Sakari 8:13 - Nau Brah Ndu Ngơi 2023

¹³ Hơi ngih Yuđa jêh ri Israel! Mâm jêng nau bu rak rtăp khân may tâm ăp bri dak, pôri Gâp mra tâm rklaih khân may, jêh ri ƀư ma khân may mra jêng du nau ueh uĭn tâm ban lĕ. Lơi klach ôh, ƀiălah ƀư hom ti khân may ăn jêng dăng!”

Sakari 8:13 Iomraidhean Croise

Nau Ntơm 26:4

Gâp mra ăn noi deh kon bĭk rơ̆ nâm bu mănh tâm trôk jêh ri ăn ma lĕ noi deh may nkual bri aơ. Lĕ rngôch phung ƀon lan tâm neh ntu mra geh nau ueh uĭn yor tă bơh noi deh may;

Nau Mprơ Ơm 44:16

Yorlah bâr ƀư mhĭk, rak rtăp, Nơm rlăng jêh ri nơm plơng bôk.

Nau Mprơ Ơm 72:17

Ăn amoh Păng mra hôm ƀaƀơ, Ndah hôm jŏ nar pôri amoh hađăch mra hôm gŭ kơt nây lĕ; Bu mra tâm amoh păng jêh ri ăn nau ueh uĭn ndrăng khân păng nơm! Lĕ rngôch mpôl băl bunuyh mra uănh ma hađăch jêng nau ueh maak.

Nau Mprơ Ơm 79:4

Hên jêng ndơ bu tâm rmot jêh ma phung chiau meng hên, Ndơ suai rak jêh ri ndơ gơm mưch ma phung gŭ jŭm hên.

Êsai 43:28

Yor nây, Gâp mra ƀư bêk phung kôranh tâm ntŭk kloh ueh; Gâp jao Yakôb ma nau ƀư rai, Jêh ri jao Israel ma nau bu suai rak.

Yêrêmi 24:9

Gâp mra njêng ăn khân păng plơ̆ jêng nau nkrit, du nau mhĭk tât ma lĕ rngôch ƀon bri hađăch ta neh ntu; du nau prêng, du nau bu gơm mưch, du nau ngơi mhĭk, du nau bu rak rtăp tâm lĕ rngôch ntŭk Gâp mprơh khân păng tât.

Yêrêmi 25:18

Yêrusalem jêh ri lĕ rngôch ƀon Yuđa, phung hađăch jêh ri phung kôranh ƀon, gay khân păng jêng rngot njăp rjăp, ƀơ̆ ƀơch, bu gơm mưch jêh ri rak rtăp nâm bu nar aơ;

Yêrêmi 26:6

pôri Gâp mra phat ma ngih aơ nâm bu hŏ phat jêh ma ƀon Silô, jêh ri ƀư ma ƀon aơ jêng du nau rak rtăp ta nklang lĕ rngôch bri dak ta neh ntu.’”

Yêrêmi 29:18

Gâp mra njuăl ma đao, nau sât ji ngot, jêh ri nau ji tưp tĭng khân păng. Gâp mra njêng khân păng du ntil ndơ nkrit ngăn ma lĕ rngôch ƀon bri hađăch ta neh ntu, du ntil ndơ bu rak rtăp, du ntil nau ntêh rmot, du ntil nau gơm mưch, du ntil nau bêk prêng ta nklang lĕ rngôch mpôl băl bunuyh Gâp hŏ mprơh jêh khân păng.”

Yêrêmi 33:24

“May mâu treng uănh hĕ moh nau phung ƀon lan aơ ngơi? Khân păng lah: ‘Brah Yêhôva hŏ chalơi bar ndŭl mpôl Păng hŏ săch jêh.’ Pônây, khân păng mưch phung ƀon lan Gâp, Pônây, mâu uănh phung ƀon lan aơ jêng du phung ƀon lan đŏng ôh!

