Sakari 6:5 - Nau Brah Ndu Ngơi 2023

⁵ Tông mpăr plơ̆ lah: “Nây jêng puăn ntil sial ta klơ trôk luh du, lah lôch jêh mpơl khân păng nơm panăp măt Kôranh Brah lam bri neh ntu.

Sakari 6:5 Iomraidhean Croise

I Phung Hađăch 19:11

Brah Yêhôva lah ma păng: “Hăn luh hom, dâk ta klơ yôk panăp Brah Yêhôva.” Ri, Brah Yêhôva mra prot rgăn; geh sial khôm ktang ngăn, kŏ tât rlâm đang yôk jêh ri ƀư nchah lĕ lŭ tanăp măt Brah Yêhôva, ƀiălah mâu geh Brah Yêhôva gŭ tâm sial nây ôh. Jêh sial nây, geh nau n'găr neh ntu, ƀiălah mâu geh Brah Yêhôva gŭ tâm nau n'găr neh ntu nây ôh.

I Phung Hađăch 22:19

Y-Mika lah tay: “Pônây, iăt hom nau Brah Yêhôva ngơi: Gâp saơ Brah Yêhôva gŭ ta klơ sưng hađăch, jêh ri lĕ rngôch phung tahan tâm trôk gŭ dâk mpeh pa ma jêh ri mpeh pa chiau Păng.

Ndrom Samƀŭt bơh Yôp 1:6

Geh du nar nây, phung tông mpăr Brah Ndu văch mpơl măt tanăp Brah Yêhôva. Satan tât ndrel ma khân păng.

Nau Mprơ Ơm 148:8

Hơi ŭnh jêh ri mih pler, dak pler jêh ri n'hôl dak, Sial jêh ri phŭt ktang, tông hom bâr Păng ntăm.

Nau Mprơ Ơm 68:17

Ndeh Brah Ndu âk rbăn, âk rmưn, mâu dơi kơp; Kôranh Brah gŭ tâm nklang lĕ ndeh nây, Bơh yôk Sinai chuat lăp tâm ntŭk kloh ueh.

Êsai 54:5

Yorlah sai ay jêng Nơm Rhăk Njêng ay; Amoh Păng jêng Brah Yêhôva ma phung tahan. Nơm Tâm Chuai ay jêng Nơm Kloh Ueh Israel, Bu mra rnha Păng jêng Brah Ndu ma lĕ neh ntu.

Yêrêmi 49:36

Gâp mra ƀư sial tă bơh puăn njônh khôm tât ma bri Êlam. Gâp mra ƀư ma khân păng du chah rai pru pra ăp puăn njônh sial nây; mâu geh bri dak mâu geh phung bu mprơh tă bơh ma Êlam.

Êsêkiêl 11:22

Rnôk nây phung chêrubim lĭ nting năr ndrel ma lĕ jâng ndeh ta meng khân păng, jêh ri nau chrêk rmah Brah Ndu Israel gŭ ta klơ khân păng.

Êsêkiêl 37:9

Rnôk nây Păng lah ma gâp: “Hơi kon bu nuyh, mbơh lor hom ma sial; mbơh lor hom jêh ri lah ma sial pô aơ Kôranh Brah Yêhôva lah: Hơi nau n'hâm nsôr, văch tât bơh sial puăn njônh jêh ri nsôr ta klơ lĕ rngôch bunuyh bu nkhĭt gay khân păng dơi rêh.”

Daniel 11:4

Ƀiălah tơlah hađăch nây hŏ nâp jêh pôri ƀon bri hađăch păng mra nchah rai jêh ri tâm pă mpeh puăn njônh sial tâm trôk, ƀiălah mâu dơi nkoch tay ma phung kon sau păng ôh, mâu lĕ di dŏng nau dơi ntơm saơm gay ma chiă uănh đŏng ôh. Ƀon bri hađăch păng mra rôk lĕ jêh ri ăn ma phung êng mâu di noi deh păng ôh.

Daniel 7:10

Tanăp măt Păng, Du n'hor dak krong ŭnh hoch. Rbăn rbăn nuyh pah kan ma Păng Rmưn rmưn gŭ tanăp Păng Phung phat dôih ntơm phat dôih, Ndrom samƀŭt hŏ pơk jêh.

Daniel 7:2

Y-Daniel lah: “Dôl măng, tâm nau tâm saơ, gâp saơ sial lam puăn njônh trôk ƀư mpât dak mƀŭt.

Sakari 4:10

Yorlah mbu moh mưch rmot ma lĕ nau kan jê̆ lê̆ tâm nar ntơm mra gŭ maak lah saơ rse ndơ veh di rnhuan tâm ti Y-Sôrôƀaƀel. Pơh mlâm ŭnh kađen jêng găr măt Brah Yêhôva uănh lam bri neh.

Sakari 4:14

Tông mpăr lah: “Nây jêng bar hê bunuyh hŏ tŏ dak ngi gay ma pah kan ăn ma Kôranh Brah tâm lĕ neh ntu.”

Sakari 6:1

Gâp n'gơr đŏng măt jêh ri uănh saơ, geh puăn mlâm ndeh seh luh tă bơh ta nklang bar mlâm yôk, lĕ yôk nây jêng yôk ma kông.

Mathay 18:10

“Njrăng hom, lơi tâm rmot ma du huê tâm phung kon se jê̆ aơ! Yorlah Gâp lah ma khân may, phung tông mpăr khân păng gŭ klơ trôk saơ ƀaƀơ muh măt Mbơ̆ Gâp jêng Nơm gŭ klơ trôk.

Mathay 24:31

Păng mra njuăl phung tông mpăr Păng uh nŭng nteh ktang tâm rgum phung Păng hŏ săch jêh lam puăn njônh, ntơm bơh jâng trôk aơ tât ta jâng trôk ri.

Luka 1:19

Tông mpăr plơ̆ lah: “Gâp jêng Gabriel, ƀaƀơ gŭ tanăp Brah Ndu. Gâp dơi njuăl văch gay lah đah may jêh ri mbơh Nau Mhe Mhan Ueh ma may.

ហេឞ្រើ 1:14

Mâu di hĕ lĕ rngôch phung tông mpăr jêng phung huêng brah pah kan, Brah Ndu njuăl hăn pah kan ma phung bunuyh dơn nau tâm rklaih hĕ?

ហេឞ្រើ 1:7

Păng lah ma phung tông mpăr: “Brah Ndu ƀư ma phung tông mpăr tâm ban ma sial, Jêh ri ma phung oh mon Păng tâm ban ma mpiăt ŭnh.”

Yôsuê 3:11

Aơ, Hip Nau Tâm Rnglăp Kôranh Brah ma lĕ neh ntu hăn lor panăp khân may, rgăn dak krong Yurdan.

Nau Tâm Mpơl 7:1

Jêh nau nĕ, gâp saơ puăn nuyh tông mpăr dâk ta puăn njônh neh ntu, khân păng nkân lơi puăn chiông sial gay mâu geh sial khôm ta klơ neh ntu, ta klơ dak mƀŭt mâu lah klơ ăp tơm si.