Sakari 2:13 - Nau Brah Ndu Ngơi 2023

¹³ Ăn lĕ rngôch bunuyh gŭ rklăk hom tanăp măt Brah Yêhôva, yorlah Păng hŏ kah rngăl tă bơh ntŭk kloh ueh Păng.

Sakari 2:13 Iomraidhean Croise

II Nau Rêh Jêng 30:27

Pônây, phung kôranh ƀư brah jêng noi Lêvi gŭ dâk ăn nau ueh uĭn ma phung ƀon lan; Brah Ndu dơn bâr khân păng, nau mbơh sơm khân păng hao tât ma ntŭk kloh ueh Kôranh Brah ta klơ trôk.

Nau Mprơ Ơm 11:4

Brah Yêhôva gŭ tâm ngih brah kloh ueh Păng; Sưng hađăch Păng gŭ tâm trôk. Măt Păng uănh, Sâng măt Păng sek uănh phung kon bunuyh.

Nau Mprơ Ơm 46:10

Gŭ rklăk hom jêh ri ăn gĭt pô aơ Gâp jêng Brah Ndu; Gâp mra geh nau yơk tâm lĕ bri dak, Gâp mra geh nau yơk mbah tâm neh ntu.

Nau Mprơ Ơm 68:5

Brah Ndu gŭ ntŭk kloh ueh Păng, Jêng mbơ̆ ma phung kon đơi jêh ri Nơm N'gang ma bu ur ndrô.

Nau Mprơ Ơm 78:65

Aƀaơ aơ, Kôranh Brah nâm bu bunuyh kah rngăl bê̆ch, Nâm bu du huê janh ktang dơi đah nhŭl ndrănh.

Êsai 14:2

Phung ndŭl mpôl bunuyh mra njŭn leo phung Israel plơ̆ sĭt ta ntŭk khân păng nơm. Ta neh Brah Yêhôva, ngih Israel mra pit rvăn phung ndŭl mpôl bunuyh aơ jêng phung oh mon bu klâu jêh ri oh mon bu ur. Phung Israel mra nhŭp phung hŏ nhŭp jêh khân păng, jêh ri chiă uănh phung tŭn jot jêh khân păng.

Êsai 19:16

Tâm nar nây, phung Êjipt mra tâm ban ma phung bu ur râm nsâr klach kir dôl khân păng saơ ti Brah Yêhôva ma phung tahan yơr, yơr tâm rdâng đah khân păng.

Êsai 41:1

Ơ lĕ rngôch gôl dak mƀŭt, gŭ rklăk hom tanăp Gâp! Ăn hom lĕ ntil mpôl bunuyh sŏk dơn nau ktang mhe; Ăn khân păng văch dăch jêh ri ăn khân păng ngơi! Ăn he hăn dăch ndrel n'grŭp gay ma phat dôih!

Êsai 51:9

Ơ nting tur Brah Yêhôva Kah rngăl hom, kăl rngăl hom, nsoh hom nau ktang! Kah rngăl hom tâm ban ma rnôk kăl e Tâm ban ma rnôk saơm! Mâu di hĕ May yơh hŏ koh hăch Rahap, Nơm ntâp jêh mpa djơh dak mƀŭt?

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 57:5

Khân may ƀư nau văng tĭr ndrăng khân may ta meng tơm si têrêbin, Tâm dâng lĕ rngôch tơm si ndrêh, Khân may nkhĭt phung kon khân may nơm ƀư mpa ƀư brah tâm rlŭng, Tâm lĕ rkâp lŭ!

Êsai 63:15

Bơh trôk, dăn Kôranh Brah mêt uănh, Bơh ntŭk May gŭ kloh ueh jêh ri chrêk rmah, dăn May mêt uănh! Mbah nau duh nđơr jêh ri kan nau brah May? Nau May rŏng jêh ri yô̆. Bu hŏ king jêh ƀơh!

Yêrêmi 25:30

“Yor nây, ăn may gơnh djôt nau ngơi aơ mbơh lor tâm rdâng đah khân păng: ‘Bơh ntŭk prêh ta klơ, Brah Yêhôva hŏ nter troh, Păng hŏ ngơi, bơh ntŭk kloh ueh Păng nter huy tâm rdâng đah phung biăp Păng, Păng ntơm ngơi kuăl nâm bu phung jot play krăk ƀâu, Tâm rdâng đah lĕ rngôch phung gŭ ta neh ntu.

