Sakari 9:5 - Nau Brah Ndu Ngơi 2023

⁵ Ƀon Askalôn mra saơ jêh ri klach; Ƀon Gaxa tâm ban lĕ dơn nau rêh ni; Ƀon Êkron tâm ban lĕ, yorlah nau păng kâp gân mra rai. Hađăch ƀon Gaxa mra khĭt, Ƀon Askalôn mâu mra geh ƀon lan gŭ ôh.

Sakari 9:5 Iomraidhean Croise

Êsai 14:28

Năm hađăch Ahas khĭt, nau mbơh lor aơ hŏ dơi mbơh:

Yêrêmi 47:1

Aơ jêng nau Yêhôva lah ma nơm mbơh lor Y-Yêrêmi ma phung Philistin, êlor ma Pharaôn tâm lơh đah ƀon Gaxa:

Yôel 3:4

Hơi ƀon Tyre jêh ri Sidôn ndrel ma lĕ rngôch nkual neh Philistin, moh khân may jêng ma Gâp? Di lĕ khân may ŭch plơng bôk ma Gâp? Tơlah kơt nây Gâp mra ăn nau khân may ƀư nkhŭt tay ta klơ bôk khân may nơm gơnh ro jêh ri ƀât lât.

Amôt 1:6

Brah Yêhôva lah pô aơ: “Yor nau tih mhĭk Gaxa ntop hôm ntop nau tih mhĭk Yor ri Gâp mâu rhuăt tay nau tâm rmal ma păng. Yorlah păng hŏ nhŭp lĕ phung ƀon lan leo hăn ƀư bu nă, Jêh ri jao khân păng ma phung Êđôm.

Amôt 1:8

Gâp mra ƀư rai phung gŭ tâm ƀon Asdôt, Jêh ri nơm djôt mâng jra hađăch du luh bơh Askalôn. Gâp mra yơr ti Gâp lơh ma Êkron Jêh ri đơ phung Philistin hôm klen mra khĭt” Yêhôva Brah Ndu lah pônây.

Sakari 9:4

Ƀiălah aơ, Kôranh Brah mra sŏk pit lĕ drăp ndơ păng, Nklơ̆ lơi nau dơi păng tâm dak mƀŭt, Bi păng nơm ŭnh mra sa.

Sakari 9:6

Phung mpôl băl tâm rlŭk mra gŭ tâm ƀon Asdôt; Gâp mra ngroh lơi nau sưr bơh phung Philistin.

Kôranh Oh Mon 8:26

Nôk nây, geh du huê tông mpăr Kôranh Brah ngơi ma Y-Philip: “Dâk hom may jêh ri hăn tât mpeh pa dâng, tĭng trong tă bơh ƀon Yêrusalem hăn trŭnh ta ƀon Gaxa. Trong nây mâu hôm ôh vay hăn.”

Samƀŭt Pôl Njuăl Ăn Ma Phung Nsing Ta Ƀon Rôm 5:5

jêh ri nau kâp gân mâu ƀư ăn ma he bêk prêng ôh, yorlah nau Brah Ndu rŏng hoch jêh tâm nuih n'hâm he ma Brah Huêng Ueh jêng Nơm ăn jêh ma he.

Philip 1:20

Nau gâp ŭch kâp jêh ri nau kâp gân mâu mra geh du ntil nau bêk prêng ôh, ƀiălah bêng ma nuih n'hâm nănh, gay aƀaơ tâm ban đŏng tâm lĕ rngôch ntŭk, nđâp tơlah gŭ rêh mâu lah khĭt, Brah Krist ăt geh tâm rnê tâm nau gŭ rêh gâp.