Sakari 2:5 - Nau Brah Ndu Ngơi 2023

⁵ Brah Yêhôva lah: ‘Gâp nơm yơh mra jêng du mpêr ŭnh gŭ jŭm păng, jêh ri nau chrêk ma lơp Gâp mra gŭ ta nklang păng.’”

Sakari 2:5 Iomraidhean Croise

Nau Mprơ Ơm 125:2

Nâm bu phung yôk gŭ jŭm ƀon Yêrusalem Pônây lĕ Brah Yêhôva gŭ jŭm phung ƀon lan Păng. Ntơm bơh aƀaơ kŏ tât n'ho ro.

Nau Mprơ Ơm 3:3

Ƀiălah Ơ Brah Yêhôva! May jêng khêl king n'gang gâp; May jêng nau chrêk rmah gâp jêh ri jêng Nơm ƀư ma gâp dơi n'gơr bôk.

Nau Mprơ Ơm 46:5

Brah Ndu gŭ ta nklang ƀon nây, păng mâu mra n'gơ ôh. Ơm ôi Brah Ndu mra kơl păng.

Nau Mprơ Ơm 48:12

Hăn hom jŭm yôk Siôn, hăn nsong rvang jŭm ƀon, Kơp lĕ tŭm păng;

Nau Mprơ Ơm 48:3

Brah Ndu gŭ lĕ pôih nâp tâm ƀon Jêh ri Păng jêng ntŭk păng nde krap.

Nau Mprơ Ơm 85:9

Nanê̆ nau Păng tâm rklaih gŭ dăch phung klach yơk ma Păng, Gay ma nau chrêk rmah Păng dơi gŭ tâm n'gor bri he mro.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 31:9

Lŭ toyh păng rnơm mra rlau lôch yor nau klach krit, Phung kôranh chiă uănh păng mra râm nsâr, yor saơ n'ha kơ, Nây jêng nau Brah Yêhôva lah, Nơm geh ŭnh ta Siôn, ŭnh năk tâm ƀon Yêrusalem.

Êsai 32:18

Phung ƀon lan Gâp mra gŭ tâm ntŭk đăp mpăn, Tâm ntŭk gŭ rklăk, tâm ntŭk rlu mpăn ngăn.

Êsai 33:21

Yorlah nau rnam Brah Yêhôva mra gŭ ndrel đah he ta nây, Jêng ntŭk geh dak krong jêh ri dak n'hor huy ngăn, Mâu geh rkĭt sĭt hăn ôh, Mâu geh kumpăn toyh hăn rgăn.

Êsai 4:5

ta klơ lam ntŭk yôk Siôn jêh ri ta klơ phung ƀon tâm rƀŭn, Brah Yêhôva mra rhăk ndâr tŭk dôl nar, nhhŭk ŭnh jêh ri nau ang mpiăt ŭnh tâm dôl măng. Yorlah mra geh ndơ đôr nkŭm ta klơ lĕ rngôch ndơ chrêk rmah;

Yêrêmi 31:39

Rse veh mra drăng sŏng tât yôk Garep, jêh ri ndăch dăr bri Gôa.

Êsêkiêl 38:14

Yor ri, hơi kon bunuyh, mbơh lor hom jêh ri lah ma Y-Gôk pô aơ Kôranh Brah Yêhôva lah: ‘Tâm nar nây, may mâu gĭt Israel jêng phung ƀon lan Gâp dôl gŭ đăp mpăn hĕ?

Êsêkiêl 42:20

Pôri, păng veh lĕ puăn pŭng mpir văr jŭm ngih brah, nau jong bar rhiăng prăm jât met, nau huy bar rhiăng prăm jât met. Mpir aơ gay tâm pă rnglah ntŭk kloh ueh ma đah ntŭk ƀon lan.

Êsêkiêl 47:3

Păng hăn rlet mpeh luh nar, ta ti djôt du njăr rse veh, bunuyh nây veh geh prăm rhiăng met, jêh ri leo gâp re rgăn dak; dak nây jru dah rmăng jâng iăr.

Sakari 1:16

Yor nây, Brah Yêhôva lah: ‘Gâp mra plơ̆ yô̆ đŏng ma ƀon Yêrusalem. Ngih brah Gâp mra ndâk tay ta ntŭk nĕ, jêh ri rse veh di rnhuan mra nthăng tâm ƀon Yêrusalem.’ Brah Yêhôva ma phung tahan lah.

Sakari 2:10

Brah Yêhôva lah: “Hơi kon bu ur ƀon Siôn, troh nter jêh ri hâk răm hom! Yorlah aơ, Gâp dôl văch jêh ri Gâp mra gŭ ta nklang khân may.

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Sakari 9:14

Nôk nây, Brah Yêhôva mra mpơl ăn phung ƀon lan păng saơ, Hăr Păng luh du nâm bu lơp nglaih; Brah Yêhôva mra uh nŭng, Păng hăn ndrel ma sial vănh blông mpeh pa dâng.

Sakari 9:8

Gâp mra ƀư pôih gay gak ngih Gâp, Gay njrăng ma bunuyh hăn nsong. Nơm tŭn jot mra mâu hôm tŭn jot phung ƀon lan Gâp đŏng ôh, Yorlah aƀaơ ri Gâp hŏ treng uănh đah trôm măt Gâp nơm.

Luka 2:32

Jêng nau ang sol trong ma phung bu năch, Jêh ri jêng nau chrêk rmah phung Israel, jêng phung ƀon lan May.”

Nau Tâm Mpơl 21:23

Ƀon nây mâu hôm ŭch geh nar ôh, mâu lah khay sol ang, yorlah nau chrêk rmah Brah Ndu sol ang ƀon nây, jêh ri Kon Biăp jêng kađen ma ƀon.