Sakari 9:9 - Nau Brah Ndu Ngơi 2023

⁹ Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Sakari 9:9 Iomraidhean Croise

I Phung Hađăch 1:38

Pôri kôranh ƀư brah Y-Sadôk hăn trŭnh ta Gihôn ndrel ma nơm mbơh lor Y-Nathan, Y-Bênaya kon bu klâu Y-Jêhôida, phung Chêrêthit jêh ri phung Pêlêthit. Khân păng chông Y-Salômôn hao ncho seh bri hađăch Đavit jêh ri njŭn leo trŭnh ta dak n'hor Gihôn.

Nau Mprơ Ơm 149:2

Ăn phung Israel răm maak tâm Nơm rhăk njêng jêh khân păng; Ăn phung kon ƀon Siôn răm maak tâm Hađăch khân păng.

Nau Mprơ Ơm 2:6

Păng lah: “Gâp yơh, Gâp hŏ ndâk Hađăch Gâp hŏ săch Ta klơ Siôn, jêng yôk kloh ueh Gâp.”

Nau Mprơ Ơm 45:1

Nuih n'hâm gâp bêng ler ma nau ueh ngăn; Gâp ngơi ma nau mprĭng aơ ma may; Mpiăt gâp tâm ban ma du mlâm mâng nchih du huê nơm nchih samƀŭt njêh.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 30:6

Nau mbơh lor ma lĕ mpô mpa n'gor Nêgep: Rgăn lam bri rêh ni jêh ri rngot rvê, Bri ma phung yau mŭr me jêh ri nkuăng, Bri ma phung bêh rmâng jêh ri bêh ŭnh mpăr, Khân păng rdeng drăp ndơ khân păng ma ndŭr kơi seh bri, Jêh ri rdeng drăp ndơ khlay khân păng ta klơ vơng seh samô Hăn tât ma du phung ƀon lan mâu jêng khlay ma khân păng ôh.

Êsai 33:22

Nanê̆, Brah Yêhôva jêng Nơm Phat Dôih he, Brah Yêhôva jêng Nơm Ăn Nau Vay ma he, Brah Yêhôva jêng Hađăch he; Păng yơh mra tâm rklaih he.

Êsai 40:9

Mbu nơm mbơh nau mhe mhan ueh ma ƀon Siôn, Hao hom ta klơ yôk prêh! Mbu nơm mbơh nau mhe mhan ueh ma Yêrusalem Nter troh hom ma nau ktang! Nter troh hom may, lơi klach ôh! Lah hom ma lĕ rngôch ƀon bri Yuđa pô aơ: “Aơ jêng Brah Ndu khân may!”

Êsai 43:11

Gâp, Gâp yơk jêng Brah Yêhôva, Rlau ma Gâp, mâu geh Nơm Tâm Rklaih êng ôh.

Êsai 43:3

Yorlah Gâp jêng Yêhôva, Brah Ndu may, Nơm Kloh Ueh Israel, Nơm Tâm Rklaih may. Gâp ăn jêh Êjipt jêng rnoh tâm chuai may, Bri Kus jêh ri Sêba ntrok may.

Êsai 45:21

Pôri mbơh hom, jêh ri đă khân păng văch dăch; Ăn khân păng tâm nchră ndrel n'grŭp! Mbu nơm hŏ nkoch nau aơ ntơm bơh kăl e? Mbu nơm mbơh jêh nau aơ bơh saơm? Mâu di hĕ Gâp nơm yơh jêng Brah Yêhôva? Rlau ma Gâp, mâu hôm geh brah êng ôh, Jêng Brah Ndu sŏng srăng jêh ri jêng Nơm Tâm Rklaih; Rlau ma Gâp, mâu hôm geh Nơm êng ôh.

Êsai 52:7

Phung mbơh nau đăp mpăn, Mbơh nau mhe mhan ueh, Mbơh nau tâm rklaih, Jêh ri lah ma ƀon Siôn pô aơ: “Brah Ndu may gŭ chiă uănh;” Mbang jâng phung nây ta klơ yôk Ueh ngăn!

