Sakari 8:23 - Nau Brah Ndu Ngơi 2023

²³ Brah Yêhôva ma phung tahan lah: “Tâm âk nar nây, mra geh jât nuyh tă tâm ntil mpôl bunuyh nau ngơi êng êng, kuăn rdâng ta ntôr ao du huê Yuđa, jêh ri lah pô aơ: ‘Ăn hên hăn ndrel ma khân may, yorlah hên geh tăng pô aơ Brah Yêhôva gŭ ndrel ma khân may.’”

Sakari 8:23 Iomraidhean Croise

Nau Ntơm 31:41

Bar jât năm gâp gŭ tâm ngih may jêng dah nây yơh. Gâp pah kan ma may jât puăn năm gay ma geh bar hê kon bu ur may, prao năm gay dơi geh phung mpô mpa tă bơh phung mpô mpa may, jêh ri may tâm rgâl rnoh nau nkhôm ma gâp pah kan tât jât tơ̆.

Nau Ntơm 31:7

ƀiălah mbơ̆ khân ay ndơm jêh gâp, jêh ri tâm rgâl jât tơ̆ prăk nkhôm ma gâp pah kan. Ƀiălah Brah Ndu mâu ăn ôh păng ƀư nau mhĭk ma gâp.

II Phung Hađăch 2:6

Y-Êli lah ma Y-Êlisê: “Gŭ hom ta aơ, yorlah Brah Yêhôva prơh gâp hăn tât dak krong Yurdan.” Ƀiălah Y-Êlisê lah: “Gâp sŏk amoh Brah Yêhôva gŭ rêh mro mrăng jêh ri sŏk amoh nau rêh may gay sơm ton, gâp mâu mra du tă bơh may ôh.” Pôri, bar hê khân păng hăn đŏng.

I Nau Rêh Jêng 12:18

Nôk nây, Huêng Brah nkŭm Y-Amasai, jêng kôranh ma phung pe jât bunuyh nây, ƀư ăn ma păng lah: “Hơi Y-Đavit, hên jêng phung may; Hơi kon bu klâu Y-Yêsê, hên gŭ mpeh ma may! Nau đăp mpăn, nau đăp mpăn ma may; Nau đăp mpăn ma phung kơl may! Yorlah Brah Ndu may kơl may!” Pônây Y-Đavit rom khân păng jêh ri njêng khân păng chiă uănh ma phung tahan păng.

II Nau Rêh Jêng 15:9

Păng rgum lĕ rngôch phung Yuđa, phung Benjamin jêh ri phung bu năch bơh lĕ ndŭl mpôl Êphraim, Manasê jêh ri Simêôn gŭ ndrel ma khân păng; yorlah geh âk bunuyh chalơi phung Israel hăn tĭng hađăch Asa dôl saơ Yêhôva Brah Ndu gŭ ndrel păng.

Êsther 8:17

Tâm ăp n'gor, tâm ăp rplay ƀon, ta ntŭk geh jêh nau ntăm jêh ri samƀŭt nau ntrŭnh bơh hađăch lĕ tât, pôri phung Yuđa răm maak jêh ri hâk răm ngăn, du nau nhêt sông toyh jêh ri sông sa tâm nau răm maak. Geh âk bunuyh tâm phung ntil mpôl bunuyh êng tâm n'gor chroh đŏng tĭng nâm phung Yuđa, yorlah khân păng klach krit ngăn ma phung Yuđa.

Ndrom Samƀŭt bơh Yôp 19:3

Lĕ jât tơ̆ jêh khân may nduyh lah gâp, Ƀư mhĭk ma gâp mâm khân may mâu bêk prêng?

Nơm Nti 11:2

Tâm pă hom kô̆ may ăn ma pơh mâu lah pham bunuyh, Yorlah may mâu gĭt ôh moh nau mhĭk mra tât geh ta klơ neh.

Êsai 3:6

Dôl bu mra nhŭp oh nâu păng Tâm ngih mbơ̆ păng jêh ri lah: “May hôm geh ao jâr, Ăn may ƀư jêng kôranh chiă uănh hên, Jêh ri mbŭch rlâm nchah aơ Mra gŭ tâm dâng nau dơi may!”

Êsai 4:1

Tâm nar nây, pơh nuyh bu ur mra kuăn rdâng du huê bu klâu jêh ri lah: “Hên mra sa ndơ sông sa hên nơm jêh ri soh bok ao hên nơm, Knŏng ăn bu rnha hên ma amoh may; Dăn may sŏk lơi nau bêk hên.”

