Sakari 8:22 - Nau Brah Ndu Ngơi 2023

²² Yor ri âk phung ƀon lan jêh ri phung ntil mpôl bunuyh ngăch dăng mra văch ta ƀon Yêrusalem, jêh ŭch joi Brah Yêhôva ma phung tahan jêh ri gay dăn nau ueh uĭn Brah Yêhôva.”

Sakari 8:22 Iomraidhean Croise

Nau Mprơ Ơm 68:30

Nduyh lah ma mpa bri rêh gŭ tâm rpho treng, Nduyh lah ma phung ndrôk nkuăng ndrel lĕ ndrôk kon phung ƀon lan Kŏ tât khân păng chon kômâk jêh ri nhhơr lĕ rlay prăk. Dăn May ƀư rai lơi phung mpôl băl bunuyh ŭch ma nau tâm lơh.

Êsai 2:2

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ lĕ gôl yôk, Prêh lơn ma lĕ rngôch yôk. Lĕ rngôch bri dak mra hăn plơ̆ sĭt ta nây,

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 25:7

Ta yôk aơ, Păng mra hêk chalơi Bok nkŭm lĕ rngôch phung ƀon lan, Jêh ri bok nkŭm lĕ rngôch bri dak.

Êsai 49:22

Kôranh Brah jêng Brah Yêhôva lah: “Aơ, Gâp mra yơr ti Gâp ma lĕ bri dak, Ndâk n'ha kơ ma lĕ rngôch ƀon lan. Aƀaơ, khân păng mra chông phung kon bu klâu may ta ntang ntơh khân păng, Mbăk phung kon bu ur may ta klơ săng nglik hăn tât.

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 55:5

“Ngăn yơh, may mra kuăl bri dak may ê hŏ gĭt năl ôh, Jêh ri bri dak ê hŏ gĭt may mra nchuăt ran ta may, Yor Yêhôva Brah Ndu may, Nơm Kloh Ueh Israel, Jêng Nơm ƀư ma may chrêk rmah.”

Êsai 66:23

Brah Yêhôva lah: “Bơh ăp khay mhe aơ tât ma khay mhe êng, Bơh ăp nar saƀat aơ tât ma saƀat ri Lĕ rngôch nglay săk mra văch gay yơk mbah tanăp Gâp.

Yêrêmi 4:2

Tơlah may tâm amoh ‘Brah Yêhôva gŭ rêh mro mrăng’ Sŏk nau ton n'hêl nanê̆, nau di jêh ri nau sŏng srăng, Pôri lĕ rngôch bri dak Păng mra dơi ăn nau ueh uĭn Jêh ri dơi geh nau chrêk rmah tâm Păng.”

Mika 4:2

Geh âk bri dak mra văch tât ta nây jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb! Păng mra sâm nti ma he trong Păng Gay he mra dơi hăn tâm ăp trong Păng.” Yorlah nau vay mra luh bơh Siôn, Nau Brah Yêhôva ngơi luh bơh Yêrusalem.

Mika 4:3

Păng mra ƀư nau phat dôih ta nklang âk mpôl băl bunuyh, Jêh ri phat dôih ta nklang lĕ bri dak dŭt dăng gŭ ntŭk ngai. Khân păng mra sŏk đao chiăr njêng kau kai, Sŏk tak chiăr njêng nhuĕ; Bri dak aơ mâu mra tŏk ôh đao tâm rdâng đah bri dak êng Jêh ri mâu lĕ hôm nti tay đŏng nau tâm lơh.

Ndrom Samƀŭt bơh Agê 2:7

Gâp n'gơ n'găr lĕ rngôch bri dak tâm ban lĕ, jêh ri drăp ndơ lĕ rngôch bri dak mra văch tât ta aơ; jêh nây Gâp mra ƀư ăn ma ngih brah aơ bêng ma nau chrêk ma lơp.’ Brah Yêhôva ma phung tahan lah pônây.

Sakari 14:16

Jêh nây, lĕ rngôch phung hôm klen tâm lĕ bri dak tă lơh jêh ƀon Yêrusalem mra hăn hao ta nây ăp năm gay yơk mbah panăp măt Hađăch jêng Brah Yêhôva ma phung tahan, jêh ri văch râng kah gĭt nau rƀŭn Ngih Ndưp.

Sakari 8:21

jêh ri phung gŭ tâm ƀon toyh aơ mra hăn jă ƀon toyh êng: ‘Aƀaơ, ăn he hăn văch gơnh ro gay vơl dăn nau yô̆ Brah Yêhôva jêh ri ŭch joi Brah Yêhôva ma phung tahan; gâp mra hăn tâm ban lĕ.’

Galati 3:8

Nau Brah Ndu Ngơi hŏ saơ lor pô aơ Brah Ndu mra kơp phung bu năch jêng sŏng srăng yor ma nau chroh, pôri hŏ nkoch mbơh lor jêh ma Y-Abraham Nau Mhe Mhan Ueh aơ: “Lĕ rngôch mpôl băl bunuyh mra geh nau ueh uĭn tă bơh may.”

Nau Tâm Mpơl 15:4

Ơ Kôranh Brah, mbu nơm mâu mra klach yơk Kôranh Brah, Jêh ri mâu tâm rnê amoh may? Yorlah knŏng êng Kôranh Brah jêng kloh ueh. Lĕ rngôch mpôl băl mra văch Yơk mbah tanăp Kôranh Brah, Yorlah lĕ nau sŏng srăng May tâm mpơl jêh.”

Nau Tâm Mpơl 21:24

Phung mpôl băl bunuyh mra nhuat hăn tă bơh nau ang ƀon; phung hađăch tâm neh ntu mra djôt nau chrêk rmah khân păng nơm lăp ta nây.