Sakari 7:6 - Nau Brah Ndu Ngơi 2023

⁶ Lah khân may nhêt sa, mâu di bơh yor ma khân may nơm dĭng nhêt mâu lah sa?

Sakari 7:6 Iomraidhean Croise

I Nau Rêh Jêng 29:22

Tâm nar nây, khân păng sông sa nhêt sa răm maak ngăn tanăp Brah Yêhôva. Tơ̆ rơh bar, khân păng n'hao ăn kon bu klâu Y-Đavit jêng Y-Salômôn hao ƀư hađăch. Khân păng sŏk amoh Brah Yêhôva gay tŏ dak ƀâu kah ma Y-Salômôn ƀư hađăch jêh ri ăn Y-Sadôk jêng kôranh ƀư brah.

Êsai 43:23

May mâu nhhơr ôh biăp jêng ndơ ƀư brah gŭch ma Gâp, Mâu nhhơr mpa ƀư brah gay yơk mbah ma Gâp. Gâp mâu dơm mbăk jâk ma may ndrel lĕ ndơ nhhơr, Mâu lĕ mâp ƀư rgănh may yorlah su ndơ ƀâu kah.

Êsai 58:3

Khân păng ôp: ‘Hên ât sông sa, mâm ƀư Kôranh Brah mâu saơ ôh? Hên ntrŭnh săk hên nơm, mâm ƀư Kôranh Brah mâu gĭt?’ Aơ, tâm nar ât sông sa, khân may joi nau ƀư maak ma khân may nơm, Jêh ri tŭn jot lĕ rngôch phung pah kan ma khân may.

Ndrom Samƀŭt bơh Ôsê 8:13

Nđâp tơlah khân păng nhhơr mpa ƀư brah ma Gâp Jêh ri sa puăch mpa ƀư brah, Ƀiălah Brah Yêhôva ăt mâu sŏk dơn khân păng. Abaơ Păng kah gĭt tay nau djơh mhĭk khân păng Jêh ri tâm rmal nau tih khân păng; Khân păng mra plơ̆ sĭt ma n'gor Êjipt!

Ndrom Samƀŭt bơh Ôsê 9:4

Khân păng mâu mra kêt ndrănh ndơ nhhơr nhêt ma Brah Yêhôva đŏng ôh, Lĕ mpa ƀư brah khân păng ăt mâu mra ƀư maak nuih n'hâm Păng. Ƀănh khân păng mra jêng nâm bu ƀănh ngih geh rngot ndrê, Mbu moh sa mra jêng ƀơ̆ ƀơch da dê; Yorlah ƀănh khân păng knŏng prăp ma khân păng nơm bah ji ngot, Mâu dơi djôt lăp ôh tâm ngih Brah Yêhôva.

Sakari 7:5

“Nkoch hom ma lĕ rngôch phung ƀon lan tâm n'gor jêh ri phung kôranh ƀư brah pô aơ: ‘Khân may ât sông sa jêh ri nhĭm vơl tâm khay prăm jêh ri khay pơh hŏ pơh jât năm aơ jêh, di lĕ yor ma Gâp ngăn, khân may ât sông sa nây?

Sakari 7:7

Nau nây mâu di tă nau ngơi Brah Yêhôva kuăl bơh phung nơm mbơh lor rnôk kăl e hăn mbơh, lah Yêrusalem jêh ri phung ƀon chiau meng gŭ jŭm păng hôm e geh phung ƀon lan gŭ jêh ri geh nau hao jêng, tâm ban ma bri Nêgep jêh ri bri Sêphêla geh phung ƀon lan gŭ lĕ?’”

I Kôrintô 10:31

Pôri, khân may sông sa mâu lah nhêt, mâu lah ƀư moh nau kan êng, ƀư hom lĕ rngôch yor ma nau chrêk rmah Brah Ndu.

Nau Vay Nkah Tay 12:7

Ta nây, tanăp muh măt Yêhôva Brah Ndu, khân may mra nhêt sa nđâp ma phung tâm vâl khân may jêh ri hâk răm ma lĕ rngôch kan ti khân may nơm ƀư, yor Yêhôva Brah Ndu hŏ ăn jêh nau ueh uĭn ma khân may.

Nau Vay Nkah Tay 14:26

Khân may sŏk prăk nây rgâl lĕ ntil nâm bu ndrôk, biăp, ndrănh, mâu lah ndơ nhêt geh ndrui, mâu lah moh ntil ndơ khân may ŭch. Khân may nđâp ma bunuyh tâm ngih khân may mra sông sa nhêt răm maak tanăp Yêhôva Brah Ndu khân may.

Kôlôh 3:17

Ăp ntil nau khân may ngơi mâu lah ƀư, ƀư hom lĕ rngôch nau tâm amoh Kôranh Brah jêng Brah Yêsu, yor tă Păng he lah ueh Brah Ndu, jêng Brah Ndu Mbơ̆.

I Samuel 16:7

Ƀiălah Brah Yêhôva lah ma Y-Samuel: “Lơi ta uănh padih mâu lah ma nau păng prêh juat ôh, yorlah Gâp dun jêh ma păng. Brah Yêhôva mâu uănh nâm bu bunuyh uănh ôh; bunuyh uănh padih, ƀiălah Brah Yêhôva uănh saơ tâm trôm nuih n'hâm.”