Sakari 2:12 - Nau Brah Ndu Ngơi 2023

¹² Brah Yêhôva mra dơn phung Yuđa jêng drăp ndơn tâm ntŭk kloh ueh Păng, jêh ri Păng mra săch rgum đŏng Yêrusalem.

Sakari 2:12 Iomraidhean Croise

II Nau Rêh Jêng 6:6

Ƀiălah Gâp hŏ săch jêh Yêrusalem gay dơm amoh Gâp ta nây, jêh ri Gâp hŏ săch jêh Y-Đavit gay chiă uănh phung ƀon lan Israel Gâp.

Êsther 6:13

Y-Haman nkoch bri ma ur păng jêng H'Sêres jêh ri ma lĕ rngôch phung mĭt jiăng păng ăp ntil nau tât jêh ma păng. Nôk nây phung blau mĭn păng jêh ri H'Sêres, ur păng lah ma păng: “May ntơm tŭp jêh tanăp măt Y-Môrdêkai; tơlah păng jêng tâm mpôl phung Yuđa, pôri may mâu mra dơi ôh, ƀiălah n'hêl nanê̆ mra cha lôt tanăp păng.”

Nau Mprơ Ơm 105:15

“Lơi ta pah tât phung Gâp troch dak ngi, Lơi ƀư djơh ma phung nơm mbơh lor Gâp!”

Nau Mprơ Ơm 132:13

Yorlah Brah Yêhôva săch jêh ƀon Siôn; Păng ŭch Siôn ƀư ntŭk Păng gŭ;

Nau Mprơ Ơm 132:14

Păng lah: “Aơ jêng ntŭk Gâp gŭ rlu ƀaƀơ n'ho ro; Gâp mra gŭ ta nây yorlah Gâp ŭch jêh kơt nĕ.

Nau Mprơ Ơm 135:4

Yorlah Brah Yêhôva hŏ săch jêh Yakôb ma Păng nơm, Sŏk phung Israel jêng drăp ndơn êng ma Păng.

Nau Mprơ Ơm 33:12

Moh bri dak geh Brah Yêhôva ƀư Brah Ndu khân păng, Moh ntil mpôl bunuyh Păng dơi săch ƀư jêng drăp ndơn păng, Geh nau ueh maak n'ho ro!

Nau Mprơ Ơm 82:8

Ơ Brah Ndu, dăn gơnh oi phat dôih neh ntu, Yorlah lĕ rngôch mpôl băl bunuyh jêng drăp ndơn May da dê.

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 17:14

Ta kêng măng, aơ, geh nau klach krit, Êlor ma tât ƀring ang ôi, mâu hôm saơ khân păng ôh. Nĕ jêng ndơ phung sŏk ntŭng, Jêng mrô nal prăp ma phung ntŭng ndơ he.

Êsai 41:9

Gâp hŏ kuăn jêh may bơh bôl bri neh, Kuăl jêh may tă bơh bri ngai Jêh ri lah ma may pô aơ: “May jêng oh mon Gâp, Gâp hŏ săch jêh may, mâu chalơi may ôh.”

Yêrêmi 10:16

Drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Jêh ri Israel jêng mpôl băl drăp ndơn Păng. Amoh Păng jêng Brah Yêhôva ma phung tahan.”

Yêrêmi 30:16

Yor nây, lĕ rngôch mbu nơm rvăn may bu mra rvăn; Lĕ rngôch phung rlăng may, tâm ăp nơm mra hăn jêng bu nă; Mbu nơm tŭn jot may bu mra tŭn jot, Lĕ rngôch phung tŭn jot may, Gâp mra jao ma nau tŭn jot.’

Yêrêmi 51:19

Ƀiălah drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Israel jêng mpôl băl drăp ndơn Păng; Amoh Păng jêng Brah Yêhôva ma phung tahan.

Sakari 1:17

Mbơh hom du tơ̆ tay đŏng pô aơ Brah Yêhôva ma phung tahan lah: ‘Lĕ rngôch ƀon toyh Gâp mra ăn âk bêng ma drăp ndơ, Brah Yêhôva mra bonh leng yôk Siôn jêh ri săch tay đŏng ƀon Yêrusalem.’”

Sakari 3:2

Brah Yêhôva lah ma Satan: “Hơi Satan, Brah Yêhôva geh nau dơi nduyh may! Brah Yêhôva, Nơm hŏ săch jêh ƀon Yêrusalem, nduyh may! Mâu di bơh nơm aơ jêng rlŭt ŭnh dôl hit bu rhuăt lơi tă bơh ŭnh?”

Nau Vay Nkah Tay 32:10

Păng joi saơ khân păng tâm du ntŭk bri hŏng, Ta nklang lĕ nau nter ngrông bơh bri rdah. Păng nkŭm khân păng, mât mray khân păng, Mât uănh khân păng nâm bu găr măt Păng.

Nau Vay Nkah Tay 32:9

Yorlah kô̆ prăp ma Brah Yêhôva jêng phung ƀon lan Păng, Y-Yakôb jêng drăp ndơn prăp ma Păng.