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 62:11

Aơ, Brah Yêhôva mbơh jêh Tât dŭt rplay neh: “Lah hom ma kon bu ur Siôn pô aơ: ‘Aơ, nau tâm rklaih may văch dăch! Păng djôt leo nau nkhôm, Jêh ri ndơ nkhôm hăn lor Păng.’”

Yêrêmi 30:9

Ƀiălah khân păng mra pah kan ma Yêhôva Brah Ndu khân păng, Jêh ri hađăch he jêng Y-Đavit Gâp mra n'hao ăn ma khân păng.’

Êsêkiêl 21:32

Rai yot, rai yot, rai yot! Gâp mra ƀư nau nây. Nau nây mâu mra geh kŏ tât ndah jŏ Nơm khư dơi phat dôih tât pôri Gâp mra ăn ma păng.’

Ndrom Samƀŭt bơh Ôsê 1:7

Ƀiălah Gâp mra yô̆ nđach ma ngih Yuđa jêh ri mra tâm rklaih khân păng, yorlah Gâp jêng Yêhôva Brah Ndu khân păng. Gâp mâu mra dŏng tât ma na ôh, đao mâu lah tâm lơh, mâu lĕ dŏng ma seh mâu lah phung tahan ncho seh tâm rklaih khân păng.”

Mika 4:8

Bi may jêng tŭm ma phung biăp, Yôk ma kon bu ur Siôn, Mra văch ma may, Nau dơi may chiă uănh kăl e mra plơ̆ tay, Nây jêng ƀon bri hađăch ma kon bu ur ƀon Yêrusalem.”

Mika 5:2

Yor ri, Păng mra jao khân păng Kŏ tât nôk du huê bu ur ji deh hŏ deh jêh, Jêh ri phung oh nâu Păng hôm e mra plơ̆ sĭt ndrel Ma phung kon Israel.

Sakari 2:10

Brah Yêhôva lah: “Hơi kon bu ur ƀon Siôn, troh nter jêh ri hâk răm hom! Yorlah aơ, Gâp dôl văch jêh ri Gâp mra gŭ ta nklang khân may.

Mathay 1:21

Păng mra deh du huê kon bu klâu; may mra tâm amoh Yêsu, yorlah kon nây mra tâm rklaih phung ƀon lan păng nơm bơh nau tih.”

Mathay 11:29

Gâp geh nuih n'hâm rdơ̆ rbăn, dêh rhêt; ăn khân may anh ndơ mbăk Gâp jêh ri nti tă bơh Gâp ri mơ huêng khân may mra rlu.

Mathay 2:2

“Ta ntŭk hađăch phung Yuđa mhe deh? Yorlah hên saơ jêh măch mbing Păng ta mpeh luh nar pôri hên văch mbah ma Păng.”

Markôs 11:7

Khân păng têk kon seh bri sĭt ma Brah Yêsu, lăk ao khân păng ta klơ ndŭr kơi seh bri, jêh nây Păng ncho păng.

Luka 24:27

Jêh nây ntơm tă bơh Y-Môis tât ma lĕ rngôch phung nơm mbơh lor, Păng rblang ma khân păng lĕ nau knŏng ma Păng tâm lĕ Nau Brah Ndu Ngơi.

Yôhan 1:49

Y-Nathanel ơh: “Hơi Nơm Nti, May jêng Kon Brah Ndu! May jêng hađăch ma phung Israel!”

Yôhan 19:15

Khân păng lŭng nter: “Ngroh lơi Păng, ngroh lơi Păng! Pâng păng ma kđĭn ta si tâm rkăng!” Pilat lah: “Gâp mra pâng hađăch khân may ta si tâm rkăng lah?” Phung kôranh ƀư brah toyh plơ̆ lah: “Hên mâu hôm geh hađăch êng ôh, knŏng Sêsar.”

Phung Kôranh Phat Dôih 10:4

Păng geh pe jât nuyh kon bu klâu, ăp nơm ncho du mlâm seh bri, jêh ri chiă uănh du ƀon toyh. Pe jât ƀon toyh nây tâm nkual Gilêat, nar aơ rnha jêng Havôt-Jar.