Sôphôni 1:12 - Nau Brah Ndu Ngơi 2023

¹² Nôk nây, Gâp mra djôt ŭnh rdo sek joi ƀon Yêrusalem, Jêh ri mra tâm rmal phung geh nau mpay jêh nâm bu ndrănh djah dăch dŭt, Jêng phung lah êng pô aơ: ‘Brah Yêhôva mâu mra ăn nau ueh ôh, Mâu lĕ ăn nau mhĭk.’

Sôphôni 1:12 Iomraidhean Croise

Ndrom Samƀŭt bơh Yôp 21:15

Mbu moh Nơm Geh Lĕ Nau Brah dĭng ma hên pah kan? Moh ndơ khlay ma hên la mbơh sơm ma Păng?’

Nau Mprơ Ơm 10:4

Phung mhĭk ngơi nau sưr, mâu tĭng joi Kôranh Brah; Păng mĭn pô aơ mâu geh Brah Ndu ôh.

Nau Mprơ Ơm 14:1

Bunuyh rluk lah tâm nuih n'hâm pô aơ: “Mâu geh Brah Ndu ôh.” Khân păng rai yot da dê, ƀư lĕ kan ƀơ̆ ƀơch; Mâu geh du huê ƀư nau ueh ôh.

Nau Mprơ Ơm 94:7

Khân păng lah: “Brah Yêhôva mâu mra saơ ôh, Brah Ndu Yakôb mâu mĭn rmiăng treng uănh!”

Êsai 5:19

Khân păng lah: “Dăn ƀư ndal jêh ri ƀư gơnh nau kan Păng, Gay ma hên dơi saơ! Dăn nau dăp dơm Nơm Kloh Ueh Israel dơi ƀư, dơi jêng Gay ma hên dơi gĭt!”

Yêrêmi 10:5

Lĕ rup brah nây nâm bu pla mut tâm lĕ mir rpŭng, Mâu blau ngơi, Mâu blau hăn, bu mra tung. Lơi klach ôh khân păng, Yorlah khân păng mâu dơi srih nau mhĭk mâu lah dơi ăn nau ueh uĭn ôh.”

Yêrêmi 48:11

Môap ơm vay gŭ đăp mpăn ntơm bơh rnôk hôm mom, Nâm bu ndrănh nkân ta blat yăng, Mâu hŏ geh troch ôh bơh ma yăng aơ tơh ma yăng êng, Mâu mâp lĕ ƀư jêng bu nă; Yor nây nau kah păng nâm ơm Jêh ri ƀâu kah păng mâu hŏ rgâl ôh.”

Êsêkiêl 8:12

Păng lah ma gâp: “Hơi kon bunuyh, may saơ lĕ nau phung bu ranh ngih Israel, ăp nuyh ƀư tâm ntŭk ngo klĕng, trôm jrô kach nsêr rup brah khân păng? Yorlah khân păng lah pô aơ: ‘Brah Yêhôva mâu saơ ôh he; Brah Yêhôva hŏ chalơi jêh bri aơ!’”

Êsêkiêl 9:4

jêh ri lah: “Hăn hom rgăn lam ƀon, jêng ƀon Yêrusalem, jêh ri nchih nau mbên ta ndăr kleng phung bunuyh vơl nter, nhĭm nhhiăng ma lĕ rngôch nau mhĭk hŏ ƀư tih jêh nklang ƀon aơ.”

Êsêkiêl 9:9

Păng lah ma gâp pô aơ: “Nau tih mhĭk ngih Israel jêh ri Yuđa hŏ toyh hâu ngăn. Bri neh bêng ma nau pling mham, tâm ƀon bêng nau mâu sŏng yorlah khân păng lah pô aơ: ‘Brah Yêhôva hŏ chalơi jêh bri neh aơ, Brah Yêhôva mâu saơ ôh.’

Amôt 6:1

Rêh ni ngăn ma phung gŭ mpay êng nơm tâm ƀon Siôn, Jêh ri phung gŭ đăp rmên ta yôk Samari! Rêh ni ngăn ma phung ndrŏng, phung kôranh ƀư bôk lĕ bri dak, Jêng phung ngih Israel văch kuăl rklaih!

Apdia 1:6

Mâm nau bu mra joi rhi Y-Êsau! Nâm lĕ ndô ndơ khlay păng pôn bu mra rhi uănh!

Malachi 2:17

Khân may hŏ rsuak jêh Brah Yêhôva ma nau khân may ngơi, khân may lah đŏng pô aơ: “Ntŭk geh hên ƀư rsuak Păng?” Nây jêng lah khân may ngơi: “Ăp nơm ƀư nau mhĭk jêng ueh tanăp măt Brah Yêhôva, jêh ri Păng ŭch ngăn phung bunuyh pônây.” Mâu lah ôp: “Ta ntŭk gŭ Brah Ndu nau sŏng?”

II Pêtrôs 3:4

Khân păng mra lah: “Mbah ntŭk nau ton ma nau Kôranh Brah plơ̆ văch? Yorlah bơh rnôk phung chô yau he khĭt jêh, lĕ rngôch ndơ ăt kơt ơm nâm bu rnôk ntơm nau rhăk njêng neh ntu.”

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.