Sakari 7:12 - Nau Brah Ndu Ngơi 2023

¹² Khân păng ƀư ăn nuih n'hâm jêng dăng nâm bu lŭ diamôn, gay mâu tăng nau vay jêh ri lĕ nau ngơi Brah Yêhôva ma phung tahan hŏ njuăl jêh ma Huêng Brah Păng ăn ma phung nơm mbơh lor kăl e ri. Yor nây Brah Yêhôva ma phung tahan geh nau ji nuih toyh ngăn.

Sakari 7:12 Iomraidhean Croise

II Nau Rêh Jêng 36:13

Păng tâm rdâng đŏng đah hađăch Nêbukatnetsar, jêng nơm hŏ nchâp păng sơm ton ma amoh Brah Ndu. Păng plơ̆ jêng dăng bôk jêh ri kranh nuih n'hâm, mâu ŭch plơ̆ sĭt ma Yêhôva Brah Ndu Israel.

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Ndrom Samƀŭt bơh Yôp 9:4

Brah Ndu blau mĭn jêh ri geh nau brah toyh: Mbu moh tâm rdâng đah Păng ƀiălah hôm dơi geh nau đăp mpăn?

Nau Mprơ Ơm 50:17

Yor may tâm rmot nau nkra nti, Mƀăr lơi pakơi lĕ nau Gâp lah.

Nau Ngluh Êjipt 7:13

Nuih n'hâm Pharaôn ăt hôm dăng, mâu iăt ôh nau Y-Môis jêh ri Y-Arôn, di nâm nau Brah Yêhôva hŏ lah jêh.

Êsai 46:12

Ơ phung geh nuih n'hâm dăng, Ơ phung gŭ ngai bơh nau sŏng srăng, Gŭ iăt hom Gâp.

Êsai 48:4

Yorlah Gâp gĭt jêh khân may dăng bôk, Trô ko may geh rse suan loih, Ndăr kleng may dăng nâm bu kông,

Êsai 6:10

Ƀư hom ma phung ƀon lan aơ rluk mâl, Tê̆k trôm tôr, nhêp măt; Klach lah măt khân păng dơi saơ, Tôr khân păng dơi tăng, Nuih n'hâm khân păng dơi gĭt rbăng, Jêh nây khân păng plơ̆ sĭt jêh ri bu ƀư bah!”

Êsai 65:12

Gâp mra tâm nal khân may ma đao, Lĕ rngôch khân may mra chon mon dơn nau bu nkhĭt; Yorlah Gâp hŏ kuăl ƀiălah khân may mâu plơ̆ lah ôh, Gâp ngơi jêh ƀiălah khân may mâu iăt. Khân may ƀư jêh nau mhĭk tâm dâng măt Gâp, Jêh ri hŏ săch jêh nau mâu ƀư maak ma Gâp.”

Yêrêmi 17:1

“Nau tih ƀon lan Yuđa dơi nchih đah mâng nchih loih, Tor kach ma chiông lŭ mplanh diamôn, Ta klơ tâm trôm nuih n'hâm jêh ri ta nke lĕ nơng ƀư brah khân păng,

Yêrêmi 17:23

Ƀiălah, chô yau khân may mâu ŭch iăt ôh, mâu meng. Khân păng dăng bôk dăng trô ko mâu rkêng tôr iăt, mâu sŏk dơn nau nkra nti.’

Yêrêmi 26:19

Y-Hêsêkia, hađăch Yuđa, jêh ri lĕ rngôch ƀon lan phung Yuđa nkhĭt lơi păng nây lĕ? Mâu di hĕ hađăch hŏ klach yơk ma Brah Yêhôva jêh ri vơl dăn nau yô̆ Brah Yêhôva, pôri Brah Yêhôva tâm rgâl nau mĭn mâu nkhŭt nau mhĭk tâm ban ma Păng hŏ mbơh lor jêh ma khân păng lĕ? Bi aƀaơ he ŭch vơt dơn nau mhĭk toyh ngăn ma he nơm!”