Habakuk 2:20

Ƀiălah Brah Yêhôva gŭ tâm ngih brah kloh ueh păng; Tanăp Păng, gŭ rklăk hom lĕ rngôch bunuyh klơ neh ntu!”

Sôphôni 1:7

Gŭ klăk klêm hom tanăp Kôranh Brah Yêhôva! Yorlah nar Brah Yêhôva hŏ dăch tât jêh; Brah Yêhôva hŏ ndrăp nkra jêh du mlâm mpa ƀư brah, Prăp êng ma phung bu năch Păng lĕ jă jêh.

Sôphôni 2:9

Yor nây, Brah Yêhôva ma phung tahan, Jêng Brah Ndu phung Israel lah pô aơ: “N'hêl nanê̆ tĭng nâm Gâp gŭ rêh mro mrăng! Môap mra jêng tâm ban Sôdôm Jêh ri phung ƀon lan Ammôn mra jêng tâm ban Gômôrơ; Khân păng mra jêng du ntŭk bêng ma pôm lok, Du ntu boh, du ntŭk rngol n'ho ro. Phung ƀon lan Gâp hôm e gŭ rêh mra ntŭng pit ƀư rai lơi khân păng, Phung ƀon lan Gâp hôm klen mra pit in bri neh khân păng ƀư drăp ndơn.”

Sôphôni 3:8

Yor nây, Brah Yêhôva lah: “Gŭ kâp hom Gâp, Kŏ tât nar Gâp mra dâk mbơh ăn jêng nanê̆; Yorlah Gâp hŏ mĭn jêh tâm rgum lĕ mpôl băl bunuyh Jêh ri plơ̆ rgum tay lĕ bri hađăch, Gay nkhŭt ta khân păng nau ji nuih, Nây jêng lĕ rngôch nau Gâp ji nuih hâu ngăn, Yorlah lĕ rngôch bri dak mra rai lôch. Ma ŭnh nau Gâp ntôn.

Sakari 4:9

“Ti Y-Sôrôƀaƀel hŏ ndâk jêh mbon ngih brah aơ, pôri ti păng đŏng mra ƀư lôch.” Jêh ri khân may mra gĭt Brah Yêhôva ma phung tahan hŏ njuăl gâp hăn tât ma khân may.

Sakari 6:15

Phung gŭ ngai mra tât gay kơl ndâk ngih Brah Yêhôva; jêh ri khân may mra gĭt Brah Yêhôva ma phung tahan njuăl gâp hăn tât ma khân may. Tơlah khân may gơih srôih tông bâr Brah Yêhôva khân may, pôri nau nây mra tât ngăn.

Samƀŭt Pôl Njuăl Ăn Ma Phung Nsing Ta Ƀon Rôm 3:19

He gĭt lĕ nau vay lah, jêng lah ma phung gŭ tâm dâng nau vay gay ma lĕ rngôch trôm mbung gŭ rklăk da dê, jêh ri lĕ rngôch bunuyh ta neh ntu dơn nau tih tanăp Brah Ndu;

Samƀŭt Pôl Njuăl Ăn Ma Phung Nsing Ta Ƀon Rôm 9:20

Hơi mĭt jiăng, mbu may jêng dĭng may janh tâm rlăch đah Brah Ndu? Mâm ƀư ndô ndơ bu mon njêng lah đah nơm mon njêng păng pô aơ: “Mâm ƀư may mon gâp pô aơ?”

Nau Vay Nkah Tay 18:21

Khân may ŭch lah tâm nuih n'hâm khân may: ‘Mâm ƀư he dơi gĭt năl nau ngơi jêng nau ngơi Yêhôva mâu mâp ngơi ôh?’

Nau Vay Nkah Tay 18:22

Lah du huê nơm mbơh lor ngơi tâm amoh Brah Yêhôva, ƀiălah nau păng ngơi mâu tât ôh jêh ri mâu saơ geh, nây jêng mâu di nau Brah Yêhôva hŏ ngơi. Nơm mbơh lor nây hŏ ngơi ma nau nklă, lơi klach ma păng ôh.”

Nau Vay Nkah Tay 26:15

Bơh ntŭk kloh ueh May gŭ, ta ntŭk trôk prêh klơ, dăn Kôranh Brah treng uănh jêh ri ăn nau ueh uĭn ma phung ƀon lan Israel May, ma n'gor bêng ma dak toh jêh ri dak sŭt May ăn jêh ma hên, tâm ban May sơm ton jêh ma phung chô yau hên.’ ”