Sakari 7:11 - Nau Brah Ndu Ngơi 2023

¹¹ Ƀiălah khân păng dun mâu ŭch iăt, dăng bôk jêh ri ndôn kơi, nsêt lơi tôr khân păng nơm gay lơi ăn tăng ôh nau ngơi.

Sakari 7:11 Iomraidhean Croise

II Nau Rêh Jêng 33:10

Brah Yêhôva hŏ lah ma Y-Manasê jêh ri phung ƀon lan păng, ƀiălah khân păng mâu meng ôh.

Nêhêmi 9:17

Khân păng mâu tông bâr ôh jêh ri mâu kah gĭt ma nau mbên khlay ngăn ngên Kôranh Brah hŏ ƀư jêh ta nklang khân păng, Ƀiălah khân păng dăng ko jêh ri tâm nôk tâm rdâng, Khân păng săch du huê kôranh chiă uănh gay leo ma khân păng plơ̆ sĭt tay nau ƀư dĭk. Ƀiălah Kôranh Brah jêng Brah Ndu rơm ndrăp yô̆ an, vay ƀư nau yô̆, jêh ri yô̆ nđach, Mâu gơnh ji nuih jêh ri bêng ma nuih n'hâm ueh. Kôranh Brah mâu chalơi khân păng ôh.

Nêhêmi 9:26

Nđâp lah pônây, khân păng mâu tông bâr lĕ jêh ri tâm rdâng đah May, Chalơi nau vay Kôranh Brah pakơi, Nkhĭt phung nơm mbơh lor May, jêng phung mbơh ăn khân păng gay ăn khân păng plơ̆ sĭt tay ma Kôranh Brah, Jêh ri khân păng ƀư rngot lơ hâu lơn ma May.

Nêhêmi 9:29

Kôranh Brah mbơh đŏng ăn khân păng njrăng, gay ƀư ăn khân păng plơ̆ sĭt ma nau vay May. Ƀiălah khân păng gŭ ngao ma nau sưr, mâu tông tĭng ôh ma nau vay ntăm bơh Kôranh Brah. Khân păng ƀư tih đah nau vay ƀư bơh Kôranh Brah, jêng nau vay ƀư ngăn tơlah mbu nơm tông, nanê̆ mra dơi rêh. Khân păng dăng bôk, dăng ko jêh ri mâu ŭch tông bâr ôh.

Nau Ngluh Êjipt 10:3

Y-Môis jêh ri Y-Arôn hăn tât ta Pharaôn jêh ri lah: “Brah Yêhôva jêng Brah Ndu phung Hêbrơ lah: ‘Ndah nâm jŏ may mâu ŭch ntrŭnh may nơm tanăp măt Gâp? Ăn phung ƀon lan Gâp hăn, gay ma khân păng dơi pah kan ma Gâp.

Êsai 28:12

Păng hŏ lah jêh đah khân păng: “Aơ jêng ntŭk rlu, Ăn hom nơm rgănh dơi rlu; Aơ jêng ntŭk đăp mpăn.” Ƀiălah khân păng mâu ŭch iăt ôh.

Êsai 46:12

Ơ phung geh nuih n'hâm dăng, Ơ phung gŭ ngai bơh nau sŏng srăng, Gŭ iăt hom Gâp.

Êsai 6:10

Ƀư hom ma phung ƀon lan aơ rluk mâl, Tê̆k trôm tôr, nhêp măt; Klach lah măt khân păng dơi saơ, Tôr khân păng dơi tăng, Nuih n'hâm khân păng dơi gĭt rbăng, Jêh nây khân păng plơ̆ sĭt jêh ri bu ƀư bah!”

Êsai 65:12

Gâp mra tâm nal khân may ma đao, Lĕ rngôch khân may mra chon mon dơn nau bu nkhĭt; Yorlah Gâp hŏ kuăl ƀiălah khân may mâu plơ̆ lah ôh, Gâp ngơi jêh ƀiălah khân may mâu iăt. Khân may ƀư jêh nau mhĭk tâm dâng măt Gâp, Jêh ri hŏ săch jêh nau mâu ƀư maak ma Gâp.”

