Sakari 7:5 - Nau Brah Ndu Ngơi 2023

⁵ “Nkoch hom ma lĕ rngôch phung ƀon lan tâm n'gor jêh ri phung kôranh ƀư brah pô aơ: ‘Khân may ât sông sa jêh ri nhĭm vơl tâm khay prăm jêh ri khay pơh hŏ pơh jât năm aơ jêh, di lĕ yor ma Gâp ngăn, khân may ât sông sa nây?

Sakari 7:5 Iomraidhean Croise

II Phung Hađăch 25:23

Tơlah lĕ rngôch phung kôranh tahan jêng Y-Ismaêl, kon bu klâu Y-Nêthania; Y-Jôhanan, kon bu klâu Y-Karêa; Y-Sêraya, kon bu klâu Y-Tanhumet tâm ƀon Nêtôphat; Y-Jasania, kon bu klâu Y-Makatit, jêh ri phung tahan khân păng, gĭt da dê ma hađăch Babilôn hŏ dơm jêh Y-Gêdalia ƀư kôranh chiă uănh, pôri khân păng hăn tât ma păng ta ƀon Mispa.

II Phung Hađăch 25:25

Ƀiălah khay pơh, Y-Ismaêl, kon bu klâu Y-Nêthania, sau Y-Êlisama bơh noi deh hađăch, djôt leo ndrel jât bunuyh tât ta ƀon Mispa lơh nkhĭt Y-Gêdalia, ndrel ma phung Yuđa jêh ri phung Kaldê gŭ ndrel păng.

Êsai 43:23

May mâu nhhơr ôh biăp jêng ndơ ƀư brah gŭch ma Gâp, Mâu nhhơr mpa ƀư brah gay yơk mbah ma Gâp. Gâp mâu dơm mbăk jâk ma may ndrel lĕ ndơ nhhơr, Mâu lĕ mâp ƀư rgănh may yorlah su ndơ ƀâu kah.

Êsai 58:3

Khân păng ôp: ‘Hên ât sông sa, mâm ƀư Kôranh Brah mâu saơ ôh? Hên ntrŭnh săk hên nơm, mâm ƀư Kôranh Brah mâu gĭt?’ Aơ, tâm nar ât sông sa, khân may joi nau ƀư maak ma khân may nơm, Jêh ri tŭn jot lĕ rngôch phung pah kan ma khân may.

Yêrêmi 25:11

Lĕ rngôch bri aơ mra jêng du ntŭk rngot njăp, ƀơ̆ ƀơch, lĕ rngôch phung mpôl băl aơ mra pah kan ma hađăch bri Babilôn tâm pơh jât năm.’

Yêrêmi 29:10

Brah Yêhôva lah: “Lah lôch jêh pơh jât năm ăn ma phung Babilôn, Gâp mra hăn chop khâl khân may, mra ƀư lôch nau ton ueh jêh ma khân may, jêh ri mra njŭn leo khân may plơ̆ sĭt ma ntŭk aơ.”

Yêrêmi 52:12

Tâm nar jât khay prăm, năm rơh jât ma sĭn Y-Nêbukatnetsar chiă uănh, hađăch Babilôn, Y-Nêbusaradan kôranh phung tahan gak, gŭ êp hađăch Babilôn, lăp tâm ƀon Yêrusalem.

Daniel 9:2

năm tal nguay rnôk rô̆ păng chiă uănh nây, gâp, Y-Daniel, tĭng nâm nau ŭch nti nau Brah Ndu ngơi, dơi gĭt mrô năm mra găn rlau êlor lôch rnôk Yêrusalem jêng rngot njăp, nau Brah Yêhôva hŏ lah jêh ma nơm mbơh lor Y-Yêrêmi, jêng pơh jât năm.

Ndrom Samƀŭt bơh Ôsê 7:14

Khân păng mâu lĕ nuih n'hâm kuăl mbơh sơm ma Gâp, Ƀiălah gŭ nter klơ sưng bê̆ch khân păng; Khân păng rek tor êng khân păng nơm gay dăn ba ƀlê jêh ri ndrănh mhe; Khân păng ƀư rlăng ma Gâp.