Yêrêmi 42:18

N'hêl nanê̆ yơh, Brah Yêhôva ma phung tahan, Brah Ndu Israel, lah: ‘Nâm bu Gâp hŏ nkhŭt jêh nau nuih jêh ri nau ji nuih ma phung gŭ tâm ƀon Yêrusalem, lah khân may hăn rlet ma bri Êjipt, Gâp mra nkhŭt nau ji nuih Gâp ma khân may tâm ban lĕ. Khân may mra jêng ndơ bu suai rak jêh ri nau klach krit, nau rak rtăp jêh ri nau bêk prêng. Khân ay may mâu mra hôm saơ ntŭk aơ đŏng ôh.’

Yêrêmi 44:12

Gâp mra sŏk lơi phung Yuđa hôm klen, jêng phung săch jêh ŭch hăn ta bri Êjipt, bu mra ƀư ngroh lơi khân păng ta nây; khân păng mra khĭt tâm bri Êjipt, mra khĭt ma tak đao mâu lah sa sât ji ngot. Ntơm bơh kon se jê̆ tât ma bunuyh toyh mra khĭt da dê yor tak đao mâu lah sa sât ji ngot. Khân păng jêng nau rak rtăp, jêng nau ma bu bêk prêng, jêng nau krit toyh, nau ƀơ̆ ƀơch jêh ri nau bu ƀư mhĭk.

Yêrêmi 44:22

Brah Yêhôva mâu hôm dơi srôih đŏng ôh lĕ nau mhĭk kan khân ay may ƀư jêh ri nau ƀơ̆ ƀơch khân ay may hŏ ƀư tih jêh, yor nây nar aơ bri dak khân ay may hŏ jêng nau bu rak rtăp jêh, jêng du ntŭk rngol, jêng ntŭk rngot klâng, mâu geh bunuyh gŭ ôh.

Nau Nhĭm Vơl 4:15

Bu kuăl huy: “Du der! Nây jêng ndơ ƀơ̆! Du der! Du der ngai! Lơi ta pah bi!” Yor nây, khân păng du der jêh ri nsong mblêng ta aơ ta ri; Phung mpôl bunuyh tâm lĕ bri dak lah: “Khân păng mâu dơi gŭ ta aơ đŏng ôh.”

Êsêkiêl 34:26

Gâp mra ƀư ăn khân păng đah lĕ ntŭk văr jŭm yôk Gâp jêng tu nau ueh uĭn. Gâp mra ăn tŭp dak mih tâm di yan; dak mih nây mra jêng nau ueh uĭn.

Êsêkiêl 37:11

Păng lah ma gâp: “Hơi kon bunuyh, đơ nting aơ jêng lĕ rngôch ngih Israel. Aơ, khân păng ngơi pô aơ: ‘Nting hên lĕ kro jêh, nau kâp gân hên lĕ roh, hên bu ƀư rai lĕ jêh!’”

Êsêkiêl 5:15

Tơlah Gâp hao ji nuih phat dôih may, nkhŭt nau ji nuih nduyh nkra may, pôri may mra jêng bêk prêng jêh ri nau bu mưch rmot, nau mbơh lor jêh ri nau krit toyh ăn ma bri dak gŭ jŭm may. Gâp yơh jêng Brah Yêhôva lah pônây!

Daniel 9:11

Lĕ rngôch phung Israel ƀư tih da dê nau vay May, rle ndŭr kơi, mâu ŭch tông bâr May ôh. Yorlah pônây, lĕ nau rtăp rak jêh ri nau ton nchih tâm nau vay Y-Môis, oh mon Brah Ndu, hŏ nkhŭt jêh ta klơ hên yorlah hên ƀư tih jêh đah May.

Mika 5:7

Phung hôm e klen bơh Y-Yakôb Mra gŭ ta nklang lĕ bri dak, Jêh ri gŭ ta nklang âk phung ƀon lan nâm bu yau mŭr gŭ ta nklang mpô mpa bri, Nâm bu kon yau mŭr gŭ ta nklang phung biăp; Lah păng hăn rgăn mra jot plên, Jêh ri kăp sa hêk mâu geh ôh nơm dơi rklaih.

Sôphôni 3:16

Tâm nar nây, bu mra lah ma ƀon Yêrusalem: “Hơi Siôn, lơi klach ôh! Lơi ăn ti may ra ai ôh!