Yêrêmi 11:10

Khân păng plơ̆ sĭt ma nau tih mhĭk phung che khân păng jêng phung mâu ŭch iăt nau Gâp. Khân păng hŏ hăn tĭng jêh ri yơk mbah lĕ brah êng. Ngih Israel jêh ri ngih Yuđa hŏ ƀư rai nau tâm rnglăp Gâp hŏ ndâk đah chô yau khân păng.

Yêrêmi 13:10

Phung ƀon lan mhĭk aơ mâu ŭch iăt ôh nau Gâp, sŏl ko ƀư tĭng nau mĭn nuih n'hâm khân păng nơm, nchuăt tĭng ndô̆ phung brah êng ŭch pah kan jêh ri yơk mbah. Khân păng mra jêng mâu hôm dŏng nâm bu rse vân bŭt aơ.”

Yêrêmi 17:23

Ƀiălah, chô yau khân may mâu ŭch iăt ôh, mâu meng. Khân păng dăng bôk dăng trô ko mâu rkêng tôr iăt, mâu sŏk dơn nau nkra nti.’

Yêrêmi 17:27

Ƀiălah tơlah khân may mâu tông ôh bâr Gâp gay gĭt prăp êng ma nar saƀat jêng kloh ueh, jêh ri nar saƀat hôm tung mbăk hăn lăp mpông ƀon Yêrusalem, pôri gâp mra sŭnh ŭnh ta mpông ƀon, ŭnh nây mra su rai lĕ ngih hađăch ƀon Yêrusalem, mâu geh nơm dơi buh nhhât ôh.’”

Yêrêmi 19:15

“Brah Yêhôva ma phung tahan, Brah Ndu phung Israel lah, lah: ‘Aơ, Gâp dăch ăn ma ƀon aơ jêh ri lĕ ƀon gŭ dăch ma lĕ rngôch nau mhĭk tât Gâp hŏ mbơh lor jêh, yorlah khân păng dăng bôk dăng trô ko mâu ŭch iăt ôh nau Gâp.’”

Yêrêmi 35:15

Gâp ƀaƀơ prơh hăn jêh lĕ rngôch phung oh mon Gâp, jêng phung nơm mbơh lor, hăn tât lah ma khân may: “Ăp nơm tâm khân may mra chalơi trong mhĭk jêh ri tâm rgâl nau khân may ƀư. Lơi ta tĭng ôh gay pah kan ma lĕ brah êng, ri mơ khân may mra gŭ tâm bri Gâp hŏ ăn jêh ma khân may jêh ri ma phung chô yau khân may.” Ƀiălah khân may mâu mâp rkêng tôr, jêh ri mâu iăt ôh nau Gâp.

Yêrêmi 36:31

Gâp mra tâm rmal păng, noi deh păng, jêh ri phung kôranh păng, yor nau mhĭk khân păng. Gâp mra ăn tât ma khân păng, jêh ri ma phung gŭ tâm ƀon Yêrusalem jêh ri phung Yuđa, lĕ rngôch nau mhĭk tât Gâp hŏ mbơh jêh ma khân păng ƀiălah khân păng mâu ŭch iăt ôh.’”

Yêrêmi 42:21

Nar aơ, gâp mbơh jêh nau nây ma khân ay may, ƀiălah khân ay may mâu tông ôh bâr Yêhôva Brah Ndu hŏ mprơh jêh gâp hăn mbơh tay ma khân ay may.

Yêrêmi 44:16

“Nau may ngơi jêh ma hên tâm amoh Brah Yêhôva, hên mâu mra iăt ôh.

Yêrêmi 5:21

Ăn iăt hom, hơi phung ƀon lan rluk mâl, Geh măt mâu gĭt saơ, Geh tôr mâu gĭt tăng.”