Sakari 1:12

Nôk nây, tông mpăr bơh Brah Yêhôva lah: “Hơi Brah Yêhôva ma phung tahan, May hŏ ji nuih đah ƀon Yêrusalem jêh ri phung ƀon tâm n'gor Yuđa tâm pơh jât năm aơ jêh. Ndah hôm jŏ nau May mâu mra yô̆ ma khân păng?”

Sakari 7:3

Khân păng ôp ma phung kôranh ƀư brah tâm ngih Brah Yêhôva ma phung tahan jêh ri ma phung nơm mbơh lor pô aơ: “Di lĕ hên dơi nhĭm vơl jêh ri prăp êng hên nơm ăn kloh ueh tâm khay prăm nâm bu hŏ vay ƀư tâm ăp năm?”

Sakari 7:4

Nôk nây geh nau ngơi bơh Brah Yêhôva ma phung tahan lah ma gâp pô aơ:

Sakari 7:6

Lah khân may nhêt sa, mâu di bơh yor ma khân may nơm dĭng nhêt mâu lah sa?

Sakari 8:19

Brah Yêhôva ma phung tahan lah: “Lĕ nau ât sông sa ta khay puăn, ta khay prăm ta khay pơh, jêh ri khay jât mra jêng nau maak răm, jêh ri lĕ nar rƀŭn bêng ma nau maak ma Yuđa. Yor nây rŏng hom ma nau nanê̆ ngăn jêh ri đăp mpăn.”

Mathay 23:5

Lĕ kan khân păng ƀư yorlah ŭch ma bu saơ. Yor ri, khân păng ƀư lĕ dŭng dĭ prăp nau vay, ntrŭnh grong ao ma jong;

Mathay 6:16

Tơlah khân may ât sông sa, lơi ƀư ôh muh măt rngot nâm bu phung bunuyh geh nuih n'hâm nklă, yorlah khân păng jan ƀư muh măt rngot gay lĕ rngôch bunuyh gĭt ma khân păng ât sông sa. Nanê̆, Gâp lah ma khân may, phung nây hŏ dơn jêh nau nkhôm ma khân păng.

Mathay 6:2

Pôri, tơlah may ƀư kan nau ăn ndơ yô̆, lơi uh nŭng tra năp may ôh nâm bu phung bunuyh nuih n'hâm nklă ƀư tâm ngih rƀŭn jêh ri rŏ trong sâng gay ma bu rnê. Nanê̆, Gâp lah ma khân may, phung nây hŏ dơn jêh nau nkhôm ma khân păng.

Mathay 6:5

Tơlah khân may mbơh sơm, lơi jêng ôh nâm bu phung bunuyh nuih n'hâm nklă; yorlah khân păng ŭch dâk mbơh sơm tâm ngih rƀŭn jêh ri ta meng trong gay ma bu saơ. Nanê̆, Gâp lah ma khân may, phung nây khân păng hŏ dơn jêh nau nkhôm ma khân păng.

I Kôrintô 10:31

Pôri, khân may sông sa mâu lah nhêt, mâu lah ƀư moh nau kan êng, ƀư hom lĕ rngôch yor ma nau chrêk rmah Brah Ndu.

II Kôrintô 5:15

Jêh ri yorlah Păng khĭt ntrok an ma lĕ rngôch, gay ma phung bunuyh gŭ rêh mâu gŭ rêh yor khân păng nơm ôh, ƀiălah gŭ rêh ma Nơm hŏ khĭt jêh ri dâk rêh tay ma khân păng nơm.

Kôlôh 3:23

Moh ntil khân may ƀư, ƀư hom ma lĕ nuih n'hâm, nâm bu ƀư ma Kôranh Brah lĕ, mâu di ƀư ma bunuyh ôh,