Sakari 9:8 - Nau Brah Ndu Ngơi 2023

⁸ Gâp mra ƀư pôih gay gak ngih Gâp, Gay njrăng ma bunuyh hăn nsong. Nơm tŭn jot mra mâu hôm tŭn jot phung ƀon lan Gâp đŏng ôh, Yorlah aƀaơ ri Gâp hŏ treng uănh đah trôm măt Gâp nơm.

Sakari 9:8 Iomraidhean Croise

II Samuel 16:12

Klăp lah Brah Yêhôva mra uănh nau rêh ni gâp, jêh ri mra sŏk nau ueh lăng mplơ̆ sĭt ma gâp ntrok ma nau rak rtăp păng nar aơ.”

II Phung Hađăch 19:34

Yor Gâp jêh ri yor Y-Đavit, oh mon Gâp, Gâp nơm mra king n'gang jêh ri tâm rklaih ƀon aơ.”

II Phung Hađăch 23:29

Tâm rnôk rô̆ Y-Jôsia, Pharaôn Nêkô, hađăch Êjipt, hăn hao lơh hađăch Asiri ta bơh dak krong Ơphrat. Hađăch Jôsia leo phung tahan păng hăn tâm lơh. Ƀiălah Pharaôn Nêkô lĕ saơ jêh Y-Jôsia, nkhĭt ro păng ta ƀon Mêgidô.

II Phung Hađăch 24:1

Tâm rnôk Y-Jêhôjakim chiă uănh, hađăch Babilôn jêng Y-Nêbukatnetsar hăn lơh bri dak Yuđa. Y-Jêhôjakim, tông bâr hađăch tâm pe năm, jêh nây Y-Jêhôjakim mĭn plĕch jêh ri dâk tâm rdâng đah hađăch Babilôn.

Nau Mprơ Ơm 34:7

Tông mpăr Brah Yêhôva ƀư ngih bok gŭ jŭm phung klach yơk ma Păng Jêh ri tâm rklaih khân păng.

Nau Mprơ Ơm 72:4

Hađăch mra phat dôih phung o ach tâm ƀon lan, Tâm rklaih phung pưt kƀah Jêh ri hađăch mra jot hăch phung tŭn jot.

Nau Ngluh Êjipt 3:7

Brah Yêhôva lah: “Gâp hŏ saơ nanê̆ ngăn nau rêh ni phung ƀon lan Gâp tâm n'gor Êjipt jêh ri gâp hŏ tăng jêh nau khân păng lŭng nter yor phung kôranh uănh kan khân păng. Di ngăn, Gâp gĭt jêh nau nđêh nji khân păng.

Nau Ngluh Êjipt 3:9

Aơ, nau phung Israel nter lŭng hŏ hao tât ta Gâp; Gâp hŏ saơ nau phung Êjipt tŭn jot khân păng.

Nau Hôr 3:25

Lơi klach ôh nau krit toyh tât ndal, Mâu lĕ klach nau ƀư rai ma phung mhĭk;

Êsai 26:1

Tâm nar nây, bu mra mprơ nau mprơ aơ tâm bri Yuđa: “He geh du ƀon toyh nâp! Kôranh Brah sŏk nau tâm rklaih Ƀư pêr mbâl, ƀư pôih.

Êsai 31:5

Tâm ban ma sĭm mpăr klơ trôk tâm ban lĕ Brah Yêhôva ma phung tahan mra n'gang ƀon Yêrusalem nâm bu pônây lĕ; Păng mra n'gang jêh ri tâm rklaih, Păng mra hăn rgăn jêh ri rklaih păng.”

Êsai 4:5

ta klơ lam ntŭk yôk Siôn jêh ri ta klơ phung ƀon tâm rƀŭn, Brah Yêhôva mra rhăk ndâr tŭk dôl nar, nhhŭk ŭnh jêh ri nau ang mpiăt ŭnh tâm dôl măng. Yorlah mra geh ndơ đôr nkŭm ta klơ lĕ rngôch ndơ chrêk rmah;

Êsai 52:1

Ơ ƀon Siôn, kah rngăl hom, Kah rngăl hom, nsoh hom nau ktang may! Ơ Yêrusalem, ƀon kloh ueh, Nsoh hom bok ao ueh may! Yorlah phung mâu koh ntâu jêh ri phung ƀơ̆ ƀơch Mâu mra hôm lăp tâm may ôh.

Êsai 52:12

Ƀiălah khân may mâu mra luh ma nau ndal ôh, Mâu lĕ khân may du der, Yorlah Brah Yêhôva mra hăn lor panăp khân may, Jêh ri Brah Ndu Israel jêng Nơm gak pakơi khân may.

