Sakari 6:6 - Nau Brah Ndu Ngơi 2023

⁶ Phung ndeh seh krăk hăn tât ta n'gor mpeh pa lơ, jêh ri phung seh nglang hăn tĭng pakơi păng, jêh ri phung seh êr rvanh hăn tât ta n'gor mpeh pa dâng.”

Sakari 6:6 Iomraidhean Croise

Êsai 30:6

Nau mbơh lor ma lĕ mpô mpa n'gor Nêgep: Rgăn lam bri rêh ni jêh ri rngot rvê, Bri ma phung yau mŭr me jêh ri nkuăng, Bri ma phung bêh rmâng jêh ri bêh ŭnh mpăr, Khân păng rdeng drăp ndơ khân păng ma ndŭr kơi seh bri, Jêh ri rdeng drăp ndơ khlay khân păng ta klơ vơng seh samô Hăn tât ma du phung ƀon lan mâu jêng khlay ma khân păng ôh.

Êsai 43:6

Gâp mra lah ma mpeh pa lơ pô aơ: ‘Ăn mƀơk hom!’ Jêh ri lah ma mpeh pa dâng pô aơ: ‘Lơi kuăn prăp ôh!’ Djôt leo hom phung kon bu klâu Gâp plơ̆ sĭt tă bơh ngai, Djôt leo phung kon bu ur Gâp plơ̆ sĭt tă bơh bôl dŭt bri neh;

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 4:6

Yơr hom n'ha kơ rle mpeh Siôn! Hăn du hom, lơi ta nsrŭng ôh! Yorlah Gâp mra djôt tât du nau mhĭk tă bơh mpeh pa lơ, Jêng du nau ƀư rai toyh.

Yêrêmi 46:10

Ma nar nây jêng nar Kôranh Brah, jêng Brah Yêhôva ma phung tahan, Jêng nar har plơng bôk, Gay har plơng ma phung rlăng đah Păng. Đao rvăn kŏ tât hơm, Nhêt mham hơm mpay. Yorlah Kôranh Brah, jêng Yêhôva ma phung tahan, Nâm bu ndơ ƀư brah nhhơr tâm bri mpeh pa lơ, ta kơh dak krong Ơphrat.

Yêrêmi 51:48

Nôk nây, trôk, neh jêh ri ăp ntil ndơ tâm nây Geh bâr troh maak ma Babilôn Yorlah phung ƀư rai tă bơh mpeh pa lơ Văch tât ƀư rai păng.” Brah Yêhôva lah pônây.

Yêrêmi 6:1

“Hơi phung kon sau Benjamin, Du hom bơh Yêrusalem gay geh nau đăp mpăn! Uh hom nŭng ta Têkôa, Yơr kơ nau mbên klơ ƀon Bet-Hakêrem; Yorlah nau ji tưp jêh ri nau ƀư rai toyh ngăn, Bơh mpeh pa lơ dôl văch tât.

Êsêkiêl 1:4

Ri gâp saơ geh phŭt văch tât tă bơh mpeh pa lơ khôm tât, geh du ndâr tŭk toyh put ŭnh hit sol ang văr jŭm păng, jêh ri tă bơh tâm nklang ŭnh nây geh ndơ n'gă ang nâm bu kông nchrat lơp lam trôk.

Daniel 11:40

Ta rnôk nglĕ dŭt, hađăch mpeh pa dâng mra hăn tâm lơh đah hađăch mpeh pa lơ. Ƀiălah hađăch mpeh pa lơ djôt ndeh seh, phung tahan ncho seh jêh ri âk kumpăn hăn tâm lơh nâm bu phŭt chuănh. Hađăch nây hôm e hăn lơh lĕ bri dak, ler nâm bu dak lip.

Daniel 11:9

Pakơi nau nây, Hađăch mpeh pa lơ geh lăp tâm n'gor bri hađăch mpeh pa dâng, ƀiălah plơ̆ sĭt tay ta n'gor bri păng nơm.

Nau Tâm Mpơl 6:5

Tơlah Kon Biăp pơk tâp pŏng rơh pe, gâp tăng mpa rêh rơh pe lah: “Văch hom!” Gâp uănh, ri, geh du mlâm seh krăk. Nơm ncho seh djôt njing tâm ti păng.