Sakari 9:3 - Nau Brah Ndu Ngơi 2023

³ Nđâp lah ƀon Tyre hŏ ƀư du mlâm pôih nâp ma păng nơm, Prăp nkrem prăk âk nâm bu ndruyh neh, Jêh ri nkrem mah nâm bu dak bŏk rŏ trong sâng.

Sakari 9:3 Iomraidhean Croise

II Samuel 24:7

Khân păng tâm ban đŏng hăn tât ma pôih ƀon Tyre, lăp tâm lĕ rngôch ƀon phung Hivit jêh ri phung Kanaan. Jêh nây khân păng hăn ma nkual Nêgep n'gor Yuđa ta Bêr-Sêba.

I Phung Hađăch 10:21

Lĕ rngôch kachok dŏng gay nhêt hađăch Salômôn ƀư đah mah da dê, jêh ri lĕ rngôch ndơ dŏng tâm ngih Bri Krŏng Liban ƀư đah mah kloh da dê. Mâu geh ôh ndơ dŏng ƀư đah prăk, yorlah tâm rnôk hađăch Salômôn, prăk mâu geh nau khlay ôh.

I Phung Hađăch 10:27

Ta ƀon Yêrusalem, hađăch hŏ ƀư jêh prăk jêng mâu nă khlay ôh nâm bu lŭ, jêh ri tơm si sêdar âk nâm bu tơm si sikamôr tâm n'gor Sêphêla.

Ndrom Samƀŭt bơh Yôp 22:24

Mƀăr lơi mah tâm ndruyh neh, Jêh ri klŭp lơi mah Ôphir tâm lŭ ta nklang dak,

Ndrom Samƀŭt bơh Yôp 27:16

Nđâp lah păng prăp nkrem prăk rêl nâm bu ndruyh neh, Kho ao dăp bun nâm bu neh uk;

Ndrom Samƀŭt bơh Yôp 3:15

Mâu lah ndrel phung kôranh chiă uănh N'hanh prăk mah bun bêng ngih khân păng.

Êsai 23:11

Brah Yêhôva yơr jêh ti Păng ta klơ dak mƀŭt, Ƀư âk ƀon bri hađăch rŭng răng. Păng hŏ ntăm jêh ma bri Kanaan: Ƀư rai lĕ pôih păng.

Êsai 23:8

Mbu nơm lĕ dăp nal jêh nau nây tâm rdâng ma Tyre, Jêng ƀon hŏ ndô đon hađăch? Phung tăch rgâl păng jêng phung lư rnam, Phung tăch rgâl păng jêng phung bu yơk tâm neh ntu.

Êsêkiêl 26:12

Phung rlăng may mra pit in drăp ndơ may, sŏk pit ndô ndơ may geh, ƀư klưh rlâm lơi mpêr may. Khân păng mra ƀư rai ngih may jêh ri mƀăr lŭ, tơm si, jêh ri neh may trŭnh tâm dak mƀŭt.

Êsêkiêl 27:27

Tât nar ƀư rai yot may, Drăp ndơ, ndơ may tăch, nau may tâm tăch ngâl, Kôranh jêh ri bunuyh ƀĭt Kumpăn may, Phung sâm nkra kumpăn ma may, Phung tăch rgâl drăp ndơ đah may, Lĕ rngôch phung tahan may, Jêh ri lĕ rngôch phung ƀaƀă gŭ ta klơ kumpăn, Mra tŭp tâm nklang klŏng dak mƀŭt da dê.

Êsêkiêl 27:33

Tơlah drăp ndơ may tăch luh tă bơh dak mƀŭt, May hŏ ƀư ma phung ƀon lan hơm mpay; Yor drăp ndơ jêh ri ndơ tăch ƀrư̆ nar geh âk rmeh, May hŏ ƀư ndrŏng ăn ma phung hađăch ta neh ntu.

Êsêkiêl 27:34

Rnôk nây, may lĕ rai yor ma dak mƀŭt, Ngâm tâm dâng dak jru; Ndơ tăch jêh ri phung ƀon lah may Ngâm tâm dak mƀŭt ndrel may da dê.

Êsêkiêl 28:1

Geh nau Brah Yêhôva lah ma gâp:

Amôt 1:9

Brah Yêhôva lah: “Yor nau tih mhĭk ƀon Tyre ntop hôm ntop nau tih mhĭk Yor ri Gâp mâu rhuăt tay nau tâm rmal ma păng Yorlah khân păng jao lĕ phung ƀon lan ma Êđôm, Mâu kah gĭt ôh nau tâm rnglăp ndrăng oh nâu.

Yôsuê 19:29

N'har nây rle mpeh Rama tât ta ƀon Tyre geh mpêr nâp ngăn, jêh nây hăn tât ta Hôsa jêh ri lôch ta dak mƀŭt, dăch Mahala, tâm bri Aksip,