Sakari 6:1 - Nau Brah Ndu Ngơi 2023

¹ Gâp n'gơr đŏng măt jêh ri uănh saơ, geh puăn mlâm ndeh seh luh tă bơh ta nklang bar mlâm yôk, lĕ yôk nây jêng yôk ma kông.

Sakari 6:1 Iomraidhean Croise

II Phung Hađăch 6:17

Jêh nây Y-Êlisê mbơh sơm: “Hơi Brah Yêhôva, dăn ma may pơk măt ma oh mon gâp, gay păng dơi saơ.” Brah Yêhôva pơk măt oh mon nây, jêh nây păng dơi saơ klơ yôk bêng ma seh jêh ri ndeh seh ma ŭnh dôl gŭ jŭm Y-Êlisê.

Ndrom Samƀŭt bơh Yôp 34:29

Lah Păng gŭ rklăk, mbu nơm dơi phong Păng? Lah Păng pôn muh măt, mbu nơm dơi saơ Păng? Nđâp lah Păng hôm mât uănh ăp phung ndŭl mpôl mâu lah ăp nau rêh bunuyh,

Nau Mprơ Ơm 33:11

Brah Yêhôva mĭn ƀư dơi gŭ nâp n'ho ro. Nau Păng mĭn tâm nuih n'hâm hôm e bơh rnôk aơ tât ma rnôk ri.

Nau Mprơ Ơm 36:6

Nau sŏng srăng May jêng tâm ban ma phung yôk toyh huy; Nau May phat dôih jêng tâm ban ma ntu jru ngăn. Ơ Brah Yêhôva, dăn May prăp phung bunuyh jêh ri mpô mpa.

Nau Hôr 21:30

Mâu geh nau blau mĭn, nau gĭt rbăng, mâu lah moh nau ŭch nchră Dơi tâm rdâng đah Brah Yêhôva.

Êsai 43:13

Ngăn yơh, ntơm bơh rnôk kăl e Gâp jêng Brah Ndu yơh; Mâu geh nơm dơi klaih bơh ti Gâp ôh. Rnôk Gâp pah kan, mbu nơm dơi king Gâp?”

Êsai 66:15

Yorlah aơ, Brah Yêhôva mra văch tâm ŭnh, Jêh ri ndeh seh Păng mra jêng tâm ban ma sial vănh blông, Gay nkhŭt nau Păng ji nuih ktang, Jêh ri nau Păng nduyh tâm chiông ŭnh hit.

Yêrêmi 4:13

Aơ, păng văch tât nâm bu ndâr tŭk, Ndeh seh păng nâm bu phŭt chuănh đô̆, Seh ndơ tâm lơh păng prăl lơn nâm bu klang ƀŭng. Rêh ni ăn ma hên yorlah phung hên roh rai jêh!

Daniel 4:15

Ƀiălah ăn om tơm jêh ri reh păng ta neh ntu, Sŏk rse rvăk loih jêh ri kông kât lơi păng Ta nklang gơ̆ nđĭr tâm mir. Ăn păng bĕ ma dak ngom bơh klơ trôk Jêh ri tâm pă ndrêch gơ̆ tâm dâng neh ma mpô mpa bri!

Daniel 4:35

Lĕ rngôch bunuyh gŭ ta neh ntu jêng tâm ban ma dơm dam. Păng ƀư tĭng nâm nau Păng ŭch da dê ma lĕ manh tâm trôk Nđâp ma phung bunuyh gŭ ta neh ntu. Mâu geh du huê dơi nkân ti Păng Mâu lah ôp: “Moh nau May ƀư?”

Daniel 8:22

Bi nke deh jêh ri puăn mlâm nke êng hon ntrok ta ntŭk nây, nây jêng puăn ƀon bri hađăch luh tă bơh bri dak nây ƀiălah mâu geh nau ktang kơt bri dak nây ôh.

Sakari 5:1

Gâp n'gơr măt uănh jêh ri saơ geh du ndrom samƀŭt ntâu dôl mpăr.

Sakari 6:5

Tông mpăr plơ̆ lah: “Nây jêng puăn ntil sial ta klơ trôk luh du, lah lôch jêh mpơl khân păng nơm panăp măt Kôranh Brah lam bri neh ntu.

Kôranh Oh Mon 4:28

gay ƀư ma lĕ rngôch nau kan ti May jêh ri nau mĭn May hŏ nal jêh bơh lor.

Êphêsô 1:11

Tâm Păng đŏng, he dơi săch jêng phung sŏk dơn ndơn drăp hŏ tâm nal jêh tĭng nau Brah Ndu dăp, Nơm ƀư lôch lĕ ntil ndơ tĭng nau Păng ŭch,

Êphêsô 3:11

tĭng nau ŭch n'ho ro Păng hŏ ƀư lôch jêh tâm Brah Yêsu Krist, Kôranh Brah he.

I Samuel 2:8

Yorlah lĕ meh n'gâng neh ntu jêng ndơ Brah Yêhôva, Păng hŏ dơm jêh neh ntu klơ nây.