Sakari 4:14 - Nau Brah Ndu Ngơi 2023

¹⁴ Tông mpăr lah: “Nây jêng bar hê bunuyh hŏ tŏ dak ngi gay ma pah kan ăn ma Kôranh Brah tâm lĕ neh ntu.”

Sakari 4:14 Iomraidhean Croise

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

Êsra 5:2

Y-Sôrôƀaƀel, kon bu klâu Y-Sêaltiêl, jêh ri Y-Jêsua, kon bu klâu Y-Jôsadak, mhe tăng nau ngơi Kôranh Brah mbơh nkoch, khân păng ro ntơm ndâk ngih Brah Ndu ta ƀon Yêrusalem, ndrel ma nau kơl bơh phung nơm mbơh lor Brah Ndu.

Nau Mprơ Ơm 110:4

Brah Yêhôva sân săk jêh, Păng mâu tâm rgâl nau mĭn ôh: “May jêng du huê kôranh ƀư brah gŭ n'ho ro tĭng mpôl Mêlkisedek.”

Nau Mprơ Ơm 2:6

Păng lah: “Gâp yơh, Gâp hŏ ndâk Hađăch Gâp hŏ săch Ta klơ Siôn, jêng yôk kloh ueh Gâp.”

Nau Mprơ Ơm 89:20

Gâp joi hŏ dơi saơ jêh Y-Đavit jêng oh mon Gâp, Tŏ ăn păng ma Dak ƀâu kah kloh ueh Gâp,

Nau Ngluh Êjipt 29:7

sŏk dak ƀâu kah nkhŭt ta klơ bôk jêh ri mhĭng ma păng.

Nau Ngluh Êjipt 40:15

mhĭng dak ƀâu kah ma khân păng nâm bu may hŏ mhĭng dak ƀâu kah ma mbơ̆ khân păng gay ma khân păng ƀư kan ndơ ƀư brah ma Gâp. Nau mhĭng dak ƀâu kah nây mra dơn ma khân păng ƀư nau kan ndơ ƀư brah n'ho ro tâm lĕ rô̆ nuyh.”

Êsai 5:1

Gâp mra mprơ ma nơm gâp rŏng Du nau mprơ ma nơm gâp rŏng jêh ri đang krăk ƀâu păng: Nơm gâp rŏng geh du đang krăk ƀâu Ta klơ gôl yôk jêng ngăn.

Êsai 54:5

Yorlah sai ay jêng Nơm Rhăk Njêng ay; Amoh Păng jêng Brah Yêhôva ma phung tahan. Nơm Tâm Chuai ay jêng Nơm Kloh Ueh Israel, Bu mra rnha Păng jêng Brah Ndu ma lĕ neh ntu.

Yêrêmi 49:19

Nâm bu yau mŭr tă bơh lĕ bri krŏng dak krong Yurdan hăn tât ma ndrêch gơ̆ nse ƀaƀơ, Ƀât lât Gâp mra ƀư ăn ma phung Êđôm nchuăt du jêh ri njêng bunuyh Gâp hŏ săch jêh gay chiă uănh păng. Yorlah mbu moh nâm bu Gâp? Mbu nơm mra dơi ntrŭnh ăn ma Gâp? Mbu rmăk biăp nănh tâm rdâng đah Gâp?”

Kan Lêvi 8:12

Păng nkhŭt đŏng dak ngi mhĭng ta bôk Y-Arôn jêh ri mhĭng dak ngi gay prăp êng păng ăn kloh ueh.

Mika 4:13

Pôri hơi kon bu ur ƀon Siôn, Dâk hom jêh ri jot plên! Yorlah Gâp mra ƀư ăn nke ay dăng nâm bu loih Nchop ay nâm bu kông; Ay mra rchiăt hăch âk phung ƀon lan Jêh ri mra nhhơr drăp ndơ geh ăn ma Brah Yêhôva, Jêh ri ndô ndơ ma Kôranh Brah tâm lam neh ntu.”

Sakari 6:13

Păng Nơm ro mra ndâk ngih Brah Yêhôva, păng nơm mra dơi geh nau rnam, gŭ chiă uănh ta klơ sưng hađăch păng, jêh ri ƀư kôranh ƀư brah gŭ klơ sưng hađăch păng; mra geh nau tâm rnglăp ăn đăp mpăn lĕ bar nau kan.’

Sakari 6:5

Tông mpăr plơ̆ lah: “Nây jêng puăn ntil sial ta klơ trôk luh du, lah lôch jêh mpơl khân păng nơm panăp măt Kôranh Brah lam bri neh ntu.

Luka 1:19

Tông mpăr plơ̆ lah: “Gâp jêng Gabriel, ƀaƀơ gŭ tanăp Brah Ndu. Gâp dơi njuăl văch gay lah đah may jêh ri mbơh Nau Mhe Mhan Ueh ma may.

Nau Vay Nkah Tay 10:8

Dôl nây, Brah Yêhôva prăp êng ndŭl mpôl Lêvi tung Hip Nau Tâm Rnglăp bơh Brah Yêhôva, gŭ tanăp Brah Yêhôva, gay pah kan ma Păng jêh ri sŏk amoh Păng gay ăn nau ueh uĭn, kŏ tât ta nar aơ.

Yôsuê 3:11

Aơ, Hip Nau Tâm Rnglăp Kôranh Brah ma lĕ neh ntu hăn lor panăp khân may, rgăn dak krong Yurdan.

Yôsuê 3:13

Tơlah phung kôranh ƀư brah tung Hip Nau Tâm Rnglăp Brah Yêhôva, jêng Kôranh Brah ma lĕ neh ntu, lah jâng khân păng jot tâm dak krong Yurdan, dak krong mâu hôm hoch ôh, jêh ri dak hoch tă bơh tu mra nsŭn ta du ntŭk.”

Nau Tâm Mpơl 11:4

Bar hê bunuyh aơ jêng bar tơm play ôlive jêh ri bar jâng kađen dâk tanăp Kôranh Brah neh ntu.

I Samuel 10:1

Y-Samuel sŏk du nông dak ƀâu kah, tŏ ta klơ bôk Y-Sôl, chŭm păng, jêh ri lah: “Mâu di hĕ Brah Yêhôva hŏ tŏ dak ƀâu ma may gay may jêng kôranh chiă uănh dơn drăp ndơ Păng?

I Samuel 16:1

Brah Yêhôva lah ma Y-Samuel: “May nhĭm nhhiăng yor nau Y-Sôl kŏ tât ndah nâm jŏ? Gâp hŏ chalơi jêh păng, mâu hôm ăn păng jêng hađăch phung Israel đŏng ôh. Troch hom dak ƀâu kah ăn bêng nke jêh ri hăn trong. Gâp mra prơh may hăn tâm mâp đah Y-Yêsê, du huê bunuyh ƀon Ƀêtlêhem, yorlah Gâp hŏ săch du huê hađăch tâm phung kon bu klâu păng.”