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Yêrêmi 7:24

Ƀiălah khân păng mâu iăt, mâu srâng iăt; sŏl ko chuat hăn tĭng lĕ nau mĭn êng khân păng nơm, tĭng tâm nau nuih n'hâm djơh mhĭk jêh ri dăng ko păng nơm; khân păng plơ̆ sĭt pakơi mâu hăn ôh rlet panăp.

Yêrêmi 7:26

Ƀiălah khân păng mâu ŭch iăt Gâp, mâu ŭch lĕ srâng iăt, lơ hâu dăng bôk dăng ko, gŭ ngao mhĭk lơn ma phung chô yau khân păng.”

Yêrêmi 8:5

Pôri mâm ƀư ƀon lan plăch hăn, Yêrusalem aơ mâu răp jăp mro? Khân păng ăt hôm sâl mray nau ndơm, Dun nau plơ̆ sĭt.

Êsêkiêl 14:5

Tâm ban pônây, Gâp dơi sŏk ăn nuih n'hâm ƀon lan Israel phung nkhah du jêh tă bơh Gâp yor ma khân păng mbah rup brah.

Êsêkiêl 3:7

Ƀiălah ngih Israel mâu mra iăt nau may ôh yorlah khân păng mâu ŭch iăt Gâp. Yorlah lĕ rngôch ngih Israel dăng bôk dăng nuih n'hâm da dê.

Êsêkiêl 5:6

Ƀiălah păng tâm rdâng đah nau vay ƀư bơh Gâp, ƀư nau ƀai rlau lơn ma lĕ bri dak êng, păng dun nau vay dăp Gâp rlau lơn ma bri dak gŭ jŭm păng yorlah khân păng chalơi nau vay ƀư bơh Gâp jêh ri mâu tĭng nau vay dăp Gâp ôh.

Daniel 9:5

Hên hŏ geh nau tih jêh, ƀư nau tih, gŭ ngao djơh mhĭk, hên tâm rdâng, chalơi đah lĕ nau vay ntăm jêh ri nau vay ƀư bơh May.

Ndrom Samƀŭt bơh Ôsê 4:16

Yorlah Israel dăng bôk Nâm bu ndrôk me druh dăng ko; Di lĕ aƀaơ Brah Yêhôva siăm khân păng Nâm bu biăp kon hăn nsong tâm ndrêch gơ̆ huy?

Sôphôni 3:2

Păng mâu tông ôh bâr bu, Mâu dơn nau nkra ntĭm; Mâu rnơm nsing ma Brah Yêhôva, Mâu hăn dăch ôh Brah Ndu păng.

Sakari 1:4

Lơi ta ƀư nâm bu phung chô yau khân may, phung nơm mbơh lor kăl e hŏ kuăl jêh khân păng, Brah Yêhôva ma phung tahan lah: ‘Chalơi hom trong mhĭk jêh ri nau djơh janh khân may ƀư.’ Ƀiălah khân păng mâu iăt ôh, mâu lĕ ŭch gŭ mĭn ma Gâp. Pôri Brah Yêhôva lah.

Mathay 13:15

Yorlah nuih n'hâm phung aơ jêng brơl; Tôr lĕ rngêl, Măt lĕ nhêp, Klach măt lĕ saơ, Tôr lĕ tăng, Nuih n'hâm lĕ gĭt rbăng, Khân păng plơ̆ tay, Jêh ri Gâp mra ƀư bah an.’

Kôranh Oh Mon 7:51

Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!

Kôranh Oh Mon 7:57

Nôk nây, khân păng nter hâu ngăn, nsêt tôr jêh ri lĕ rngôch nchuăt rduh lăp nhŭp Y-Êtiên

ហេឞ្រើ 12:25

Njrăng hom, lơi dun ma Nơm ngơi đah khân may. Yorlah tơlah khân păng dun iăt nơm mbơh nau mbơh lor ma khân păng ta neh ntu, rlau lơn ma he tâm rdâng đah Nơm ntrŭnh nau mbơh lor bơh trôk, lơ hô mâu dơi klaih ôh.