Sakari 5:3 - Nau Brah Ndu Ngơi 2023

³ Tông mpăr lah ma gâp: “Nây jêng nau rak rtăp lam bri neh. Mbu moh ntŭng bu mra ƀư rai tĭng nâm nau nchih mpeh du đah tâm samƀŭt aơ; jêh ri mbu moh ton mƀruh bu mra ƀư rai lơi tĭng nâm nau nchih đah ri tâm ndrom samƀŭt aơ.”

Sakari 5:3 Iomraidhean Croise

Nau Ngluh Êjipt 20:15

May mâu dơi ntŭng.

Nau Hôr 29:24

Mbu nơm tâm rnglăp ndrel bunuyh ntŭng jêng rlăng đah huêng păng nơm; Păng tăng nau rak rtăp ƀiălah mâu mpơl ôh du ntil nau.

Nau Hôr 3:33

Nau Brah Yêhôva rak rtăp gŭ tâm ngih phung ƀai, Ƀiălah Păng ăn nau ueh uĭn ma ngih nơm sŏng srăng.

Nau Hôr 30:9

Klach lah dôl rmeh ler, gâp dun Kôranh Brah, Ngơi pô aơ: “Brah Yêhôva jêng mbu nơm?” Mâu lah dôl gâp o ach mra hăn ntŭng, Jêh ri ƀư ƀơ̆ amoh Brah Ndu ma gâp đŏng.

Êsai 24:6

Yor nây, nau rak rtăp sa rvăn neh, Phung ƀon lan klơ păng krêp nau tih. Yor nây phung gŭ tâm neh ŭnh sa, Knŏng hôm klen djê̆ bunuyh.

Êsai 43:28

Yor nây, Gâp mra ƀư bêk phung kôranh tâm ntŭk kloh ueh; Gâp jao Yakôb ma nau ƀư rai, Jêh ri jao Israel ma nau bu suai rak.

Êsai 48:1

Iăt hom nau aơ, Ơ ngih Yakôb, Jêng phung bu rnha ma amoh Israel, Luh tơm bơh Y-Yuđa, Jêng phung ton săk tâm amoh Brah Yêhôva, Jêh ri vơh vơl ma Brah Ndu phung Israel, Ƀiălah mâu geh nuih n'hâm nanê̆ ngăn jêh ri sŏng srăng ôh.

Yêrêmi 23:10

Bri dak bêng ma phung văng tĭr; Geh nau rak rtăp rĭ dĭng bri dak geh nau rngot rvê, Lĕ rngôch ndrêch gơ̆ tâm bri rdah kro da dê jêh. Trong khân păng hăn jêng nau kue, Nau dơi khân păng djôt jêng nau mâu di.

Yêrêmi 26:6

pôri Gâp mra phat ma ngih aơ nâm bu hŏ phat jêh ma ƀon Silô, jêh ri ƀư ma ƀon aơ jêng du nau rak rtăp ta nklang lĕ rngôch bri dak ta neh ntu.’”

Yêrêmi 5:2

Nđâp lah khân păng ngơi: ‘Nanê̆ nâm bu Brah Yêhôva gŭ rêh mro mrăng!’ Khân păng ăt ton mbruh!”

Yêrêmi 7:9

Mâu di hĕ khân may ntŭng, nkhĭt bunuyh, ƀư tih văng tĭr, ton mƀruh, nhhơr ndơ ƀâu kah ăn ma brah Baal, tĭng ndô̆ brah êng, jêng brah khân may mâu gĭt lĕ?

Êsêkiêl 2:9

Gâp n'gơr uănh jêh ri saơ du ti djôt du ndrom samƀŭt ndơ̆ let gâp.

Daniel 9:11

Lĕ rngôch phung Israel ƀư tih da dê nau vay May, rle ndŭr kơi, mâu ŭch tông bâr May ôh. Yorlah pônây, lĕ nau rtăp rak jêh ri nau ton nchih tâm nau vay Y-Môis, oh mon Brah Ndu, hŏ nkhŭt jêh ta klơ hên yorlah hên ƀư tih jêh đah May.

