Sakari 9:13 - Nau Brah Ndu Ngơi 2023

¹³ Gâp mra van phung Yuđa nâm bu na gâp, Jêh ri Êphraim nâm bu hăr păng. Hơi ƀon Siôn, Gâp mra nsônh phung kon may Tâm rdâng đah phung kon Javan, Jêh ri Gâp mra ăn may jêng nâm bu đao phung tahan dăng tâm lơh.”

Sakari 9:13 Iomraidhean Croise

Nau Mprơ Ơm 144:1

Tâm rnê ma Brah Yêhôva jêng Lŭ Toyh ma gâp! May nti an ti gâp tâm lơh, sâm nti nglau ti gâp tâm lơh.

Nau Mprơ Ơm 149:6

Ăn hom nau tâm rnê ma Brah Ndu tâm trôm mbung khân păng, Đao gưm bar măt gŭ tâm ti khân păng

Nau Mprơ Ơm 45:3

Hơi hađăch geh nau dơi, cheng hom đao ta bŭt; Tâm nau chrêk rmah jêh ri nau hit rnam may.

Êsai 49:2

Păng ƀư ăn trôm mbung gâp jêng tâm ban ma đao hơr ngăn, Păng pôn jêh gâp tâm gui ti Păng. Păng ƀư ma gâp tâm ban chiông hăr mplanh, Jêh ri Păng pôn jêh gâp tâm dĭng hăr Păng.

Yêrêmi 51:20

May jêng me nôp, jêng ndơ tâm lơh ăn ma Gâp; Gâp mra dŏng may dong nchah lĕ rngôch phung mpôl bunuyh Jêh ri ƀư rai lĕ rngôch ƀon bri hađăch.

Nau Nhĭm Vơl 4:2

Phung kon bu klâu Siôn ueh ngăn, Khlay ngăn nâm bu mah chrêk, Aƀaơ bu uănh tâm ban ma yăng bu mon uk, Tă bơh kan ti phung mon uk ƀư!

Amôt 2:11

Gâp hŏ n'hao bơh phung kon bu klâu khân may jêng phung nơm mbơh lor, Jêh ri n'hao phung bu klâu ndăm tâm phung khân may jêng bunuyh Nasirit. Hơi phung kon sau Israel, mâu di ngăn pônây?” Brah Yêhôva lah kơt nây:

Apdia 1:21

Phung geh nau rklaih jêh mra hao ta yôk Siôn gay phat dôih yôk Êsau; Bi ƀon bri hađăch mra jêng ndơ Brah Yêhôva.

Sakari 1:21

Gâp ôp: “Phung bunuyh aơ văch tât moh nau khân păng ƀư?” Păng plơ̆ lah: “Nây jêng phung nke hŏ ƀư rai jêh phung Yuđa pru pra, kŏ tât mâu geh ôh nuyh dơi n'gơr bôk. Ƀiălah phung bunuyh chiăr aơ văch gay ƀư krit khân păng, jêh ri gay njŭr lơi nke bơh phung bri dak nây, jêng phung bri dak hŏ n'hao nke tâm rdâng đah n'gor Yuđa gay ƀư ăn păng nchuăt rai pru pra.”

Êphêsô 6:17

Ndô hom môk nau tâm rklaih jêh ri djôt đao Brah Huêng Ueh, jêng nau ngơi Brah Ndu.

II Timôthê 4:7

Gâp tâm lơh jêh nau tâm lơh ueh, hŏ lôch jêh nau tâm rlong nchuăt, djôt prăp jêh nau chroh.

ហេឞ្រើ 4:12

Yorlah nau ngơi Brah Ndu jêng nau ngơi rêh jêh ri geh nau dơi, hơr lơn ma đao bar măt, lăp băm kŏ tât tâm nglah nuih n'hâm đah huêng, ntŭk nting tâm ntrŭp đah glo, phat dôih lĕ nau mĭn jêh ri nau ŭch tâm nuih n'hâm.

Nau Tâm Mpơl 1:16

Ti pa ma Păng djôt pơh mănh mbing; geh du mlâm đao bar măt mplônh ngăn luh tă bơh trôm mbung Păng; muh măt Păng tâm ban ma nar nchrat ang ma lĕ nau ktang.

Nau Tâm Mpơl 17:14

Khân păng mra tâm lơh đah Kon Biăp jêh ri Kon Biăp mra dơi đah khân păng, yorlah Kon Biăp jêng hađăch ma phung hađăch, Kôranh Brah ma lĕ rngôch kôranh brah; jêh ri phung gŭ ndrel ma Păng, jêng phung bunuyh geh nau kuăl jêh, nau săch jêh, jêh ri gŭ răp jăp, ăt mra dơi.”

Nau Tâm Mpơl 19:15

Tă bơh trôm mbung Păng geh du mlâm đao hơr ngăn gay ma dong lĕ bri dak; Păng mra chiă uănh khân păng ma du mlâm mâng jra loih. Păng mra jot mpet thŭng play krăk ƀâu ma nau ji nuih Brah Ndu Geh Lĕ Nau Brah.

Nau Tâm Mpơl 19:21

Phung bunuyh hôm e ƀaƀă, khĭt da dê đah đao gưm luh tă bơh trôm mbung Nơm ncho seh; lĕ rngôch phung sĭm sa puăch khân păng hơm bêng da dê.

Nau Tâm Mpơl 2:12

“Nchih hom ma phung tông mpăr Phung Ngih Brah Ndu ta ƀon Pergam nâm pô aơ: Aơ jêng nau ngơi bơh Nơm geh đao bar măt mplônh ngăn: