Sakari 4:2 - Nau Brah Ndu Ngơi 2023

² Păng lah ma gâp pô aơ: “Moh ndơ may saơ?” Gâp plơ̆ lah: “Aơ, gâp uănh saơ, du mlâm jâng kađen bu ƀư đah mah, jêh ri du mlâm yăng dak ngi ôlive ta klơ păng; jâng kađen geh pơh mlâm ŭnh kađen, n'hanh ma pơh mlâm dĭng dak ngi ăn luh ăp ŭnh kađen gŭ ta klơ păng.

Sakari 4:2 Iomraidhean Croise

I Nau Rêh Jêng 28:15

rnoh mah gay ƀư lĕ jâng kađen jêh ri kađen ma mah, tâm ăp mlâm jâng kađen jêh ri kađen păng; rnoh prăk gay ƀư lĕ jâng kađen jêh ri kađen ma prăk, tĭng nâm bu dŏng ăp jâng kađen.

II Nau Rêh Jêng 13:11

Ăp ôi ơm jêh ri mhaơ, khân păng nhhơr ndơ ƀư brah gŭch jêh ri gŭch ndơ ƀâu kah ma Brah Yêhôva. Khân păng dăp đŏng piăng let nhhơr ta klơ nơng mah kloh, mpoh lĕ ŭnh kađen ta klơ jâng kađen mah ang mro tâm ăp măng. Yorlah hên djôt prăp nau Yêhôva Brah Ndu hên ntăm jêh, bi khân may lĕ chalơi jêh.

II Nau Rêh Jêng 4:7

Păng ƀư jât mlâm jâng kađen ma mah tĭng nâm bu hŏ ntĭnh jêh, jêh nây dơm khân păng tâm ngih brah: prăm mlâm pa ma, prăm mlâm pa chiau.

Nơm Nti 12:6

Kah gĭt tay hom tât ma Nơm Rhăk Njêng êlor rse prăk tăch, Jêh ri kachok mah nchah; Êlor yăng dak nchah kêng dak n'hor, Rval jâng ndeh pă ta klơ ntu dak,

Yêrêmi 24:3

Brah Yêhôva ôp ma gâp: “Moh ndơ may saơ, ơ Y-Yêrêmi?” Gâp lah: “Gâp saơ play rvi, lĕ play rvi ueh ri ueh ngăn, bi ma play rvi mhĭk ri mhĭk ngăn, mhĭk kŏ tât mâu dơi sa ôh.”

Yêrêmi 52:19

Kôranh phung tahan gak sŏk đŏng lĕ ƀhiau kachok, khăl gŭch ƀâu kah, ngan grưng, glah, jâng kađen, ngan jam nhhơr ndơ ƀâu kah, jêh ri khăl. Moh ndơ bu ƀư ma mah sŏk mah, moh ndơ bu ƀư prăk sŏk prăk.

Amôt 7:8

Brah Yêhôva lah ma gâp: “Hơi Y-Amôt, moh may saơ?” Gâp lah: “Du rse yông ndơ jâk”. Kôranh Brah lah tay: “Aơ, Gâp mra dơm rse yông ndơ jâk ƀư di gay veh phung ƀon lan Israel Gâp; Gâp mâu mra yô̆ ma khân păng ôh.

Sakari 5:2

Tông păr ueh ôp gâp: “Moh ndơ may saơ?” Gâp plơ̆ lah: “Gâp saơ du ndrom samƀŭt ntâu dôl mpăr; jong păng klăp lah sĭn met, dĭ păng puăn met n'gul.”

Nau Tâm Mpơl 1:12

Gâp n'gĭl pakơi gay uănh bâr ngơi ma gâp. Tơlah gâp n'gĭl uănh, gâp saơ pơh jâng kađen mah,

Nau Tâm Mpơl 1:20

Aơ jêng nau khlay ndâp ma pơh mănh mbing may saơ jêh tâm ti ma Gâp, jêh ri pơh jâng kađen mah: Pơh mănh mbing jêng phung tông mpăr ma phung pơh Ngih Brah Ndu, jêh ri pơh jâng ŭnh kađen jêng pơh Phung Ngih Brah Ndu.”

Nau Tâm Mpơl 4:5

Tă bơh sưng hađăch nây luh lơp nglaih, bâr ngơi jêh ri nglaih; geh pơh ŭnh kađen hit ang tanăp sưng hađăch, nây jêng pơh huêng Brah Ndu.