Ndrom Samƀŭt bơh Ôsê 4:2

Knŏng bêng ma nau rak rtăp, mâu răp jăp, nkhĭt bunuyh, Nau ntŭng jêh ri văng tĭr; Khân păng ƀư lĕ nau pling mham aơ tât ma nau pling mham êng.

Kan Lêvi 19:11

Khân may mâu dơi ntŭng ôh, mâu lĕ dơi ngơi nchơt jêh ri mƀruh ndrăng he.

Kan Lêvi 19:12

Khân may mâu dơi sŏk amoh Gâp ôh gay ton mƀruh, yorlah kơt nây jêng ngơi sưr tât ta amoh Brah Ndu khân may. Gâp jêng Brah Yêhôva.

Amôt 3:10

Brah Yêhôva lah: “Khân păng mâu gĭt ƀư nau sŏng ôh; Khân păng bun bêng drăp ndơ mhĭk ƀai jêh ri ƀư nau ntŭng tâm lĕ pôih toyh khân păng.”

Sakari 5:4

Brah Yêhôva ma phung tahan lah: “Gâp mra ƀư ma ndrom samƀŭt aơ hăn, păng mra lăp tâm ngih phung ntŭng, jêh ri tâm ngih phung ton mƀruh ma amoh Gâp. Păng mra gŭ ta nklang ngih vâl nây jêh ri su ƀư rai ngih vâl nây, nđâp ma kađar jêh ri lŭ.”

Sakari 8:17

lơi ta mĭn nau mhĭk tâm nuih n'hâm ŭch ƀư djơh ndrăng khân may nơm; jêh ri lơi ta rŏng nau ton mƀruh ôh, yorlah Gâp tâm rmot ma lĕ rngôch nau nây.” Brah Yêhôva lah kơt nây.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Malachi 4:6

Păng mra ƀư ăn nuih n'hâm phung mbơ̆ plơ̆ tay đah nuih n'hâm phung kon, jêh ri nuih n'hâm phung kon plơ̆ tay đah nuih n'hâm phung mbơ̆ khân păng, klach lah Gâp văch lơh bri dak aơ ma nau rak rtăp.”

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Luka 21:35

tâm ban ma lĕ rngôch bunuyh gŭ lam klơ neh ntu.

Êphêsô 4:28

Nơm vay ntŭng, lơi hôm ntŭng ôh; ƀiălah ueh lơn srôih, sŏk ti păng nơm ƀư nau sŏng srăng, gay sâm kơl ma bunuyh pưt kƀah.

I Timôthê 1:9

jêh ri ăn gĭt pô aơ nau vay mâu di ôh jêng ma bunuyh sŏng srăng, ƀiălah ma phung ƀư tih nau vay jêh ri ma phung tâm rdâng, phung mâu ƀư tĭng nau vay jêh ri nau tih, ma phung mâu kloh ueh jêh ri roh nau vay, ma phung nkhĭt mê̆ mbơ̆ jêh ri nkhĭt bunuyh,

Yakơ 5:12

Ƀiălah lor lơn, hơi oh nâu gâp, lơi sơm ton, lơi sơm ton ma trôk, ma neh ntu, mâu lah ma ndơ êng êng; ƀiălah di ngăn jêng lah di ngăn, mâu jêng lah mâu, gay ma bu mâu phat dôih khân may ôh.

Yakơ 5:4

Aơ, prăk nkhôm phung rek ba nkhôm tâm lôk mir khân may, khân may ntŭng prăp ma khân may nơm, dôl lŭng nter; jêh ri bâr nteh phung rek nây hao tât ta tôr Kôranh Brah geh lĕ nau brah.

Yôsuê 9:20

Ăn he ƀư ma khân păng kơt aơ: Ăn ma khân păng gŭ rêh, klach lah Brah Yêhôva ji nuih tât ma he yor nau he ton săk jêh ma khân păng.”

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.