Sakari 9:12 - Nau Brah Ndu Ngơi 2023

¹² Hơi phung bu krŭng geh nau kâp gân, plơ̆ sĭt hom ma pôih! Nar aơ ro, Gâp mra mbơh pô aơ Gâp mra mplơ̆ ăn khân may bar tơ̆ âk lơn.

Sakari 9:12 Iomraidhean Croise

Ndrom Samƀŭt bơh Yôp 42:10

Tơlah Y-Yôp hŏ mbơh sơm ntang ma phung mĭt jiăng, Brah Yêhôva mplơ̆ sĭt đŏng drăp ndơ ma Y-Yôp. Păng ăn ma Y-Yôp bar tơ̆ âk lơn ma drăp ndơ păng hŏ geh jêh ntơm saơm.

Êsai 24:22

Bu mra tâm rgum khân păng Tâm ban ma phung bu nă tâm ntu; Bu krŭng khân păng tâm ndrung ngo. Lah jŏ nar jêh, bu mra rmal khân păng.

Êsai 38:18

Yorlah ƀon phung khĭt mâu dơi tâm rnê lah ueh ma May ôh, Nau khĭt mâu dơi mprơ rnê ma May ôh; Phung trŭnh hăn jêh ta ntu môch Mâu hôm dơi kâp gân ôh ma nau răp jăp May đŏng.

Êsai 40:2

Ngơi hom ma nau rdơ̆ ma Yêrusalem, Jêh ri mbơh pô aơ nau păng tâm lơh lĕ dŭt jêh, Nau tih păng yô̆ ăn jêh; Păng hŏ dơn bar tơ̆ bơh ti Brah Yêhôva, Ma lĕ rngôch nau tih păng.”

Êsai 49:9

Gay lah ma phung bu nă: ‘Luh hom,’ Lah ma phung gŭ tâm nau ngo, ‘Mpơl hom tâm nau ang!’ Khân păng mra chiăp phung biăp ta rŏ trong, Jêh ri ndrêch gơ̆ khân păng mra gŭ ta klơ lĕ rngôch yôk hil.

Êsai 52:2

Ơ ƀon Yêrusalem, dâk hom may, Rtuh hom ndruyh neh jêh ri gŭ ta klơ sưng hađăch; Ơ kon bu ur ƀon Siôn, jêng phung gŭ tâm ndrung Doh êng rse ta trô ko ay.

Êsai 61:7

Ntrok nau bêk prêng, khân may mra dơn bar tơ̆, Ntrok nau bêk brêng, khân may mra răm maak ma kô̆ tâm pă ma khân may; Khân may mra geh bar tăp âk lơn drăp ndơn tâm bri khân may, Jêh ri geh nau răm maak n'ho ro.

Yêrêmi 14:8

Ơ Kôranh Brah, May jêng nau kâp gân ma phung Israel, Nơm tâm rklaih tâm nau rêh ni, Mâm ƀư may nâm bu du huê bu năch tâm n'gor aơ, Nâm bu du huê bu năch veh bê̆ch njưh du măng?

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 17:13

Ơ Brah Yêhôva, nau kâp gân ma phung Israel, Mbu nơm dun May geh nau prêng da dê! Mbu nơm plăch ndŭr kơi đah May bu mra nchih amoh ta ndruyh neh, Yorlah khân păng hŏ chalơi jêh Brah Yêhôva jêng tu dak rêh.

Yêrêmi 31:17

Brah Yêhôva lah: “Mra geh nau kâp gân ăn ma may kăndơ̆, Phung kon sau may mra plơ̆ sĭt rlet ma bri khân păng nơm.

Yêrêmi 31:6

Mra geh du nar, phung gak Ta klơ dor yôk Êphraim mra kuăl: ‘Kay lŏng, he gơnh oi hăn hao ma yôk Siôn, Tât ma Yêhôva Brah Ndu he!’”

Yêrêmi 50:28

Iăt hom phung nchuăt du jêh ri phung lĕ rklaih tă bơh bri Babilôn tât tâm ƀon Siôn gay mbơh nau Yêhôva Brah Ndu he har plơng bôk, nau plơng bôk ăn ma ngih brah Păng.

Yêrêmi 51:10

‘Brah Yêhôva koh dŏng ăn ma he. Văch hom, ăn he mbơh nkoch tâm ƀon Siôn Nau kan Yêhôva Brah Ndu he.’

Êsêkiêl 37:11

Păng lah ma gâp: “Hơi kon bunuyh, đơ nting aơ jêng lĕ rngôch ngih Israel. Aơ, khân păng ngơi pô aơ: ‘Nting hên lĕ kro jêh, nau kâp gân hên lĕ roh, hên bu ƀư rai lĕ jêh!’”

Ndrom Samƀŭt bơh Ôsê 2:15

Tă bơh ntŭk nây, Gâp mra ăn ma păng đang krăk ƀâu, Njêng rlŭng Akôr mra jêng mpông nau kâp gân. Ta nây, păng mra plơ̆ lah nâm bu tâm nar mom ndăm, Nâm bu tâm nar păng luh tă bơh n'gor bri Êjipt.”

Yôel 3:16

Brah Yêhôva mra rđuh bơh Siôn; Păng ƀư ăn nteh huy bâr Păng nơm luh bơh Yêrusalem. Lĕ ndâr trôk jêh ri lĕ rngôch neh ntu mpât n'găr da dê. Ƀiălah Brah Yêhôva jêng ntŭk nde ma phung ƀon lan Păng, Jêng pôih nâp ma phung ƀon lan Israel.

Mika 4:8

Bi may jêng tŭm ma phung biăp, Yôk ma kon bu ur Siôn, Mra văch ma may, Nau dơi may chiă uănh kăl e mra plơ̆ tay, Nây jêng ƀon bri hađăch ma kon bu ur ƀon Yêrusalem.”

Nahum 1:7

Brah Yêhôva jêng ueh ngăn, Jêng pôih nâp tâm nar rêh ni; Păng gĭt phung du krap tâm ntŭk Păng.

ហេឞ្រើ 6:18

gay ma bar nau nây mâu blau rgâl — bar nau nây Brah Ndu mâu dơi ngơi mƀruh ôh — ma phung he jêng phung bunuyh nchuăt du krap ta Păng, geh nau bonh leng toyh jêh ri djôt nâp nau kâp gân hŏ dơm tanăp măt he nơm.

ហេឞ្រើ 6:19

He djôt prăp nau kâp gân nây nâm bu glo loih nkân ma huêng, dơi nâp, nanê̆ ngăn jêh ri lăp tâm trôm bok nching,