Êsai 54:14

Gâp mra ƀư nâp may ma nau sŏng srăng, May mra klaih bơh nau bu tŭn jot, mâu klach ôh; Jêh ri klaih bơh nau krit kir, yorlah nau nây mâu mra văch dăch may ôh.

Êsai 60:18

Bri may mâu mra đŏng tăng ôh nau djơh janh, N'gor may mâu đŏng hôm nau jêng rngot njăp rlâm rai nchah. May mra rnha mpêr ƀon may jêng “Nau Tâm Rklaih” Jêh ri kuăl mpông ƀon may jêng “Nau Tâm Mprơ Rnê.”

Yêrêmi 31:12

Khân păng mra tât jêh ri mprơ ta klơ ntŭk prêh yôk Siôn; Răm rhơn ma lĕ nau ueh Brah Yêhôva, Ma ba ƀlê, ndrănh mhe, dak ngi, Ma biăp kon jêh ri ndrôk kon; Nuih n'hâm khân păng nâm bu du nkual đang djrah bĕ dak, Mâu hôm rngot hŏt rgănh đŏng ôh.

Yêrêmi 46:13

Aơ jêng nau Brah Yêhôva lah ma nơm mbơh lor Y-Yêrêmi ma nau Y-Nêbukatnetsar, hađăch bri Babilôn, ŭch hăn tâm lơh đah bri Êjipt:

Yêrêmi 46:2

Ma bri Êjipt, aơ jêng nau mhe mhan ăn ma phung tahan Pharaôn Nêkô, hađăch Êjipt, nây jêng phung tahan Y-Nêbukatnetsar, hađăch Babilôn, hŏ dơi jêh ta ƀon Karkêmis, dăch ta kơh dak krong Ơphrat tâm năm rơh puăn Y-Jêhôjakim, kon bu klâu Y-Jôsia, hađăch Yuđa:

Êsêkiêl 39:29

Gâp mâu mra pôn đŏng ôh muh măt đah khân păng yorlah Gâp mra nkhŭt Huêng Brah Gâp ta klơ ngih Israel,’ Kôranh Brah Yêhôva lah pônây.”

Amôt 9:15

Gâp mra tăm tay Israel tâm bri khân păng nơm Jêh ri bu mâu mra hôm rôk ôh khân păng bơh bri Gâp ăn jêh ma khân păng.” Brah Yêhôva jêng Brah Ndu may lah kơt nây.

Sakari 12:4

Brah Yêhôva lah: “Tâm nar nây, Gâp mra rmal, ăn lĕ rngôch seh geh nau klach, ăn ma bunuyh ncho seh geh nau brŭt ndrăng. Ƀiălah Gâp mra lin măt uănh klơ ngih Yuđa, nôk Gâp mbang lĕ rngôch seh ndơ tâm lơh bơh phung mpôl băl bunuyh, ƀư ăn khân păng chieh măt.

Sakari 12:8

Tâm nar nây, Brah Yêhôva mra ƀư Nơm king n'gang ma phung gŭ ta ƀon Yêrusalem. Nôk nây, phung ra ai ngăn tâm phung khân păng mra jêng nâm bu Y-Đavit; ngih Y-Đavit mra jêng nâm bu Brah Ndu, jêh ri mra jêng nâm bu tông mpăr Brah Yêhôva hăn lor panăp khân păng.

Sakari 14:11

Yêrusalem mra geh bunuyh gŭ, păng mâu mra geh nau rai đŏng ôh, ƀiălah mra gŭ đăp rmên ngăn.

Sakari 9:7

Gâp mra jut kloh mham tă bơh trôm mbung păng, Jêh ri sŏk lĕ ndơ sa ƀơ̆ ƀơch luh bơh sêk păng; Păng mra nâm bu phung ƀon lan hôm klen ma Brah Ndu he Jêh ri mra jêng nâm bu du huê kôranh tâm noi deh Yuđa Bi phung Êkron mra jêng nâm bu phung Jêbusit.

Kôranh Oh Mon 7:34

Gâp saơ jêh nau rêh ni phung ƀon lan Gâp tâm n'gor Êjipt jêh ri hŏ tăng jêh nau khân păng nter rĭ dĭng Gâp jŭr văch gay ma tâm rklaih khân păng. Aƀaơ aơ, văch hom, Gâp mra njuăl may hăn tât ta n'gor Êjipt.’

Nau Tâm Mpơl 20:9

Khân păng hăn bra pru pra lam neh ntu, nchueng jŭm ntŭk phung kloh ueh gŭ jêh ri ƀon bu rŏng ngăn ngên. Ƀiălah ŭnh tă bơh trôk jŭr jêh ri su rai khân păng.