Êsai 45:14

Pô aơ Brah Yêhôva lah tâm ban pônây: “Drăp ndơ bri Êjipt, ndơ tăch kao bri Kus Jêh ri phung Sabê, bunuyh juat toyh, Mra văch ma may da dê, jêh ri jêng ndơ may; Khân păng mra tĭng ndô̆ may, djôt nse rvăk, Păn tanăp may, khân păng mra vơh vơl ma may jêh ri lah: ‘Nanê̆, Brah Ndu gŭ ndrel ma khân may; Rlau ma Păng, mâu geh Nơm êng ôh, Mâu geh Brah Ndu êng ôh!’”

Êsai 45:24

Bu mra lah ma Gâp pô aơ: “Knŏng tâm Brah Yêhôva yơh geh nau sŏng srăng jêh ri nau ktang;” Jêh ri bu mra văch ma Păng. Lĕ rngôch bunuyh ji nuih đah Păng mra bêk.

Êsai 55:5

“Ngăn yơh, may mra kuăl bri dak may ê hŏ gĭt năl ôh, Jêh ri bri dak ê hŏ gĭt may mra nchuăt ran ta may, Yor Yêhôva Brah Ndu may, Nơm Kloh Ueh Israel, Jêng Nơm ƀư ma may chrêk rmah.”

Êsai 60:14

Phung kon bu klâu phung tŭn jot may Mra văch kŭnh bôk văch ma may; Lĕ rngôch phung tâm rmot ma may Mra chon mon tanăp jâng may. Khân păng mra rnha may jêng Ƀon Brah Yêhôva. Jêng Ƀon Siôn ma Nơm Kloh Ueh Israel.

Êsai 60:3

Lĕ bri dak mra văch ma nau ang may, Lĕ phung hađăch mra n'gĭl nau ang ơm ôi chrêk lơp may.

Êsai 66:18

“Bi Gâp, Gâp gĭt năl nau kan jêh ri nau mĭn khân păng. Tât năng, Gâp mra văch tâm rƀŭn lĕ rngôch bri dak jêh ri lĕ rngôch nau ngơi; khân păng mra văch jêh ri saơ nau chrêk rmah Gâp.

Mika 5:5

Khân păng sŏk đao lơh rai bri dak Asiri Jêh ri lĕ mpông pêr bri Nimrôt. Păng mra rklaih he tă bơh phung Asiri, Lah păng mra lăp tâm n'gor he Jêh ri jot tâm trôm n'har bri he.

Sôphôni 3:19

Aơ, tâm nôk nây, Gâp mra tâm rdâng đah lĕ rngôch phung tŭn jot may; Gâp mra tâm rklaih ƀư bah phung kuet rvĕn, Kuăl rgum phung tă bu mprơh du, Gâp mra ƀư ma khân păng geh nau tâm rnê jêh ri nau lư n'găr Tâm ăp ntŭk bu hŏ ƀư bêk prêng jêh khân păng.

Nau Kơp Bunuyh 14:22

lĕ rngôch phung saơ jêh nau chrêk rmah jêh ri nau mbên khlay Gâp hŏ ƀư jêh tâm n'gor Êjipt jêh ri tâm bri rdah, ƀiălah hŏ rlong uănh jêh Gâp jât tơ̆, tâm ban đŏng mâu tông bâr Gâp ôh,

Luka 8:44

Păng văch pakơi jêh ri pah ta chiăng ao Păng, ƀât lât mham suăt ro.

Kôranh Oh Mon 19:12

kŏ tât bu sŏk bok jêh ri ao rjai păng hŏ nsoh, dơm ta klơ phung ji kuet, nau ji kuet dơi bah jêh ri mprơh lơi huêng djơh tă bơh khân păng.

I Kôrintô 14:25

Lĕ nau pôn ndâp tâm nuih n'hâm khân păng mra tâm mpơl; khân păng mra chon mon yơk mbah ma Brah Ndu, jêh ri mbơh pô aơ: Brah Ndu dôl gŭ ndrel ma khân may ngăn ngên.

Yôsuê 8:35

Y-Yôsuê răk rĭng lĕ rngôch nau Y-Môis ntăm tanăp lĕ rngôch phung ƀon lan Israel, lĕ phung bu ur, phung kon se, jêh ri phung bu năch gŭ tâm nklang khân păng.