Yêrêmi 42:21

Nar aơ, gâp mbơh jêh nau nây ma khân ay may, ƀiălah khân ay may mâu tông ôh bâr Yêhôva Brah Ndu hŏ mprơh jêh gâp hăn mbơh tay ma khân ay may.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Yêrêmi 7:20

Yor nây, Kôranh Yêhôva lah: “Aơ, nau ji nuih Gâp, nau ji nuih Gâp, mra nkhŭt jŭr ntŭk aơ, ta klơ bunuyh jêh ri mpô mpa, ta klơ tơm si tâm mir jêh ri kao play neh; nau ji nuih nây mra hit gring gring, mâu dơi buh nhhât ôh.”

Êsêkiêl 11:19

Gâp mra ăn ma khân păng nuih n'hâm mhe, dơm tâm khân păng nau mĭn mhe, sŏk lơi nuih n'hâm ma lŭ luh bơh nglay săk khân păng jêh ri ăn ma khân păng nuih n'hâm ma puăch

Êsêkiêl 14:5

Tâm ban pônây, Gâp dơi sŏk ăn nuih n'hâm ƀon lan Israel phung nkhah du jêh tă bơh Gâp yor ma khân păng mbah rup brah.

Êsêkiêl 2:4

Nây jêng phung kon sau sưr dăng bôk Gâp prơh may hăn tât ma khân păng. Lah hom đah khân păng pô aơ: ‘Nau Yêhôva Brah Ndu lah pô aơ!’

Êsêkiêl 36:26

Gâp mra ăn ma khân may nuih n'hâm mhe jêh ri Gâp mra dơm huêng brah mhe tâm khân may. Gâp mra sŏk lơi nuih n'hâm ma lŭ bơh nglay săk khân may jêh ri ăn ma khân may nuih n'hâm ma mlay.

Sakari 1:2

“Brah Yêhôva nuih ngăn ma phung chô yau khân may.

Sakari 7:7

Nau nây mâu di tă nau ngơi Brah Yêhôva kuăl bơh phung nơm mbơh lor rnôk kăl e hăn mbơh, lah Yêrusalem jêh ri phung ƀon chiau meng gŭ jŭm păng hôm e geh phung ƀon lan gŭ jêh ri geh nau hao jêng, tâm ban ma bri Nêgep jêh ri bri Sêphêla geh phung ƀon lan gŭ lĕ?’”

Mathay 13:15

Yorlah nuih n'hâm phung aơ jêng brơl; Tôr lĕ rngêl, Măt lĕ nhêp, Klach măt lĕ saơ, Tôr lĕ tăng, Nuih n'hâm lĕ gĭt rbăng, Khân păng plơ̆ tay, Jêh ri Gâp mra ƀư bah an.’

Markôs 4:12

gay ăn: Uănh ăt uănh, ƀiălah mâu saơ, Tăng ăt tăng, ƀiălah mâu gĭt rbăng ôh; Klach lah khân păng rmal nau tih jêh ri geh nau yô̆ an.”

Luka 8:12

Lĕ grăp tŭp rŏ trong jêng phung bunuyh hŏ tăng jêh nau chroh, ƀiălah pakơi phung brah mhĭk văch sŏk pit lơi nau chroh nây tă bơh nuih n'hâm khân păng, klach khân păng nsing jêh ri geh nau rklaih.

Kôranh Oh Mon 28:27

Yorlah nuih n'hâm phung ƀon lan aơ plơ̆ jêng ngo klĕng, Tôr khân păng rngêl, Măt khân păng nhêp. Klach lah măt khân păng saơ, Tôr khân păng tăng, Nuih n'hâm khân păng gĭt rbăng, Jêh ri khân păng plơ̆ tay, Gay ma Gâp ƀư bah khân păng hĕ.’

II Pêtrôs 1:21

yorlah mâu geh du ntil nau mbơh lor luh tă bơh bunuyh mĭn, ƀiălah Brah Huêng Ueh sŭk nsôr khân păng ngơi nau luh bơh Brah Ndu.