Sakari 6:11 - Nau Brah Ndu Ngơi 2023

¹¹ Ăn may sŏk dơn prăk jêh ri mah nây ƀư du mlâm đon hađăch, jêh ri ndô klơ bôk kôranh ƀư brah toyh lơn Y-Yôsuê, kon bu klâu Y-Jêhôsadak.

Sakari 6:11 Iomraidhean Croise

II Samuel 12:30

Hađăch sŏk lơi đon hađăch ta klơ bôk hađăch phung Ammôn jêh ri ndô ta klơ bôk păng. Đon hađăch nây njing jâk klăp lah pe jât puăn kilô mah, geh ndop lŭ khlay. Y-Đavit leo ndô ndơ sŏk gro tă bơh ƀon nây âk ngăn ngên.

Êsra 10:18

Tâm noi phung kôranh ƀư brah ăt geh phung hŏ nsông jêh ur bu năch. Tâm noi deh Y-Jêsua, kon Y-Jôsadak, jêh ri tâm phung oh mâu păng geh Y-Maseya, Y-Êliêser, Y-Jarip jêh ri Y-Gêdalia.

Êsra 3:2

Rnôk nây, Y-Jêsua, kon bu klâu Y-Jôsadak, jêh ri phung oh nâu păng jêng kôranh ƀư brah êng, ndrel ma Y-Sôrôƀaƀel, kon bu klâu Y-Sêaltiêl jêh ri phung mpôl băl păng, dâk hăn gay ndâk nkra nơng ƀư brah Brah Ndu phung Israel, gay nhhơr ndơ ƀư brah gŭch ta klơ nơng nây, tĭng nâm nau nchih jêh tâm nau vay Y-Môis, jêng bunuyh Brah Ndu.

Nau Mprơ Ơm 21:3

Yorlah Kôranh Brah sŏk nau ueh uĭn jêh ri vơt dơn păng; Ndô đon hađăch ta klơ bôk păng ma mah chrêk.

Nau Ngluh Êjipt 29:6

ndô môk ta bôk jêh ri dơm pŏk jê̆ kloh ueh ta klơ môk;

Nau Ngluh Êjipt 39:30

Khân păng ƀư đŏng du pŏk jê̆ nâm bu rup đon hađăch kloh ueh ma mah chrêk, chrăk klơ nây lĕ rplay samƀŭt: “KLOH UEH MA BRAH YÊHÔVA” tâm ban ma bu chrăk ndơ tâp pŏng,

Nau Mprơ Ueh 3:11

Hơi, phung bu ur druh Siôn, Gơnh oi uănh hađăch Salômôn. Păng ndô đon hađăch me păng hŏ n'gân ta klơ bôk hađăch. Tâm nar tâm nkol ur sai hađăch, Nar nuih n'hâm hađăch hâk răm.

Kan Lêvi 8:9

sâm ndô môk ta bôk, nkuăk pŏk jê̆ mah tanăp môk, jêng đon hađăch kloh ueh, tĭng nâm nau Brah Yêhôva hŏ ntăm jêh ma Y-Môis.

Ndrom Samƀŭt bơh Agê 1:1

Tâm nar năng nguay khay prao, năm rơh bar, rnôk hađăch Darius, geh nau Brah Yêhôva lah ta nơm mbơh lor Y-Agê ma Y-Sôrôƀaƀel kon bu klâu Y-Sêaltiêl, kôranh chiă uănh n'gor Yuđa, jêh ri ma Y-Yôsuê kon bu klâu Y-Jêhôsadak, kôranh ƀư brah toyh lơn, kơt aơ:

Ndrom Samƀŭt bơh Agê 1:14

Jêh nây Brah Yêhôva ntrôl nuih n'hâm kôranh chiă uănh n'gor Yuđa jêng Y-Sôrôƀaƀel, kon bu klâu Y-Sêaltiêl, nuih n'hâm Y-Yôsuê kôranh ƀư brah toyh lơn, kon bu klâu Y-Jêhôsadak, jêh ri nuih n'hâm lĕ rngôch phung ƀon lan hôm e klen. Khân păng văch pah kan da dê ta ntŭk ngih Brah Yêhôva ma phung tahan, jêng Brah Ndu khân păng.

Ndrom Samƀŭt bơh Agê 2:4

Pôri aƀaơ, Brah Yêhôva lah: ‘Hơi Y-Sôrôƀaƀel, janh nănh hom! Bi ma may, Y-Yôsuê kôranh ƀư brah toyh lơn, kon bu klâu Y-Jêhôsadak, janh nănh hom tâm ban lĕ! Hơi lĕ rngôch phung ƀon lan gŭ tâm n'gor, nănh hom!’ Brah Yêhôva lah đŏng: ‘Pah kan hom, yorlah Gâp gŭ ndrel ma khân may,’ Brah Yêhôva ma phung tahan lah pônây.

Sakari 3:1

Brah Yêhôva tâm mpơl đŏng ma gâp saơ kôranh ƀư brah toyh lơn Y-Yôsuê dâk panăp tông mpăr Brah Yêhôva, jêh ri Satan gŭ mpeh pa ma păng ŭch phong păng.

Sakari 3:5

Nôk nây, gâp lah: “Dăn Kôranh Brah ndô môk kloh klơ bôk păng đŏng.” Pôri khân păng ndô klơ bôk môk kloh jêh ri bu ăn păng nsoh ao jâr; tông mpăr Brah Yêhôva dôl dâk êp ta nây.

Sakari 6:14

Đon hađăch mra gŭ tâm ngih Brah Yêhôva jêng du ntil ndơ kah gĭt ma Y-Hêlem, Y-Tôbia, Y-Jêdaya jêh ri Y-Hen kon bu klâu Y-Sêphania.”

ហេឞ្រើ 2:9

Ƀiălah he saơ Brah Yêsu, Brah Ndu dơm Păng dêh lơn phung tông mpăr tâm ƀât lât, aƀaơ aơ ndô jêh đon hađăch nau chrêk rmah jêh ri nau yơk yor nau khĭt, Păng dơn jêh, yor ma nau yô̆ bơh Brah Ndu, Păng dơi dơn nau khĭt yor ma lĕ rngôch bunuyh.

Nau Tâm Mpơl 19:12

Măt Păng nâm bu mpiăt ŭnh; ta bôk Păng geh âk đon hađăch, ta klơ geh nchih du amoh, mâu geh nơm gĭt ôh, knŏng Păng nơm.

Nau Tâm Mpơl 6:2

Gâp uănh, ri, du mlâm seh nglang. Nơm ncho seh nĕ geh du mlâm na jêh ri bu ăn ma păng du mlâm đon hađăch. Păng hăn luh nâm bu du huê bunuyh tŭn mpet jêh ri dơi jêh.