Sakari 3:10 - Nau Brah Ndu Ngơi 2023

¹⁰ Brah Yêhôva ma phung tahan lah: “Tâm nar nây, ăp nơm tâm khân may mra jă bunuyh chiau meng păng gŭ tâm dâng tơm krăk ƀâu jêh ri tơm rvi.”

Sakari 3:10 Iomraidhean Croise

I Phung Hađăch 4:25

Du njăr rêh hađăch Salômôn chiă uănh, lĕ phung Yuđa jêh ri phung Israel ntơm bơh Dan tât ma Bêr-Sêba, phung ƀon lan rêh da dê tâm nau đăp mpăn, ăp nơm tâm dâng tơm krăk ƀâu jêh ri tơm rvi păng nơm.

I Phung Hađăch 5:5

Yor ri, gâp ŭch ƀư du mlâm ngih brah ma amoh Yêhôva Brah Ndu gâp, tĭng nâm Brah Yêhôva hŏ ntĭnh jêh ma Y-Đavit, mbơ̆ gâp pô aơ: ‘Kon bu klâu may, Gâp mra dơm ta sưng hađăch chiă uănh thoi ntrok may, mra ndâk du mlâm ngih brah ma amoh Gâp.’

Êsai 32:18

Phung ƀon lan Gâp mra gŭ tâm ntŭk đăp mpăn, Tâm ntŭk gŭ rklăk, tâm ntŭk rlu mpăn ngăn.

Êsai 36:16

Lơi ta iăt Y-Hêsêkia ôh, yorlah hađăch Asiri lah pô aơ: Ƀư hom nau đăp mpăn đah gâp jêh ri ăn may văch ta gâp, pôri ăp nơm tâm khân may ăt mra dơi sa play krăk ƀâu, play rvi, jêh ri nhêt dak bơh nglao prăp păng nơm,

Yêrêmi 32:15

Yorlah Brah Yêhôva ma phung tahan, Brah Ndu Israel, lah: ‘Bu mra rvăt đŏng ngih, mir, jêh ri đang krăk ƀâu tâm bri aơ.’

Ndrom Samƀŭt bơh Ôsê 2:18

Tâm nar nây, Gâp mra ƀư nau tâm rnglăp ta nklang khân may Đah lĕ mpô mpa bri, sĭm klơ trôk, Đah lĕ mpa vơr ta neh. Gâp mra nkê̆ch pă lơi na, tak đao Jêh ri ƀư nau tâm lơh du luh bơh n'gor aơ, Gay khân may dơi gŭ mpăn.

Mika 4:4

Ăp nơm mra gŭ tâm dâng tơm krăk ƀâu khân păng Jêh ri tâm dâng tơm rvi khân păng nơm; Mâu geh ôh nơm ƀư ăn ma khân păng klach Yorlah trôm mbung Brah Yêhôva ma phung tahan hŏ lah jêh.

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.