Sôphôni 3:20

Tâm nôk nây, Gâp mra djôt leo khân may plơ̆ sĭt, Nây jêng nôk Gâp tâm rgum tay khân may; Yorlah Gâp mra ƀư ma khân may lư n'găr Jêh ri geh nau tâm rnê ta nklang lĕ rngôch phung ƀon lan tâm neh ntu, Lah Gâp leo phung tă ƀư bu nă bơh phung khân may plơ̆ sĭt Tanăp măt khân may ro,” Brah Yêhôva lah pônây.

Ndrom Samƀŭt bơh Agê 2:19

Khân may hôm e đŏng ntil găr tâm jay prăp? Kŏ tât aƀaơ aơ, tơm krăk ƀâu, tơm rvi, tơm pom gra nat, tơm ôlive, tâm ban lĕ mâu geh ôh luh play. Ƀiălah ntơm bơh nar aơ, Gâp mra ăn nau ueh uĭn ma khân may.’ ”

Ndrom Samƀŭt bơh Agê 2:5

‘Tĭng nau Gâp hŏ ton jêh tâm nau tâm rnglăp njêng đah khân may dôl khân may du luh tă bơh n'gor bri Êjipt, jêh ri Brah Huêng ueh Gâp hôm gŭ ta nklang khân may, yor nây lơi khân may klach ôh.’

Sakari 1:19

Gâp ôp tông mpăr dôl ngơi đah gâp: “Moh phung nke nây jêng?” Păng plơ̆ lah: “Nây jêng phung nke hŏ ƀư rai pru pra jêh phung Yuđa, phung Israel jêh ri phung Yêrusalem.”

Sakari 14:11

Yêrusalem mra geh bunuyh gŭ, păng mâu mra geh nau rai đŏng ôh, ƀiălah mra gŭ đăp rmên ngăn.

Sakari 8:15

“pôri nar aơ tâm ban lĕ, Gâp hŏ mĭn tay ăn nau ueh yô̆ ma ƀon Yêrusalem jêh ri ma ngih Yuđa. Khân may lơi ta klach ôh!

Sakari 8:9

Brah Yêhôva ma phung tahan lah: “Tâm nar aơ, khân may jêng phung gŭ iăt lĕ nau ngơi tă bơh bâr mbung phung nơm mbơh lor, tâm nar jây Brah Yêhôva ma phung tahan, nâm bu ntĭt ngih brah, gay ƀư mbon ndâk njêng, pôri ăn khân may ƀư hom ma ti khân may nơm dơi dăng!

Sakari 9:13

Gâp mra van phung Yuđa nâm bu na gâp, Jêh ri Êphraim nâm bu hăr păng. Hơi ƀon Siôn, Gâp mra nsônh phung kon may Tâm rdâng đah phung kon Javan, Jêh ri Gâp mra ăn may jêng nâm bu đao phung tahan dăng tâm lơh.”

I Kôrintô 16:13

Ăn khân may gŭ njrăng hơm, gŭ nâp tâm nau chroh, ăn khân may nănh nuih n'hâm jêh ri ktang.

Galati 3:14

gay tâm Yêsu Krist ma nau ueh lăng prăp ma Y-Abraham tât ma phung bu năch, jêh ri ma nau chroh he dơi sŏk dơn nau ton ma Brah Huêng Ueh.

Nau Vay Nkah Tay 26:19

Păng ƀư ma khân may dơi geh nau tâm rnê, nau lư n'găr jêh ri nau yơk, rlau lơn lĕ rngôch ntil mpôl băl Păng hŏ rhăk njêng jêh, jêh ri khân may mra jêng du phung ƀon lan kloh ueh prăp ăn ma Yêhôva Brah Ndu khân may, tĭng nâm Păng hŏ lah jêh.”

Nau Vay Nkah Tay 28:37

Jêh ri khân may mra jêng du nau krit kir, du nau bu gơm jêh ri du nau ngơi srơh mbơh bir ta nklang phung ƀon lan Brah Yêhôva mra njŭn khân may tât.