krit ngăn Mâu mâp geh nar tâm ban ma nar nây; Nây jêng rơh nau rêh ni tât ma phung Yakôb, Ƀiălah păng mra dơi rklaih bơh nar nây.’

Yêrêmi 46:5

Mâm ƀư Gâp hŏ saơ jêh nau aơ? Khân păng klach ngăn jêh ri rŭch plơ̆; Phung tahan bu lơh rai lĕ jêh, Ngăch ma du ro, Khân păng mâu hôm plơ̆ n'gĭl pakơi ôh; Geh nau nkrit toyh jŭm chiau meng!” Brah Yêhôva lah pônây.

Yêrêmi 48:41

Bu ƀư rai ƀon toyh Kêriôt, Bu pit in lĕ rngôch pôih; Tâm nar nây, nuih n'hâm phung tahan bri Môap Nâm bu nuih n'hâm bu ur bê̆ch veng deh.

Êsêkiêl 12:23

Yor nây, mbơh hom ma khân păng: ‘Kôranh Brah Yêhôva lah: Gâp mra ƀư ăn lôch nau hôr nây, bu mâu mra dŏng păng đŏng ôh ƀư du nau hôr tâm bri Israel.’ Ƀiălah ngơi hom ma khân păng pô aơ: ‘Lĕ nar dăch tât jêh, lĕ nau tâm saơ mra jêng n'hêl nanê̆ ngăn!’

Êsêkiêl 30:3

Yor nar nây dăch jêh, Nar Brah Yêhôva hŏ dăch jêh, Jêng nar tŭk mbâl, Rơh nau mhĭk tât ăn ma lĕ rngôch mpôl bunuyh.

Êsêkiêl 7:12

Mông hŏ tât jêh, nar lĕ dăch jêh! Nơm rvăt lơi ta răm, nơm tăch lơi ta rngot ôh, yorlah nau ji nuih dôl gŭ ma lĕ rngôch phung âk.

Êsêkiêl 7:16

Đơ bunuyh hôm gŭ rêh klen mra nchuăt klaih jêh ri gŭ ta ka lơ yôk nâm bu plŭk gŭ tâm rlŭng, lĕ rngôch bunuyh nhĭm vơl da dê ma nau djơh mhĭk khân păng nơm.

Yôel 1:15

Ơ nar nây! Yorlah nar Brah Yêhôva dăch tât jêh. Păng tât nâm bu du nau ƀư rai văch tă bơh Nơm Geh Nau Brah.

Yôel 2:1

Uh hom nŭng jêh ri tâm ƀon Siôn, Uh hom ăn nteh klơ yôk kloh ueh Gâp! Ăn lĕ rngôch phung gŭ tâm n'gor bri râm nsâr! Yorlah nar Brah Yêhôva dăch tât, nar nây dăch jêh.

Yôel 2:11

Brah Yêhôva ƀư nau Păng ngơi nteh huy tanăp phung tahan Păng, Yorlah pôih tahan Păng âk ngăn jêh ri âk ngăn ngên phung ƀư tĭng nau Păng ntăm ktang ngăn. Nar Brah Yêhôva toyh ngăn ngên jêh ri di ma klach ngăn, Mbu nơm dơi dơn?

Yôel 2:31

Nar mra plơ̆ jêng ngo klĕng, Khay chăng nâm bu mham Lor tât nar dŭt toyh jêh ri klach krit văch bơh Brah Yêhôva.”

Yôel 3:14

Mpôl bunuyh âk ngăn, n'hêl nanê̆ jêng âk râk ngăn Tâm rlŭng Nau Phat Dôih! Yorlah nar Brah Yêhôva dăch jêh Tâm rlŭng Nau phat dôih.

Yôel 3:16

Brah Yêhôva mra rđuh bơh Siôn; Păng ƀư ăn nteh huy bâr Păng nơm luh bơh Yêrusalem. Lĕ ndâr trôk jêh ri lĕ rngôch neh ntu mpât n'găr da dê. Ƀiălah Brah Yêhôva jêng ntŭk nde ma phung ƀon lan Păng, Jêng pôih nâp ma phung ƀon lan Israel.

Amôt 8:2

Rnôk nây Păng lah: “Hơi Y-Amôt, moh may saơ?” Gâp lah: “Du bĭ play tơm si yan ta vai.” Brah Yêhôva lah tay ma gâp: “Nau nglĕ dŭt tât jêh ma phung ƀon lan Israel Gâp; Gâp mâu mra nhhuach ma khân păng ôh.

Sôphôni 1:10

Brah Yêhôva lah: “Tâm nar nây, Mra geh bâr nter huy bơh mpông pêr Ka, Nau nhĭm nter ta ntŭk Nkual Tal Bar, Nteh rlâm chah lĕ bơh phung yôk.

Sôphôni 1:7

Gŭ klăk klêm hom tanăp Kôranh Brah Yêhôva! Yorlah nar Brah Yêhôva hŏ dăch tât jêh; Brah Yêhôva hŏ ndrăp nkra jêh du mlâm mpa ƀư brah, Prăp êng ma phung bu năch Păng lĕ jă jêh.

Malachi 4:5

Aơ, Gâp mra njuăl nơm mbơh lor Y-Êli văch ma khân may êlor tât nar Brah Yêhôva jêng toyh jêh ri klach hâu ngăn.

Kôranh Oh Mon 2:20

Nar mra plơ̆ jêng ngo klĕng, Khay mra jêng mham Lor tât nar dŭt toyh jêh ri chrêk rmah Kôranh Brah.

Philip 4:5

Ăn hom lĕ rngôch bunuyh gĭt nau rdơ̆ rbăn khân may. Kôranh Brah văch dăch jêh!

I Têsalônik 4:16

Yorlah lah tât nau ăn jêh, ndrel ma bâr kuăl bơh kôranh tông mpăr, jêh ri bâr nŭng Brah Ndu, pô ri Kôranh Brah nơm mra jŭr văch tă bơh trôk. Nôk nây, phung bunuyh khĭt tâm Brah Krist mra dâk rêh tay lor lơn.

ហេឞ្រើ 12:26

Dôl nây bâr Nơm nây ngơi mpât n'gơ neh ntu, ƀiălah aƀaơ aơ Păng ton pô aơ: “Hôm du tơ̆ đŏng, Gâp mâu mra knŏng ƀư n'găr neh ntu dơm ôh, ƀiălah mra ƀư n'găr trôk đŏng.”

Yakơ 5:9

Hơi phung oh nâu, lơi tâm nduyh ndrăng khân may nơm, gay ma khân may mâu geh nau phat dôih; ri, Nơm phat dôih dôl dâk ta bôk mpông.

II Pêtrôs 2:3

Yorlah nuih n'hâm kơnh ir, khân păng dŏng lĕ nau ngơi mƀruh nchơt gay sŏk drăp nkhôm bơh khân may; nau phat dôih prăp ma khân păng ntơm bơh jŏ nar jêh ăt hôm khlay, jêh ri nau rai lôch prăp ma khân păng mâu gŭ rlu.