Sakari 7:10 - Nau Brah Ndu Ngơi 2023

¹⁰ Lơi tŭn jot ôh phung kon đơi, bu ur ndrô, nơm gŭ njưh tâm n'gor, mâu lah nơm o ach. Lơi ta mĭn tâm nuih n'hâm ŭch ƀư nau mhĭk ma oh nâu nơm.’

Sakari 7:10 Iomraidhean Croise

Nau Mprơ Ơm 140:2

Jêng phung nchră ŭch ƀư nau mhĭk tâm nuih n'hâm, Jêh ri ăp nar ŭch nau tâm lơh.

Nau Mprơ Ơm 21:11

Nđâp tơlah khân păng ŭch ƀư tâm rdâng ma Kôranh Brah Khân păng mĭn ƀư nau ƀai, ƀiălah khân păng mâu dơi jêng ôh.

Nau Mprơ Ơm 36:4

Păng nchră ŭch ƀư nau mhĭk ta klơ sưng păng, Gŭ dâk tâm trong mâu ueh, Jêh ri mâu chalơi ôh nau ƀai.

Nau Mprơ Ơm 72:4

Hađăch mra phat dôih phung o ach tâm ƀon lan, Tâm rklaih phung pưt kƀah Jêh ri hađăch mra jot hăch phung tŭn jot.

Nau Ngluh Êjipt 23:9

Lơi may tŭn jot ôh phung bu năch, khân may nơm hŏ gĭt rbăng jêh nuih n'hâm phung bu năch mâm jêng, yorlah khân may hŏ tă jêng bu năch jêh tâm n'gor Êjipt.”

Nau Hôr 3:29

Lơi dĭng tâm nchră ƀư mhĭk ma bunuyh chiau meng may ôh, Yorlah bunuyh dôl gŭ rêh ueh mpăn kêng may.

Nau Hôr 6:18

Nuih n'hâm ŭch tâm nchră ma nau mhĭk, Jâng gơnh nchuăt ran ƀư nau janh,

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Yêrêmi 21:12

Hơi ngih Y-Đavit! Brah Yêhôva lah: Ăp ôi ƀư hom nau sŏng srăng, Rklaih hom bunuyh bu tŭn jot tă bơh ti nơm tŭn jot, Klach lah yor khân may ƀư nau mhĭk, Ma nau Gâp ji nuih hit nâm bu ŭnh.’ Mâu geh nơm dơi nhhât ôh.

Yêrêmi 49:11

Chalơi hom phung kon đơi may, Gâp nơm mra king n'gang nau rêh khân păng; Phung bu ur ndrô khân may nsing hom ma Gâp!”

Yêrêmi 5:28

Khân păng toyh jêh ri lay. Nau tih mhĭk khân păng lĕ rlau keh; Khân păng mâu phat dôih ma nau di gay ma phung kon đơi dơi geh, Ăt mâu sâm kơl nau geh ma phung o ach.”

Yêrêmi 7:6

tơlah khân may mâu tŭn jot ôh phung bu năch, phung kon đơi mâu lah bu ur khĭt sai, jêh ri mâu ƀư pling mham mâu geh nau tih ta ntŭk aơ, mâu lĕ nchuăt tĭng phung brah êng gay vơt nau mhĭk ma khân may nơm,

Êsêkiêl 18:12

tŭn jot phung o ach mâu geh ndô ndơ, ntŭng ndơ bu, mâu mplơ̆ ôh ndơ nchăm ăn ma nơm geh rnon, kâp gân ma phung rup brah jêh ri ƀư ma nau ƀơ̆ ƀơch,

Êsêkiêl 22:12

Ta ntŭk may, bu dơn ndơ blŏl gay ƀư pling mham, may sŏk jêh prăk sa kao jêh ri n'hao prăk sa kao, may tŭn jot phung chiau meng gay geh ndơ jêh ri lĕ chuêl jêh Gâp, Kôranh Brah Yêhôva lah pônây.

Êsêkiêl 22:29

Phung ƀon lan tâm n'gor bri ƀư nau dăng ktang, ƀư tih nau ntŭng ndô ndơ bu, rkhŭk phung o ach, phung mâu geh ndơ jêh ri tŭn jot bunuyh gŭ njơh ƀât lât, mâu ƀư nau tâm di.

Êsêkiêl 22:7

Ta ntŭk may, bu tâm rmot mê̆ mbơ̆; ta ntŭk may, bu tŭn jot ma nơm njơh ƀât lât; ta ntŭk may, bu tŭn jot ma phung kon đơi ndrel phung ndrô.

Amôt 4:1

Hơi phung ndrôk me phung Basan, gŭ ta klơ yôk Samari, Iăt hom! Khân may tŭn jot phung o ach jêh ri jot plên phung mâu geh mâu jêng, Jêh ri lah ma sai khân păng pô aơ: “Djôt hom ndơ nhêt tât ta aơ!”

Sakari 8:17

lơi ta mĭn nau mhĭk tâm nuih n'hâm ŭch ƀư djơh ndrăng khân may nơm; jêh ri lơi ta rŏng nau ton mƀruh ôh, yorlah Gâp tâm rmot ma lĕ rngôch nau nây.” Brah Yêhôva lah kơt nây.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.

I Kôrintô 6:10

Lơi ta ndơm mƀruh khân may nơm. Phung văng tĭr, phung mbah rup brah, phung tâm lâm, bu klâu ndrăng bu klâu jêh ri bu ur ndrăng bu ur, phung ntŭng, phung kơnh rlau ir, phung nhŭl ndrănh, phung dăng suai rak, phung ntŭng, mâu mra dơi dơn ƀon bri hađăch Brah Ndu ôh.

Nau Vay Nkah Tay 27:19

‘Di ma rak rtăp ma nơm nsak nkhăng nau di ma nơm gŭ njưh ƀât lât, ma bunuyh kon đơi, jêh ri ma bu ur ndrô!’ Ăn lĕ rngôch phung ƀon lan mra plơ̆ lah: ‘Amen!’

Yakơ 5:4

Aơ, prăk nkhôm phung rek ba nkhôm tâm lôk mir khân may, khân may ntŭng prăp ma khân may nơm, dôl lŭng nter; jêh ri bâr nteh phung rek nây hao tât ta tôr Kôranh Brah geh lĕ nau brah.

I Yôhan 3:15

Mbu nơm tâm rmot ma phung oh nâu păng nơm jêng bunuyh tâm nkhĭt bunuyh, jêh ri khân may gĭt mâu geh ôh du huê nkhĭt bunuyh geh nau rêh n'ho ro gŭ tâm păng.