Sôphôni 1:13 - Nau Brah Ndu Ngơi 2023

¹³ Drăp ndơ khân păng bu mra sŏk pit, Ngih vâl bu mra chalơi rngot. Khân păng mra ndâk ngih ƀiălah mâu geh gŭ ôh, Tăm tơm krăk ƀâu ƀiălah mâu geh nhêt ôh dak ndrănh.”

Sôphôni 1:13 Iomraidhean Croise

Êsai 6:11

Gâp ôp, “Ơ Kôranh Brah, kŏ tât ndah jŏ?” Păng plơ̆ lah: “Kŏ tât âk ƀon toyh jêng rngot njăp, Mâu geh bunuyh gŭ ôh, Ngih mâu geh bunuyh gŭ, Jêh ri lĕ bri neh plơ̆ jêng rngol lĕ ƀhiau;

Yêrêmi 15:13

Drăp ndơ khlay khân may Gâp mra ăn phung rlăng ntŭng lĕ mâu mplơ̆ prăk, Yor lĕ rngôch nau tih khân may hŏ ƀư jêh Tâm lam nkual khân ay may.

Yêrêmi 17:3

Ơ yôk Gâp tâm mir, Gâp mra jao lĕ drăp ndơ, drăp ndơ khlay may ăn ma phung ntŭng Yor nau tih may hŏ ƀư ta klơ lĕ ntŭk prêh Tâm lam bri may nơm.

Yêrêmi 4:20

Nau ji tưp lơ hâu nau ji tưp, Lam n'gor rai ƀhiau. Vâl bok gâp ƀât lât bu ƀư rai lĕ, Bok nchăng sat lĕ tâm ƀât lât.

Yêrêmi 4:7

Yau mŭr hŏ luh tă bơh bri krŏng, Nơm ƀư rai lĕ bri dak hŏ hăn jêh, Hŏ du bơh ntŭk păng, Gay ƀư ăn bri dak may jêng rngot njăp; Lĕ rngôch ƀon toyh may rai ƀhiau Mâu hôm du huê bunuyh.

Yêrêmi 5:17

Khân păng mra sa lĕ ba jêh ri ndơ sông sa may, Sa kon bu klâu, kon bu ur may; Sa lĕ phung biăp phung ndrôk may, Sa tơm krăk ƀâu jêh ri tơm rvi may. Sŏk đao ƀư rai lĕ ƀon nâp may, May vay rnơm nsing!”

Yêrêmi 9:11

“Gâp mra ƀư ƀon Yêrusalem jêng mbŭch bun ndơ rai jêh, Jêng trôm so bri; Jêh ri ƀư ăn lĕ ƀon Yuđa jêng rngot njăp, Mâu geh bunuyh gŭ ôh.”

Yêrêmi 9:19

Yorlah geh nau nhĭm vơl bơh ma ƀon Siôn pô aơ: ‘Hên lĕ rai jêh! Hên prêng hâu ngăn yơh! Yorlah hên hŏ chalơi ntŭk gŭ; Ngih vâl hên bu hŏ ƀư rai jêh!’”

Nau Nhĭm Vơl 5:2

Drăp ndơn hên lĕ sĭt ma ti phung bu năch jêh, Ngih vâl hên jêng ndơ phung bu năch.

Êsêkiêl 22:31

Yor ri Gâp nkhŭt jêh nau ji nuih ta klơ khân păng, jêh ri Gâp sŏk ŭnh ji nuih su khân păng. Gâp hŏ ƀư jêh trong khân păng nkhŭt ta klơ bôk khân păng, Kôranh Brah Yêhôva lah pônây.’”

Êsêkiêl 7:19

Khân păng mƀăr lơi prăk khân păng tâm trong toyh, mah khân păng jêng ndơ ƀơ̆ ƀơch. Prăk mâu lah mah ăt mâu dơi tâm rklaih ôh khân păng tâm nar Brah Yêhôva ji nuih. Khân păng mâu dơi ƀư ma khân păng bah ji ngot mâu hơm ndŭl yorlah nây jêng ndơ ƀư ăn ma khân păng tŭp tâm nau tih!

Êsêkiêl 7:21

Gâp mra jao ndơ nây tâm ti phung bu năch jêng ndơ pit in tâm ban lĕ, ƀư ndơ ntŭng ăn ma bunuyh mhĭk tâm neh ntu, jêh ri khân păng mra ƀư ƀơ̆ păng.

Êsêkiêl 7:24

Gâp mra njŭn leo lĕ bunuyh mhĭk lơn tâm lĕ rngôch phung bu năch gay ŭch pit in ngih khân păng. Gâp mra ƀư ma nau sưr nơm ktang lơn bu mra nhhât; lơi; lĕ ntŭk kloh ueh khân păng mra ƀư ƀơ̆ lơi.

Amôt 5:11

Yorlah khân may tŭn jot bunuyh o ach, Jêh ri đă khân păng chê̆ pi ba ƀlê; Yor ri, lĕ ngih khân may ndâk ma lŭ trah Ƀiălah khân may mâu mra gŭ ôh, Khân may hŏ tăm jêh lĕ đang krăk ƀâu kah njŭng, Ƀiălah mâu mra nhêt ndrănh păng ôh.

Mika 3:12

Pônây, yor khân may Siôn bu mra chuar nâm bu lôk mir; Yêrusalem mra jêng du mbŭch rlâm rai, Jêh ri yôk ngih brah mra jêng nâm bu yôk bri krŏng!

Mika 6:15

May mra srih ƀiălah mâu geh ôh rek; May mra păt dak ngi ôlive ƀiălah mâu geh mhĭng dak ƀâu kah; May mra jot dak krăk ƀâu ƀiălah mâu geh ôh nhêt ndrănh.

Sôphôni 1:9

Ta nar nây tâm ban lĕ, Gâp mra tâm rmal Lĕ rngôch phung nsăt rlau mbong vâl, Jêh ri phung ƀư ma ngih kôranh khân păng Bêng ma nau djơh mhĭk jêh ri nau ndơm.”

Nau Vay Nkah Tay 28:30

Khân may mra văng ndrôi đah du huê bu ur, ƀiălah du huê bu klâu êng mra bê̆ch ndrel đah păng. Khân may mra ndâk du mlâm vâl, ƀiălah khân may mâu mra gŭ ôh tâm vâl nây; khân may tăm đang krăk ƀâu ƀiălah mâu geh sa play păng ôh.

Nau Vay Nkah Tay 28:39

Khân may mra tăm jêh ri mât đang krăk ƀâu ƀiălah mâu geh play gay pĕ jêh ri ndrănh gay nhêt, yorlah ndrŭng mra sa lĕ jêh.

Nau Vay Nkah Tay 28:51

Khân păng mra sa mpô mpa rong, play kao bơh neh khân may kŏ tât khân may rai lôch. Khân păng mâu mra lơi ôh ma khân may ba, ndrănh, dak ngi, ndrôk kon mâu lah biăp kon kŏ tât khân may rai lôch.